default_image

5 years ago

December 30, 2019

मछिन्द्र र एनआरटी भिड्दै, मनाङलाई फ्रेन्ड्सको डर

70 views

0 Bookmark

काठमाडौं (हाम्रो खेलकुद) – फ्रेन्ड्स त्यही क्लब हो, जसले गत सिजन अन्तिम खेलमा मनाङ–मर्स्याङ्दी क्लबको अपराजित रहेर लिग जित्ने कीर्तिमानलाई तुसारापात गरिदिएको थियो ।

मनाङ गतवर्ष लिगको दुई खेल बाँकी छदै लिग च्याम्पियन बनिसकेको थियो । लिगको १२औं चरणमा संकटालाई ३–१ ले पराजित गर्दै लिग च्याम्पियन बनिसकेपछि मनाङ अपराजित रहेर लिग च्याम्पियन बन्ने अभियानमा उभिएको थियो । लिगको अन्तिम दुई खेलमा मनाङले हिमालयन शेर्पा क्लब र फ्रेन्ड्स क्लबसँग खेल्ने तय थियो । शेर्पालाई २–१ ले पराजित गर्दै मनाङ कीर्तिमानतर्फ अघि बढेको थियो ।

लिगको अन्तिम चरणको खेलमा मनाङले तुलनात्मक रुपमा कमजोर प्रदर्शन गरिरहेको फ्रेन्ड्सलाई सहजै पराजित गरेर मनाङले कीर्तिमान रच्ने सबैले अनुमान गरेको थियो । तर, त्यो अनुमान विपरित मनाङलाई फ्रेन्ड्सले १–० को हार चखायो । वैकल्पिक खेलाडीको रुपमा खेलको ८१औं मिनेटमा मैदानमा प्रवेश गरेका बिकास लामाले इन्ज्युरी समयको थप गरिएको अन्तिम मिनेट तिर गेल गर्दै मनाङलाई हार मात्र चखाएन मनाङको कीर्तिमानी यात्रालाई पुर्णविराम लगाइदियो ।

नयाँ सिजन जारी रहँदा मनाङ पुरानै लयमा अघि बढेको छ । फ्रेन्ड्स जितविहीन छ । मनाङ लिगको पहिलो स्थानमा रहँदा फ्रेन्ड्स १३ औं स्थानमा छ । यही दुई टोलीबीच सोमबार (आज) लिगको चौथो राउन्डमा प्रतिस्पर्धा हुदैछ । खेल सातदोबाटोस्थित एन्फा कम्प्लेक्सको खेल मैदानमा दिउँसो ३ बजेपछि शुरु हुनेछ ।

मनाङ अघिल्लो वर्षको नमिठो हारको बदा लिने लक्ष्यमा मैदानमा उत्रनेछ । फ्रेन्ड्स सोही जितलाई निरन्तरता दिने लक्ष्यमा हुनेछ । अघिल्लो वर्ष लिग जित्दाका खेलाडीहरु टोलीमा नरहेपनि मनाङले नतिजा आफ्नो पक्षमा पारिरहेको छ । फ्रेन्ड्सविरुद्ध समेत मनाङ सोहि रणनीतिका साथ मैदान उत्रदैछ ।

मनाङले लिगको पहिलो खेलमा विभागीय टिम एपीएफलाई २–० र आर्मी र ब्रिगेड ब्वाईजलाई समान १–० ले हराएको थियो । यता, लिगमा एक गोल पनि गर्न नसकेको फ्रेन्ड्स मनाङलाई हराउने दाउमा छ । तीन ब्राजिलियन खेलाडीले सोचे अनुरुपको खेल पस्कन सकेको छैन । फ्रेन्ड्स विभागीय आर्मीसँग २–१, ब्रिगेड ब्वाईजसँग २–० र मछिन्द्रसँग ३–० गोल अन्तरले पराजित भएको थियो ।

सोमबारै पहिलो खेलमा न्युरोड टिम (एनआरटी) र मछिन्द्र क्लबबीच खेल हुनेछ । खेल बिहान ११ः३० बजे एन्फा कम्प्लेक्समा हुनेछ । मछिन्द्र र एनआरटी अघिल्लो वर्ष रेलिगेसनविनाको लिगका कारण ‘ए’ डिभिजनमै रहन सफल भएका हुन् । रेलिगेसन विनाको लिगका कारण उनीहरुको १ र २ अंक घटाइएको छ ।

