एजेन्सी – तीब्र गतिका बलर मिचेल स्टार्क र प्याट कमिन्सले उत्कृष्ट प्रर्दशन गरेपछि पाकिस्तान अष्ट्रलियासँगको पहिलो टेष्टमा २ सय ४० रनमा अल आउट भएको छ ।

पाकिस्तान पहिलो दिनमै ८६.२ औं ओभरमा अल आउट भएको हो । योसँगै पहिलो दिनको खेल सकिएको छ । अष्ट्रेलियाले पहिलो इनिङ शुक्रबारबाट थाल्ने छ । पाकिस्तानका लागि असाद शफीकले १ सय ३४ बलमा ७ चौका सहित सर्वाधिक ७६ रनको योगदान दिए । शफिकलाई प्याट कमिन्सले ८२ औं ओभरको चौथो बलमा बोल्ड आउट गरेका थिए ।

ओपनर शन मसुुद २७, कप्तान अजहर अली ३९, हरिस सोहेल र बाबर आजम १–१ रनमा आउट भए । तल्लोक्रममा विकेटकीपर मोहमम्मद रिजवान ३७ र यासिर शाह २६ रनमा आउट भए । अन्य ब्याट्सम्यानले राम्रो प्रर्दशन गर्न सकेनन् ।

पहिलो विकेटका लागि शन मसुद र अजहर अलीले ३३ ओभरमा ७५ रनको साझेदारी गरेका थिए । त्यसपछि पाकिस्तानको विकेट निरन्तर गुम्दा ५४.२ ओभरमा १४३–६ को अवस्थामा पुगेको थियो । सातौं औं विकेटका लागि यासिर शाह र असाद शफीकले ८४ रनको साझेदारी गर्दै सम्मानजक योगफल सम्म पुयाए ।

तीब्र गतिका मिचेल स्टार्कले १८.२ ओभरमा ५ मेडन सहित ४ विकेट लिए । त्यस्तै प्याट कमिन्सले २२ ओभरमा ७ मेडन सहित ६० रन खर्चेर ३ विकेट लिए । जोश हेजलवुडले २ र नाथन लायनले १ विकेट लिए ।

खेलको हाइलाइट्स: