पोखरा (हाम्रो खेलकुद) – विधान स्पोर्ट्स हाउस वालिङ स्याङ्जाका स्पाइकार घनश्याम चौधरी महेश खड्का स्मृति कप क्लब स्तरीय महिला तथा पुरुष भलिबल प्रतियोगिताको पुरुषतर्फ सर्वाेत्कृष्ट खेलाडी घोषित भएका छन् ।
चौधरीले विधान स्पोर्ट्स क्लबलाई उपाधि जिताउन महत्वपुर्ण भुमिका निभाएका थिए । उनी प्रतियोगिताको उत्कृष्ट सर्भर समेत चुनिए । विधान स्पोर्ट्स हाउसकै रवि सेन्चुरी उत्कृष्ट स्पाइकर, सुजन चोखाल उत्कृष्ट सेटर तथा पारसमान गुरुङ उत्कृष्ट डिफेन्डर चुनिए ।
गल्कोटका राजु विक उत्कृष्ट क्विकर तथा गल्कोटकै दिपक मल्ल उत्कृष्ट ब्लकर चुनिए । सर्वाेत्कृष्ट घनश्याम चौधरीले २ हजार रुपैयाले प्राप्त गरे । अन्य विधाका उत्कृष्टले ट्रफी प्राप्त गरे । महिलामा अर्चलबोटकी मनिषा तिलिजा सर्वाेत्कृष्ट खेलाडी चुनिए ।
उनले १ हजार रुपैया प्राप्त गर्दा अन्य विधामा उत्कृष्टले ट्रफी हात पारिन् । विजयी खेलाडीलाई नवीन गुरुङ र स्वर्गीय महेश खड्काका पिता तुल बहादुर खड्काले पुरस्कृत गरे ।
सर्वाेत्कृष्ट – घनश्याम चौधरी (विधान स्पोर्ट्स हाउस), मनिषा तिलिजा (अर्चलबोट)
स्पाइकर – रवि सेन्चुरी (विधान स्पोर्ट्स हाउस), सनिशा राना (अर्चलबोट)
सेटर – सुजन चोखाल (विधान स्पोर्ट्स हाउस), मिया पुन (अर्चलबोट)
सर्भर –घनश्याम चौधरी (विधान स्पोर्ट्स हाउस), एसिला रोका (यजु युथ)
डिफेन्डर – पारसमान गुरुङ (विधान स्पोर्ट्स हाउस), लक्ष्मी राना (अर्चलबोट)
ब्लकर – दीपक मल्ल (गल्कोट बाग्लुङ
क्विकर – राजु विक (गल्कोट बाग्लुङ)
