default_image

4 years ago

October 18, 2019

मैत्री तेक्वान्दोको आयुशलाई स्वर्ण

काठमाडौं (हाम्रो खेलकुद) – तेस्रो राष्ट्रिय खुला मैत्री तेक्वान्दो प्रतियोगिता शुक्रबारदेखि चितवनको रत्ननगरमा सुरु भएको छ । प्रतियोगिताको पहिलो दिन पुरुष ३६ केजी तौल समूह मुुनि मुलपानी तेक्वान्दो डोजाङका आयुश ढुङ्गेलले स्वर्ण पदक जितेका छन् । फाइनलमा उनले मैत्री तेक्वान्दो डोजाङका सागर घिमिरेलाई पराजित गरे । न्युलाईफका सुगम चौधरी र अल्फाका जस्गिन चौधरी तेस्रो भए […]

45 views

0 Bookmark

काठमाडौं (हाम्रो खेलकुद) – तेस्रो राष्ट्रिय खुला मैत्री तेक्वान्दो प्रतियोगिता शुक्रबारदेखि चितवनको रत्ननगरमा सुरु भएको छ । प्रतियोगिताको पहिलो दिन पुरुष ३६ केजी तौल समूह मुुनि मुलपानी तेक्वान्दो डोजाङका आयुश ढुङ्गेलले स्वर्ण पदक जितेका छन् ।

फाइनलमा उनले मैत्री तेक्वान्दो डोजाङका सागर घिमिरेलाई पराजित गरे । न्युलाईफका सुगम चौधरी र अल्फाका जस्गिन चौधरी तेस्रो भए ।
पुरुष ३३ केजी मुनि वेस्टर्न इस्टका कलीशान्त नाथले स्वर्ण जिते । कलीले फाइनलमा दोधारा चाँधनीका शिशिर ठगुन्नालाई हराए ।

शरित सौराहाका जनक दर्लामी र भैरहवाका शिवबहादुर क्षेत्री तेस्रो भए । पुरुष ४५ केजी मुनि द एभरेष्टका शंकर गौतम पहिलो भए । फाइनलमा उनले एरिस्टोका रुपेश सिंहलाई हराए । दिलिप स्मृतिका रमन तामाङ र सिद्धज्योतीका राजिव थापा तेस्रो भए ।

प्रतियोगिताको उद्घाटन रत्ननगर नगरपालिकाकी उपमेयर विमला दवाडीले गरिन् । उक्त अवसरमा अन्तर्राष्ट्रिय खुला मैत्री तेक्वान्दो च्याम्पियनसिप (आईओएफटीसी) का निर्देशक दिवाकर मर्हजन, लव गोर्खाली, नेपाल तेक्वान्दो संघ प्रदेश ३ का अध्यक्ष केशव पुरी, तेक्वान्दोका मुख्य प्रशिक्षक नविन कुमार श्रेष्ठ, तेक्वान्दोका प्रशिक्षक मिन न्यौपाने, राजेश प्रजापती, श्रीमान थापामगर, फडिन्द्र खड्का लगायतलाई सम्मान गरिएको थियो ।

शनिबारसम्म चल्ने दुई दिने प्रतियोगितामा पुरुषतर्फ २४ र महिलातर्फ २२ गरी ४६ तौल समूहमा प्रतिस्पर्धा हुनेछ । यस्तै, पुम्सेमा ८ तौलसमूहमा प्रतिस्पर्धा हुनेछ ।

अन्तर्राष्ट्रिय खुला मैत्री तेक्वान्दो च्याम्पियनसिप (आईओएफटीसी) र ललितपुर मैत्री तोक्वान्दो डोजाङको सहयोग तथा सहकार्यमा सञ्चालित प्रतियोगितामा विभिन्न ४० जिल्ला, विभागीय टोलीको नेपाल पुलिस क्लब, त्रिभुवन आर्मी क्लब र विभिन्न डोजाङका खेलाडीले कूल ५४ स्वर्णका लागि प्रतिस्पर्धा गर्नेछन् ।
प्रतियोगितामा पुरुषतर्फ ५४ केजी मुनि, ५८ केजी मुनि, ६३ केजी मुनि, ६८ केजी मुनि, ७४ केजी मुनि र ८० केजी मुनि तौल समूहमा प्रतिस्पर्धा हुनेछ ।

