दिपक बोहोरा ,पाँचथर
हिउद लागे संगै पाँचथरको गाउँ गाउँमा फुटबल खेल आयोजना सुरु हुन थालेका छन । स्थानिय स्तरमा खुलेका विभिन्न क्लबहरुले फुटबल खेल आयोजना गर्ने गरेका छन । गाउँघरमा लाग्ने मेलाबजारको मुख्य आर्कषण नै फुटबल खेल हुने गरेको छ । स्थानिय क्लबहरुले आयोजना गर्ने यस्ता खेलको पुरस्कार पनि निकै आर्कषक हुने गरेको छ । गाउँ गाउँमा आयोजना हुने यस्ता फुटबल खेलको पुुुरस्कार एक लाख सम्मका हुने गरेको छ । पचास हजार सम्मका खेलहरु त अनगिन्ती रुपमा हुने गरेका छन । स्थानिय स्तरमा हुने गरेका खेलहरु भए पनि निकै नाम चलेका खेलाडिहरु पनि आउने हुदा ति खेलहरु निकै चर्चा हुने गरेका छन ।
हिउद लागे संगै गाउँका स्थानिय क्लबहरु लाई फुटबल खेल्न भ्याइ नभ्याइ हुने गरेको सदरमुकामबाट दक्षिणमा पर्ने सराङ डाडा गा.वि.समा रहेको आरोहण क्लबका सचिब सुर्य आङदेम्बे बताउनु हुन्छ । यस्ता खेलहरुले स्थानिय खेलाडि उत्पादनमा सहयोग गर्ने गरेको स्थानिय आयोजकहरु बताउछन । वर्ष भरी असङख्यरुपमा यस्ता खेलहरु आयोजना भए पनि स्थानिय क्लबहरु खेल सञ्चालन गर्न समस्या रहदै आएको छ । स्थानिय क्लबहरुको दिगो आर्थिक श्रोतनभएको हुदा खेललाई टिकाइ राख्न समस्या रहदै आएको छ । खेलको खर्च कसरी धान्दै आउनु भएको छ भन्ने प्रश्नमा स्थानिय स्तरमा चन्दा उठाएर बैदेशिक रोजगारमा गएका ब्यक्तिहरुलाई सहयोग मागेर खेल सञ्चालन गर्नु परेको आयोजकहरु बताउछन ।
स्थानिय स्तरमामात्र होइन । जिल्लामा हुने गरेको जिल्लाकै ठुलो फाल्गुनन्द गोल्डकपमा पनि पहिलो र दोश्रो पुरस्कार बिदेशमा बस्ने पाँचथरे युुवाहरुले पठाउने गरेकाछन । स्थानिय स्तरमा सञ्चालन हुने यस्ता फुटबलहरुले नेपाली फुटबलमा धेरै नै सहयोग गरे पनि वर्षै पिच्छे आयोजना गर्न समस्या हुने गरेको आयोजकहरु बताउछन । अरुको भरमा खेल आयोजना गर्नु पर्ने भएकाले कुनै कुनै वर्ष खेल रोक्नु परेको आरोहण क्लबका सचिब आङदेम्बे बताउनु हुन्छ ।