दुवै टिम स्पष्ट तीन अंक लिने लक्ष्य सहित मैदान उत्रदैछ । अपराजित मछिन्द्रले तीन खेलबाट ६ अंक जोडेको छ । गत सिजन १३ औंं स्थानमा रहेका कारण मछिन्द्रले १ अंक गुमाएको छ । एनआरटी पनि गत सिजन लिगको पुछारमा रहेकाले दुई अंक गुमाएको छ । त्यसैले तीन खेलबाट उसको ४ अंक मात्रै छ ।

एनआरटीलाई पराजित गर्दै मछिन्द्र शीर्षस्थानको मनाङलाई पछ्याउने छ । मछिन्द्रले पहिलो खेलमा ब्रिगेड ब्वाईज २–० र तेस्रो खेलमा फ्रेन्ड्सलाई ३–० गोल अन्तरले पराजित गरेको थियो । मछिन्द्र दोस्रो खेलमा च्यासलसँग १–१ को बराबरीमा रोकिएको थियो । एनआरटीले पहिलो खेलमा सरस्वतीलाई ४–० ले पराजित गर्दा संकटासँग १–० ले पराजित भएपनि च्यासललाई पराजित गर्दै विजयी लयमा फर्किएको थियो । एनआरटी सोही जितलाई निरन्तरता दिने लक्ष्यमा हुनेछ ।

मछिन्द्र र एनआरटीले गतवर्ष ५–५ गोलको बराबरी खेलेका थिए । मछिन्द्रले यो सिजन लिग जित्ने लक्ष्यका साथ स्टार खेलाडी जमघट गरेर ‘ड्रिम टिम’ तयार पारेको छ । एनआरटीले पनि केही खेलाडी परिवर्तन गरेको छ ।

December 12, 2024

युएईका अलराउन्डर हमिद चितवनमा अनुबन्ध

काठमाडौं(हाम्रो खेलकुद) – चितवन राइनोजले युएईका अलराउन्डर बासिल हमिदलाई बाँकी रहेको नेपाल प्रिमियर लिग(एनपिएल) को लागि टोलीमा भित्र्याएको छ । विदेशी खेलाडीका रुपमा चितवनले हमिदलाई टोलीमा भित्र्याएको बिहीवार जनाएको छ । हमिदले युएईको लागि निरन्तर प्रभाव पार्दै आएका छन् । उनले टी ट्वान्टीमा ७० खेल्दै ८ सय ५८ रन बनाउनुको साथै ३८ विकेट लिएका छन् […]

December 10, 2024

रोहित र जाफरको अर्धशतकमा चितवनलाई प्रतिस्पर्धात्मक लक्ष्य

काठमाडौं(हाम्रो खेलकुद) – लुम्बिनीका कप्तान रोहितकुमार पौडेल र साद विन जाफरको अर्धशतकको सहयोगमा सिद्धार्थ बैंक नेपाल प्रिमियर लिगमा लुम्बिनी लायन्सले चितवन राइनोजलाई प्रतिस्पर्धात्मक लक्ष्य दिएको छ । टस हारेर ब्याटिङको निम्तो पाएको लुम्बिनीले निर्धारित २० ओभरमा ६ विकेट गुमाएर १ सय ६७ रनको प्रतिस्पर्धात्मक योगफल तयार गर्यो । लुम्बिनीका लागि कप्तान रोहितले सर्वाधिक ८० रन […]

December 8, 2024

हेडको शतक र बलर चम्कदा अस्ट्रेलियासँग भारतको हार

एजेन्सी – मध्यक्रमका ब्याटर ट्रविस हेडको शतक र तीव्र गतिका बलरको उत्कृष्ट प्रदर्शनमा अष्ट्रेलियाले दोस्रो टेस्ट खेलमा भारतविरुद्ध सहज जित हासिल गरेको छ । दोस्रो टेस्टको तेस्रो दिन आइतवार अस्ट्रेलियाले भारतलाई १० विकेटले सजिलै हरायो। जितसँगै ५ टेस्टको सिरिजमा १-१ को बराबरी भएको छ । दोस्रो इनिङमा १९ रनको सामान्य लक्ष्य घरेलु टोली अस्ट्रेलियाले ३.२ […]

Success

Thank you for your time.