default_image

3 years ago

March 5, 2021

पुलिस र न्यु डायमन्ड भिड्दै

नेपालगन्ज (हाम्रो खेलकुद) – सातौ संस्करणको प्रधानमन्त्री कप महिला भलिबल प्रतियोगिताको उद्घाटन खेलमा साविकको विजेता नेपाल पुलिस क्लब र होङ्गान्जी न्यु डायमन्ड स्पोर्ट्स क्लबबीच प्रतिस्पर्धा हुदैछ । खेल दिउँसो १ बजेपछि नेपालगन्जस्थित रंगशालाको कर्भहलमा हुनेछ । साविक विजेता पुलिस न्यु डायमन्डलाई हराउदै उपाधि रक्षा अभियानमा उभिनेछ । पुलिसले गत संस्करणमा घरेलु भलिबलको चर्चित टोली नेपाल […]

39 views

0 Bookmark

नेपालगन्ज (हाम्रो खेलकुद) – सातौ संस्करणको प्रधानमन्त्री कप महिला भलिबल प्रतियोगिताको उद्घाटन खेलमा साविकको विजेता नेपाल पुलिस क्लब र होङ्गान्जी न्यु डायमन्ड स्पोर्ट्स क्लबबीच प्रतिस्पर्धा हुदैछ ।

खेल दिउँसो १ बजेपछि नेपालगन्जस्थित रंगशालाको कर्भहलमा हुनेछ । साविक विजेता पुलिस न्यु डायमन्डलाई हराउदै उपाधि रक्षा अभियानमा उभिनेछ । पुलिसले गत संस्करणमा घरेलु भलिबलको चर्चित टोली नेपाल एपिएफ क्लबलाई हराउदै उपाधि जितेको थियो ।

१ फागुनमा पोखरामा सम्पन्न टाइगर कप आमन्त्रण महिला तथा पुरुष भलिबल च्याम्पियनसिपको महिलातर्फको विजेता समेत रहेको पुलिस उक्त प्रतियोगितामा डायमन्डसँग भोगेको हारको बदला लिने दाउमा हुनेछ ।

टोलीसँग कप्तान कोपिला उप्रेती, कमला पुन, उषा भन्डारी, कामना विष्ट, कोपिला राना, पुनम चन्द र शान्तिकला तामाङको साथ रहेको छ ।

यता, न्यु डायमन्ड पनि पुलिसलाई हराउदै प्रतियोगितामा सुखद सुरुवात गर्ने लक्ष्यमा हुनेछ । पोखरामा सम्पन्न टाइगर कपमा लिगर चरणमा पुलिसलाई हराएको डायमन्ड सोही जितलाई निरन्तरता दिने दाउमा हुनेछ ।

टोलीसँग प्रतिभा माली, राष्ट्रिय महिला भलिबल टोलीकी कप्तान अरुणा शाही, कप्तान ललितानाथ, बालमिका आचार्य, पनामिका राई, झरना श्रेष्ठ, रिया कुँवर, रिमा कुँवर, सलिना श्रेष्ठ, प्रगतिनाथ, र प्रतिक्षा गुरुङको साथ रहेको छ ।

दिनको दोस्रो खेलमा आज त्रिभुवन आर्मी क्लब र स्थानिय लुम्विनी युनाइटेडबीच खेल हुनेछ ।
प्रतियोगितामा तीन विभागिय टोली नेपाल पुलिस क्लब, नेपाल एपिएफ क्लब, त्रिभुवन आर्मी क्लब, होङ्गान्जी न्यु डायमण्ड स्पोर्ट्स क्लब र स्थानिय टोली लुम्बिनी युनाइटेडको सहभागिता रहेको छ ।

विजेताले उपाधिसहित ५ लाख रुपैयाँ प्राप्त गर्नेछ । त्यस्तै दोस्रो टोलीलाई २ लाख, तेस्रोलाई १ लाख र चौथो हुने टोलीलाई ५० हजार रुपैयाँ प्रदान गरिनेछ ।

२०७० सालमा सुरु गरेको प्रधानमन्त्री कपको पहिलो संस्करण नेपाल पुलिस क्लब, दोस्रो नेपाल एपीएफ, तेस्रो र चौथोमा भारतको रेलवे इन्डिया, पाँचौमा एपीएफ, छैटौमा पुलिस च्याम्पियन बनेको थियो । पाँचौं संस्करणमा बंगलादेशी क्लबको सहभागिता थियो ।

March 18, 2024

गण्डकीको पहिलो जित

काठमाडौं (हाम्रो खेलकुद) – गण्डकी प्रदेशले आठौं आरबीबी एनभिए महिला तथा पुरुष भलिबल च्याम्पियनसिपको पुरुषतर्फ पहिलो जित दर्ता गरेको छ । पहिलो खेलमा विभागीय त्रिभुवन आर्मी क्लबसँग सोझो सेटमा पराजित भएको गण्डकीले मणि मुकुन्द भलिबल क्लब बुटवललाई ३–१ को सेटमा पराजित गर्दै पहिलो जित दर्ता गरेको हो । त्रिपुरेश्वरस्थित राष्ट्रिय खेलकुद परिषद (राखेप) को कभर्डहलमा […]

March 18, 2024

पुलिस समूह विजेता बन्दै क्वाटरफाइनलमा

काठमाडौं (हाम्रो खेलकुद) – विभागीय नेपाल पुलिस क्लब समूह ‘सी’ को विजेता बन्दै आठौं आरबीबी एनभिए महिला तथा पुरुष भलिबल च्याम्पियनसिपको पुरुषतर्फको क्वाटरफाइनलमा प्रवेश गरेको छ । समूह चरणको अन्तिम खेलमा बुढानिलकण्ठ भलिबल क्लबलाई ३–० को सोझो सेटमा पराजित गर्दै समूह विजेताको रुपमा पुलिसले अन्तिम आठमा स्थान सुरक्षित गरेको हो । पुलिससँगको हारको बावजुत पनि […]

March 18, 2024

एपिएफमाथि डायमण्डको जित

काठमाडौं (हाम्रो खेलकुद) – चन्द्रागिरी नगरपालिका न्यु डायमन्डले आठौं आरबीबी एनभिए महिला तथा पुरुष भलिबल च्याम्पियनसिपको महिलातर्फ विभागीय नेपाल एपिएफ क्लबलाई पराजित गर्दै विजयी सुरुवात गरेको छ । डायमण्डले उपाधि दावेदार एपिएफमाथि ३–१ को सेटमा जित निकालेको हो । खेलको सुरुवातदेखि नै उच्च प्रदर्शन गरेको डायमण्डले त्यही प्रदर्शनलाई निरन्तरता दिदा सफलता हात पारेको हो । […]

Success

Thank you for your time.