3 years ago
March 17, 2021
इलाम (हाम्रो खेलकुद) – जिल्ला भलिबल संघ इलामको आयोजनामा दोस्रो संस्करणको इलाम आमन्त्रण खुल्ला पुरुष भलिबल प्रतियोगिता पहिलो दिन बुधबार त्रिभुवन आर्मी क्लब, नेपाल एपिएफ क्लब र गण्डकी प्रदेशले विजयी सुरुवात गरेका छन् ।
इलाम ठुलो टुडिखेल मैदानमा पहिलो खेलमा समूह ’ए’ को आर्मीले तीन जना भारतीय राष्ट्रिय भलिबल खेलाडी सम्मिलित विमान ट्रेडर्स विर्तामोडलाई ३–२ को सेटमा पराजित गर्दै विजयी सुरुवात गरेको हो । प्रतिस्पर्धात्मक खेलमा आर्मीले विर्तामोडलाई २५–१७, १८–२५, २५–१८, २१–२५ र १५–८ ले पराजित पराजित थियो ।
पहिलो सेटमा आर्मी २५–१७ ले सहजै जित निकालेको थियो । तर दोस्रो सेटमा भने विमान ट्रेडर्सले आर्मीलाई १८–२५ ले हराएको थियो । तेस्रो सेटमा आर्मी २५–१८ ले विजयी हुँदा चौथो सेट २१–२५ ले गुमाएको थियो । निर्णायक पाँचौ सेट आमीले १५–८ को सहज जितका साथ विजयी सुरुवात गरेको थियो ।
समूह ’बी’ को पहिलो तथा दिनको दोस्रो खेलमा एपिएफले पुलिसलाई ३–२ को सेटमा हराएको थियो । एपिएफले २६–२४, २५–२२, १८–२५. १६–२५ र १५–१० ले हराउँदै विजयी सुुरुवात गरेको थियो ।
एपिएफले सुरुवाती दुबै सेट जितेको थियो । तर त्यसपछि पुलिसले लगातार दुई सेट जित्दै खेललाई पाँचौं सेटमा पुर्याएको थियो । एपिएफले पहिलो २६–२४ ले विजयी भएको थियो । दोस्रो सेटमा एपिएफले २५–२२ को जित निकालेको थियो । तर तेस्रो सेटमा पुलिसले २५–१८ को सहज जित निकालेको थियो ।
चौथो सेटमा पनि पुलिसले २५–१६ ले एपिएफलाई सहजै हराएको थियो । एक समय १०–१० को बराबरी अवस्थाबाट पुलिसले उत्कृष्ट प्रर्दशन गर्दै सहज जित निकालेको थियो । निर्णाय पाँचौं सेटमा भने एपिएफले १५–१० को सहज जित निकालेको थियो ।
दिनको तेस्रो तथा समूह ’ए’ को दोस्रो खेलमा साविक विजेता गण्डकी प्रदेशले गौरादह नगर खेलकुद बिकास समितिलाई ३–० को सोझो सेटमा पराजित गर्दै विजयी सुरुवात गरेको छ । गण्डकीले २६–२४, २५–२१, २५–२१ ले हराउँदै विजयी सुरुवात गरेको हो ।
प्रतियोगिता दोस्रो दिन अर्थात बिहिबार पहिलो खेलमा आर्मी र गौरादह, दोस्रो खेलमा एपिएफ र दमक तथा तेस्रो खेलमा विमान ट्रेडर्स र गण्डकी प्रदेशबीच प्रतिस्पर्धा हुने छ ।
प्रतियोगिता ४ देखि ८ चैतसम्म हुदैछ । प्रतियोगितामा ७ टोलीको सहभागिता छ । लिग कम नकआउटका आधारमा हुने प्रतियोगितामा सहभागी ७ टोलीलाई दुई समूहमा विभाजन गरिएको छ ।
समूह ‘ए’ मा त्रिभुवन आर्मी क्लब, विमान ट्रेडर्स, गौरादह नगर खेलकुद बिकास समिति र गण्डकी प्रदेश छन् । समूह ‘बी’ मा नेपाल एपिएफ क्लब, नेपाल पुलिस क्लब र दमक नगर भलिबल क्लब छन् ।
समूहका शीर्ष दुई टोलीले सेमिफाइनलमा स्थान बनाउनेछ । खेलहरु इलाम ठुलो टुडिखेल मैदानमा हुनेछ । प्रतियोगिताको विजेताले २ लाख रुपैयाँ प्राप्त गर्नेछन् । दोस्रो हुने टोलीले १ लाख तथा तेस्रो हुने टोलीले ५० हजार रुपैयाँ हात पार्नेछन् ।
May 18, 2024
काठमाडौं (हाम्रो खेलकुद) – उपाधि विजेता नेपाल एपिएफ क्लबकी कप्तान तथा अल-राउण्डर सिता राना मगर ललितपुर मेयर्स टि-२० च्याम्पियनसिप २०२४ को उत्कृष्ट खेलाडी घोषित भएकी छन् । एपिएफले चौथो पटक उपाधि प्रतियोगितामा सिता अल-राउण्ड प्रदर्शनका साथ उत्कृष्ट खेलाडी घोषित भएकी हुन् । सिताले प्रतियोगितामा ५ खेलमा १४२ रन प्रहार गर्नुका साथै ४ विकेट समेत लिन […]
May 16, 2024
काठमाडौं (हाम्रो खेलकुद) – ललितपुर मेयर्स कप २०८१ को आफ्नो अन्तिम खेलमा कोशी प्रदेशले सान्त्वना जित दर्ता गरेको छ । पहिलो जित दर्ता गर्ने क्रममा कोशीले आयोजक ललितपुर मेयर्स-११ लागि ६ विकेटले पराजित गरेको हो । ललितपुरले दिएको ८९ रनको लक्ष्य कोशीले १८औं ओभरको अन्तिम बलमा ४ विकेट गुमाएर भेटायो । कोशिका लागि ओपनर काजल […]
May 11, 2024
एजेन्सी – ओपनरद्वय शुभमन गिल र साई सुदर्शनको शतकीय इनिङको मद्दतमा गुजरात टाईटन्सले इन्डियन प्रिमियर लिग (आइपिएल) मा शुक्रबार चेन्नाई सुपर किंग्सलाई सहजै हराएको छ। गुजरातले चेन्नाई माथि ३५ रनको सहज जित दर्ता गर्यो । अहमदाबादमा टस हारेर पहिले ब्याटिङ गरेको गुजरातले दुई खेलाडीको शतकको मद्दतमा ३ विकेटको क्षतिमा २ सय ३१ रन जोड्यो । […]