काठमाडौं (हाम्रो खेलकुद) – नेपाली ब्याडमिन्टनका युवा स्टार प्रिन्स दाहाल थाइल्यान्डको बैंककमा जारी योनेक्स सिंगा–रोजा बिटिवाई इन्टरनेशनल च्याम्पियनसिपको ब्वाइज यु–१७ को चौथो चरणमा प्रवेश गरेका छन् ।

बैंककमा भएको तेस्रो चरणको खेलमा प्रिन्सले मलेसियाका स्यामुइल लिलाई २–१ को सेटमा पराजित गर्दै चौथो चरणमा स्थान बनाएका हुन् । प्रिन्सले पहिलो सेट २१–१० ले सहजै जितेपनि दोस्रो सेट १७–२१ ले गुमाएको थियो । तेस्रो सेट प्रिन्सले २१–११ ले सहजै आफ्नो पक्षमा पार्न सफल भयो ।

त्यसअघि प्रिन्सले पहिलो राउन्डमा जापानका तथा दोस्रो राउन्डमा थाइल्यान्डका खेलाडीलाई पराजित गर्दै तेस्रो चरणमा प्रवेश गर्न सफल भएका थिए । अब प्रिन्सले चौथो चरणमा थाइल्यान्डका खेलाडीसँग प्रतिस्पर्धा गर्नेछ ।