एजेन्सी – विश्वभर महामारीको रुपमा फैलिरहेको कोरोना भाइरस (कोभिद-१९) संक्रमणबाट जोगिन युरोपका शीर्ष ५ फुटबल लिगका ४९ क्लबहरुले समर्थकलाई आफ्नो क्लबको लोगो अंकित मास्क बेच्न थालेका छन् ।

युरोपमा कोरोना संक्रमणको दर घट्दै गएपछि फुटबल लगायत अन्य खेलकुद गतिविधि पनि सुचारु हुन थालेका छन् । यद्यपि दर्शकहरुको सुरक्षालाई ध्यानमा राख्दै बन्द रंगशालामा खेल गराइने छ । यसका बाबजुद क्लबहरुले समर्थकमाझ पुग्न अनेक रणनीति अगाडी सारेका छन् । त्यसमध्य एक क्लबको लोगो अंकित मास्क बजारमा तथा अनलाइनमार्फत उपलब्ध समेत गराका छन् ।

स्पेनिस पत्रिका अपुसेटा देपोर्तिभाले गरेको अध्ययन अनुसार अधिकांश शीर्ष क्लबहरुले आफ्नो लोगो अंकित गर्दै मास्क बेच्न थालिसकेका छन् । टोलीअनुसार मास्कको मुल्य भने फरक रहेको छ । क्याटलान क्लब बार्सिलोनाले १८ युरोमा मास्क बेचेको छ । यो नै युरोपको फुटबल टोलीमध्य सर्वाधिक मूल्यको मास्क हो । त्यसपछि पीएसजीले १५ युरोमा बेचिरहेको छ ।

जर्मनीको बायर लेभरकुसन र बोरुसिया मोन्चेन्ग्लाडबाकले भने मात्र २.९९ युरोमा मास्क बजारमा ल्याएका छन् । स्पेनी टोली रियल बेटिसले पनि मात्र ३.९९ युरोमा मास्क उपलब्ध गराएको छ । लिग सुचारु भइसकेको जर्मनीमा १८ मध्य १६ क्लबले मास्क बजारमा ल्याएका छन् । जर्मनीमा शीर्ष श्रेणीका लाइप्जिग र पाडेरबर्नले मात्र मास्क बनाएका छैनन् ।

स्पेनमा ८ क्लबले मास्क बजारमा ल्याएका छन्  । अधिकांश क्लबले एक प्रति भन्दाअनि प्याकेटमा मस्क बेच्न राखेका छन् । इंगलिस क्लब म्यानचेस्टर सिटी, एस्टन भिल्ला र एभरटनले तीन मास्कको प्याकेटलाई १९ युरो लिने गरेका छन् ।

नाम चलेका क्लब र मास्कको मूल्य :

एस्टन भिल्ला – प्रिमियर लिग – १९ युरो (एक प्याकेटमा ३ प्रति)

एभरटन – प्रिमियर लिग – १९ युरो (एक प्याकेटमा ३ प्रति)

म्यानचेस्टर सिटी – प्रिमियर लिग – १९ युरो (एक प्याकेटमा ३ प्रति)

एफसी बार्सिलोना – लालिगा – १८ युरो

अलाभेस – ला लिगा – १५ युरो

रोमा – सिरी ए – १५ युरो

पीएसजी – लिग १ – १५ युरो

एटलेटिको म्याड्रिड – लालिगा – ११.९५ युरो

सेभिल्ला – लालिगा- ९.९ युरो

बायर्न म्युनिख – बुन्डेसलिगा – ८.९५ युरो

लिभरपुल – प्रिमियर लिग – ७.८ युरो

टोटेनहम – प्रिमियर लिग – ७ युरो

इन्टर मिलान – सिरी ए – ६.९ युरो

युभेन्टस – सिरी ए – ६.९ युरो

एसी मिलान – सिरी ए – ६.९ युरो

बायर लेभरकुसन – बुन्डेसलिगा – २.९९ युरो

बोरुसिया मोन्चेन्ग्लाडबाक – बुन्डेसलिगा – २.९९ युरो