महिलातर्फ सहभागी खेलाडीले ४६ केजी मुनि, ४९ केजी मुनि, ५३ केजी मुनि र ५७ केजी मुनि तौल समूहमा प्रतिस्पर्धा गर्नेछन् ।
प्रतियोगितामा १८ बर्षभन्दा माथिको तौलसमूह अन्तर्गत पुरुषतर्फ ३ र महिलातर्फ दुई गरी पाँच जना उत्कृष्ट खेलाडीले एक लाख रुपैयाँ पुरस्कार प्राप्त गर्नेछन् ।

पुरुषतर्फका उत्कृष्ट तीन र महिलातर्फ उत्कृष्ट दुई जना खेलाडीलाई सन् २०२० को मेमा अमेरिकाको मिसिगनमा आयोजना हुने अन्तर्राष्ट्रिय खुला मैत्री तेक्वान्दो च्याम्पियनसिपमा सहभागी गराईने आईओएफटीसीका निर्देशक दिवाकर मर्हजनले जानकारी दिए ।

प्रतियोगितामा उत्कृष्ट खेलाडी, रेफ्री, प्रशिक्षक, उत्कृष्ट टिम र उत्कृष्ट तेक्वान्दो प्रदर्शनी गर्ने खेलाडीलाई पनि जनही २५ हजार रुपैयाँ पुरस्कार प्रदान गरिने प्रतियोगिताको संयोजक पुष्पराज जोशीले जानकारी दिए ।

March 24, 2024

दोस्रो गल्कोट कप भलिबल अर्काे साता

सिड्नी (हाम्रो खेलकुद) – अस्ट्रेलियाको सिड्नीमा अर्काे साता दोस्रो गल्कोट कप भलिबल प्रतियोगिता आयोजना हुने भएको छ । अस्ट्रेलियामा रहेका बागलुङस्थित गल्कोटबासीको सक्रियतामा स्थापना भएको गल्कोट समाज अस्ट्रेलिया (जिएसए) को आयोजनामा अर्काे साता अर्थात मार्च ३१ तारिखमा एकदिने पुरुष भलिबल प्रतियोगिता आयोजना हुन लागेको हो । एक दिने प्रतियोगिता सिड्नीको ओवर्नस्थित ओवर्न बास्केटबल सेन्टरमा हुनेछ […]

March 23, 2024

फखरउद्दिन र केपी अनुश्री सर्वाेत्कृष्ट

काठमाडौं (हाम्रो खेलकुद) – च्याम्पियन टिप टप हेल्प नेपाल स्पोर्ट्स क्लबका पाकिस्तानी स्पाइकर फखरउद्दिन र एभरेस्ट भलिबल क्लबकी भारतीय स्पाइकर केपी अनुश्री आठौं आरबीबी एनभिए महिला तथा पुरुष भलिबल च्याम्पियनसिपको सर्वोत्कृष्ट खेलाडी चुनिएका छन् । फखरउद्दिन र केपी अनुश्रीले आ–आफ्नो टोलीलाई च्याम्पियन बनाउन महत्वपूर्ण भुमिका निभाएका थिए । फाइनलमा आफ्ना सहयात्री उस्मान फरयाद अलीले प्रदर्शन […]

March 23, 2024

आर्मीमाथि राेमाञ्चक जित निकाल्दै हेल्प नेपाल च्याम्पियन

काठमाडौं (हाम्रो खेलकुद) – विभागीय त्रिभुवन आर्मी क्लबमाथि रोमाञ्चक र प्रतिस्पर्धात्मक जित निकाल्दै टिप टप हेल्प नेपाल आठौं आरबीबी एनभिए महिला तथा पुरुष भलिबल च्याम्पियनसिपको पुरुषतर्फ च्याम्पियन बनेको छ । तीन पाकिस्तानी र घरेलु भलिबलका चर्चित खेलाडीसम्मिलित हेल्प नेपालले आर्मीमाथि ३–२ को रोमाञ्चक र प्रतिस्पर्धात्मक जित निकाल्दै लगातार च्याम्पियन बन्न सफल भएको हो । त्रिपुरेश्वरस्थित […]

Success

Thank you for your time.