काठमाडौं, चैत ११ ग्रेट हिमालय क्रिकेट एकेडेमी र फर्पिङ क्रिकेट क्लवबीच मैत्रीपूर्ण सिरिज हुने भएको छ । करिव एक महिना चल्ने सिरिजमा दुई टोलीले तीन दुई दिवसीय र तीन एकदिवसीय म्याच खेल्नेछन् ।
सिरिज अन्तर्गत दुई दिवसीय खेलहरु चैत १२ र १३ गते, १९ र २० गते तथा २६ र २७ गते हुनेछ । त्यस्तै तीन एकदिवसीय खेल बैशाख २, ३ र ४ गते आयोजना हुनेछ । युवा क्रिकेटरको प्रतिभा विकासका लागि यस सिरिजले महत्वपूर्ण भुमिका निर्वाह गर्ने अपेक्षा आयोजक क्लवले गरेको छ ।
यो सिरिज ग्रेट हिमालय क्रिकेट एकेडेमीले गर्न लागेको तीन नम्बर प्रदेश भ्रमण अन्तर्गत नै हो । यसका अलावा एकेडेमीको टोलीले नुवाकोट, भक्तपुर, काभ्रे, धादिङ, रसुवा, सिन्धुपाल्चोक लगायत यस क्षेत्रका थुप्रै स्थानहरुमा पुगेर क्रिकेटको प्रचार प्रसारका साथै प्रतिभा पहिचान गर्ने लक्ष्य लिएको छ । यसलाई ग्रेट हिमालय क्रिकेट क्लव ट्यालेन्ट टूर नाम दिइएको छ ।
ग्रेट हिमालय क्रिकेट एकेडेमीले जारी गरेको बिज्ञप्तिमा दुई क्लवहरुबीच चैत १२ देखि बैशाख ६ गतेसम्म फर्पिङस्थित त्रिभुवन आदर्श माध्यामिक बिद्यालयको मैदानमा हुने सिरिज आयोजनाका लागि करिव ३ लाख खर्च हुने अनुमान क्लबले गरेको छ ।
