धनगढी, चैत ८
धनगढी क्रिकेट लिग भाग ३ अन्र्तगत छनोट चरणको पहिलो खेलमा मंगलक्याम्पस रोड र अत्तििरया भिड्ने भएका छन् । लिग चरण अन्र्तगत सोमबार भएको खेलमा सन्तोषी टोलमाथि ८१ रनको फराकिलो जित निकाल्दै समूह विजेता बन्दै अत्तरिया छनोट चरणमा प्रतिद्धन्द्धी पाएको हो ।

लिग चरणको अन्तिम खेलमा टस जितेर पहिले ब्याटिङ गरेको क्याम्पसरोडले निर्धारित २० ओभरमा १३६ रन बनायो । क्याम्पसरोडका लागि सन्तोष भट्टले अभिजित ६२ रनको पारी खेले । विष्फोटक ब्याटिङ गरेका उनले ३२ बलको सामना गर्दै ८ चौका र २ छक्काको मदतले टीममा सवैभन्दा उच्च स्कोर बनाएका हुन् । त्यस्तै सरोज ऐरले २३ तथा रोमन बमले १५ रनको इनिङ खेले । सन्तोषी टोलका अमन भण्डारीले भोज राज भट्ट र महेश अधिकारीले पनि समान १ विकेट लिए ।
धनगढीस्थित अञ्चल प्रहरीको खेल मैदानमा जवाफी ब्याटिङमा सन्तोषी टोलले पुरै विकेट गुमाएर ५५ रन मात्र बनाउन सक्यो । सन्तोषी टोलका लागि महेश अधिकारीले २१ तथा विजय रानाले १६ बाहेक अन्य ब्याट्सम्यानले दोहोरो अंक जोड्न नसक्दा अन्तिम खेलमा पनि पराजित हुन पुग्यो । क्याम्पसरोडका चन्द्र सावँदले ३ तथा सन्तोष भट्ट र आशिष बमले समान २ विकेट लिए । क्याम्पस रोडका सन्तोष भट्ट म्यान अफ द म्याच घोषित भए ।