काठमाडौको पानीपोखर्रीस्थित भानुभक्त मेमोरीयल उच्च माध्यामिक बिद्यालयले स्थापनाको स्वर्ण जयन्तीको अवसरमा माघको पहिलो साता खेलकुद सप्ताह आयोजना गर्ने भएको छ ।
बिद्यालय प्रशासनले आज पत्रकार सम्मेलन गरि आगामी माघ २ देखि ९ गतेसम्म बिद्यालयस्तरीय खेलकुद मेलाको आयोजना गर्ने जानकारी दिएको हो ।
खेलकुद सप्ताहमा अन्तर बिद्यालयस्तरीय बास्केटबल र टेवलटेनिस प्रतियोगिताको आयोजना हुनेछ । प्रतियोगितामा काठमाडौं उपत्यकाका अधिकांश बिद्यालयको सहभागिता रहने आयोजक बिद्यालय व्यवस्थापन समितिका अध्यक्ष प्रेमबहादुर श्रेष्ठ रञ्जीतले जानकारी गराए ।
यसका साथै प्रतियोगिताको उद्घाटन हुने दिन माघ २ गते बिद्यालयका पूर्व बिद्यार्थी, अबिभावक लगायत समाबेस गराएर दौड प्रतियोगिता आयोजना गरिने बिद्यालयका प्रधानमध्यापक प्रेम प्रसाद कडोलले पत्रकार सम्मेलनमा बताए । पानीपोखरीबाट नारायणगोपाल चोक हुदै सोही रुट फिर्ता हुनेगरि तीन किलोमिटरको दौड सञ्चालन हुनेछ । त्यस्तै बिद्यालय प्राङ्गणमा मार्चपास लगायत करााते डेमोस्ट्ेरसन हुनेछ ।
बिद्यालयकै बिभिन्न कक्षाका बिद्यार्थीहरुबीच कक्षागत क्रिकेट तथा फुटवल प्रतियोगिता सञ्चालन हुनेछ । माघ ९ गते समापनको अवसरमा पूर्वबिद्यार्थी र बिद्यालयका शिक्षकबीचको फुटवल खेल नेपाल पुलिस एकेडेमीको मैदानमा हुनेछ ।
स्वर्ण जयन्तीको अवसरमा बिद्यालयले स्वर्ण जयन्ती स्तम्भ निर्माण अभियानपनि सुरु गरेको छ ।
पत्रकार सम्मेलनमा स्वर्ण जयन्तीको लोगो अंकित टी–सर्ट सार्वजनिक गरिएको थियो ।
पत्रकार सम्मेलनमा बिद्यालय भूपू बिद्यार्थी संगठनका अध्यक्ष ठाकुरप्रसाद शर्मा, काठमाडौ महानगरपालिकाका प्रतिनिधि महेश काफ्ले लगायतको उपस्थिती थियो ।
