3 years ago
March 19, 2021
ईलाम (हाम्रो खेलकुद) – साविक विजेता गण्डकी प्रदेशलाई हराउँदै विभागीय त्रिभुवन आर्मी क्लब दोस्रो संस्करणको ईलाम आमन्त्रण खुल्ला पुरुष भलिबल प्रतियोगिता सेमिफाइनलमा प्रवेश गरेको छ ।
शुक्रबार दोस्रो खेलमा आर्मीले गण्डकीलाई ३–१ को सेटमा पराजित गर्दै सेमिफाइनलमा स्थान पक्का गरेको हो । आर्मीले गण्डकीलाई २५–१५, २५–१८, २१–२५ र २५–१९ ले पराजित गर्दै सेमिफाइनलमा प्रवेश गरेको हो । आर्मीले सुरुवाती दुबै सेटमा सहज जित निकालेको थियो । तर तेस्रो सेटमा गण्डकीले उत्कृष्ट प्रर्दशनका साथ २५–२१ ले हराएको थियो । चौथो सेटमा गण्डकी २५–१९ ले पराजित हुन पुग्यो ।
आर्मी समूह ‘ए’ बाट विजेताको रुपमा सेमिफाइनलमा स्थान बनाएको छ । समूह ‘ए’ बाट विमान ट्रेडर्स विर्तामोड समूह उपविजेताको रुपमा सेमिफाइनलमा प्रवेश गरेको छ । गौरादह नगर खेलकुद बिकास समितिले आफ्नो अन्तिम खेलमा वाकओभर दिएपछि आर्मी समूह ए को विजेता बनेको हो । आर्मी ३ खेलमा ३ मा जितसहित ७ अंकका साथ सेटको आधारमा शीर्ष स्थानमा रह्यो ।
३ खेलमा २ जित र १ हारकँ साथ विमान दोस्रो स्थानमा रहँदै उप विजेता बन्यो । गण्डकी प्रदेश ३ अंकका साथ तेस्रो स्थानमा रहदै बाहिरियो । गौरादह १ अंकका साथ पुछारमा रहँदै बाहिरिएको छ । समूह ‘बी’ मा एपिएफ २ खेलबाट ५ अंकका साथ शीर्ष स्थानमा रहँदै सेमिफाइनलमा पुग्यो । पुलिस ४ अंकका साथ दोस्रो स्थानमा रहँदै समूह उप विजेता बन्यो । दमक अंक विहिन हुन पुग्यो ।
सेमिफाइन शनिबार र फाइनल आइतबार हुने छ । पहिलो सेमिफाइनलमा समूह ए को विजेता आर्मी र समूह बी को उप विजेता पुलिसबीच प्रतिस्पर्धा हुने छ । दोस्रो सेमिफाइनलमा समूह बी को विजेता एपिएफ र समूह ए को उप विजेता बिमानबीच प्रतिस्पर्धा हुने छ । समूह बी बाट एपिएफ विजेता र पुलिस उप विजेताको रुपमा सेमिफाइनलमा प्रवेश गरेका थिए ।
प्रतियोगिता ४ देखि ८ चैतसम्म हुदैछ । प्रतियोगितामा ७ टोलीको सहभागिता छ । लिग कम नकआउटका आधारमा हुने प्रतियोगितामा सहभागी ७ टोलीलाई दुई समूहमा विभाजन गरिएको छ । समूह ‘ए’ मा त्रिभुवन आर्मी क्लब, विमान ट्रेडर्स, गौरादह नगर खेलकुद बिकास समिति र गण्डकी प्रदेश छन् । समूह ‘बी’ मा नेपाल एपिएफ क्लब, नेपाल पुलिस क्लब र दमक नगर भलिबल क्लब छन् । प्रतियोगिताको विजेताले २ लाख रुपैयाँ प्राप्त गर्नेछन् । दोस्रो हुने टोलीले १ लाख तथा तेस्रो हुने टोलीले ५० हजार रुपैयाँ हात पार्नेछन् ।
सच्याइएको
यसअघि आर्मी समूह ‘ए’ विजेता हुनुपर्नेमा अन्यथा पर्न गएकोमा सच्याइएको छ । सुरुमा प्राविधिक समितिले सेटको आधारमा बिमान ट्रेडर्सलाई समूह विजेता भनेपनि छलफलमार्फत हेड टु हेडको आधारमा आर्मी समूह विजेता घोषणा गरेको छ ।
प्राविधिक समितिको कारण अन्यथा पर्न गएकोमा क्षमाप्रार्थी छौं ।
May 18, 2024
काठमाडौं (हाम्रो खेलकुद) – उपाधि विजेता नेपाल एपिएफ क्लबकी कप्तान तथा अल-राउण्डर सिता राना मगर ललितपुर मेयर्स टि-२० च्याम्पियनसिप २०२४ को उत्कृष्ट खेलाडी घोषित भएकी छन् । एपिएफले चौथो पटक उपाधि प्रतियोगितामा सिता अल-राउण्ड प्रदर्शनका साथ उत्कृष्ट खेलाडी घोषित भएकी हुन् । सिताले प्रतियोगितामा ५ खेलमा १४२ रन प्रहार गर्नुका साथै ४ विकेट समेत लिन […]
May 16, 2024
काठमाडौं (हाम्रो खेलकुद) – ललितपुर मेयर्स कप २०८१ को आफ्नो अन्तिम खेलमा कोशी प्रदेशले सान्त्वना जित दर्ता गरेको छ । पहिलो जित दर्ता गर्ने क्रममा कोशीले आयोजक ललितपुर मेयर्स-११ लागि ६ विकेटले पराजित गरेको हो । ललितपुरले दिएको ८९ रनको लक्ष्य कोशीले १८औं ओभरको अन्तिम बलमा ४ विकेट गुमाएर भेटायो । कोशिका लागि ओपनर काजल […]
May 11, 2024
एजेन्सी – ओपनरद्वय शुभमन गिल र साई सुदर्शनको शतकीय इनिङको मद्दतमा गुजरात टाईटन्सले इन्डियन प्रिमियर लिग (आइपिएल) मा शुक्रबार चेन्नाई सुपर किंग्सलाई सहजै हराएको छ। गुजरातले चेन्नाई माथि ३५ रनको सहज जित दर्ता गर्यो । अहमदाबादमा टस हारेर पहिले ब्याटिङ गरेको गुजरातले दुई खेलाडीको शतकको मद्दतमा ३ विकेटको क्षतिमा २ सय ३१ रन जोड्यो । […]