4 years ago
January 5, 2020
पोखरा (हाम्रो खेलकुद) – मिलन युवा क्लब धम्पुुसले कास्कीको माछापुच्छ्रे गाउँपालिका घलेलमा सम्पन्न ‘२१औं ल्होछार घलेल महोत्सव’ गाँउस्तरीय भलिबल प्रतियोगिताको उपाधि जितेको छ ।
घलेलस्थित खेल मैदानमा भएको फाइनल खेलमा मिलन युवा क्लब धम्पुुसले जुरे भुमी युवा क्लब तप्राङलाई ३–० को सोझो सेटमा पराजित गर्दै उपाधि जितेको हो । धम्पुसले तप्राङलाई २५–२०, २५–२१ र २५–२२ को सोझो सेटमा हरायो ।
उपाधि सँगै धम्पुसले ७० हजारसँगै शिल्ड हात पारेको छ । उपबिजेता बनेको तप्राङले ४० हजारसँगै शिल्ड हात पार्यो । त्यस्तै अन्नपुर्ण युवा क्लबले मर्दी हिमाल क्लब सिँधिङलाई ३–० को सोझो सेटमा पराजित गर्दै तेस्रो स्थान हात पारेको छ । अन्नपुर्णले २५ हजार रुपैया हात पार्यो । मिलन युवा क्लबका मनोज खड्का प्रतियोगिताको सर्वाेत्कृष्ट खेलाडी घोषित भए । प्रतियोगितामा विभिन्न ३० टोलीको सहभागिता रहेको थियो ।
यस्तै खुल्ला घोडा दौडतर्फ नाँगीका बल बहादुर खड्का पहिलो भए । सिधिङ घिप्लीका दुर्गा भण्डारी दोस्रो र सोही स्थानकै गोबिन्द गौतम तेस्रो भए । बल बहादुरले निर्धारित ७.५ किलोमिट ३३ मिनेट ३० सेकेण्डमा पार गरी च्याम्पियन बनेको हो ।
उनले १५ हजार हात पारे । ३३ मिनेट ३३ सेकेण्डमा पार गरी दोस्रो स्थान हाँसिल गरेका भण्डारीले १० हजार तथा ३४ मिनेट १२ सेकेण्डमा निर्धारित दुरी पार गर्दै तेस्रो बनेका गौतमले ५ हजार पाए ।
प्रतियोगिता घलेल टोल बिकास संस्थाको आयोजना र बौद्ध सिर्जना युवा क्लबको संयुक्त आयोजनामा भएके महोत्सवमा भलिबल र घोडा दौड प्रतियोगिता राखिएको थियो ।
May 11, 2024
एजेन्सी – ओपनरद्वय शुभमन गिल र साई सुदर्शनको शतकीय इनिङको मद्दतमा गुजरात टाईटन्सले इन्डियन प्रिमियर लिग (आइपिएल) मा शुक्रबार चेन्नाई सुपर किंग्सलाई सहजै हराएको छ। गुजरातले चेन्नाई माथि ३५ रनको सहज जित दर्ता गर्यो । अहमदाबादमा टस हारेर पहिले ब्याटिङ गरेको गुजरातले दुई खेलाडीको शतकको मद्दतमा ३ विकेटको क्षतिमा २ सय ३१ रन जोड्यो । […]
May 9, 2024
एजेन्सी – खेलको अन्तिम समयमा उत्कृष्ट पुनरागमन गर्दै रियल म्याड्रिड युरोपेली च्याम्पियन्स लिगको फाइनलमा प्रवेश गरेको छ । बायर्न म्युनिखविरुद्ध घरेलु मैदानमा भएको सेमिफाइनलको दोस्रो लेगमा बुधबार २-१ र समग्रमा ४-३ को जित निकाल्दै रियल फाइनलमा पुगेको हो । एक गोलले पछि परेको अवस्थामा ८१औं मिनेटमा मैदान प्रवेश गरेका जोसेलुले केही मिनेटको अन्तरालमा २ गोल […]
May 6, 2024
काठमाडौं (हाम्रो खेलकुद) – इङ्ल्यान्ड भ्रमणमा रहेको नेपाली राष्ट्रिय फुटबल टोली इङ्ल्यान्ड ‘सि’ सँग पराजित भएको छ । इङ्ल्यान्ड नेसनल लिग टोली एल्डरसट टाउनको घरेलु मैदान इबीबी स्टेडियममा सोमबार भएको खेलमा नेपाल २-० ले पराजित भएको हो । नेपाल खेलको सुरुवाती समयका नै दुई गोलले पछि परेको थियो। इंग्लिस टोलीका लागि आठौं मिनेटमा निक काबाम्बाले […]