3 years ago
March 21, 2021
ईलाम (हाम्रो खेलकुद) – दोस्रो संस्करणको ईलाम आमन्त्रण खुल्ला पुरुष भलिबल प्रतियोगिता उपाधिका लागि आज (आइतबार) विभागीय त्रिभुवन आर्मी क्लब र साविकको उपविजेता भारतीय खेलाडीसम्मिलित विमान ट्रेडर्स विर्तामोडबीच प्रतिस्पर्धा हुँदैछ ।
खेल बिहान १० बजेपछि ठूलो टुँडिखेल मैदान ईलाममा हुनेछ । शनिबार भएको सेमिफाइनलमा आर्मीले नेपाल पुलिस क्लबलाई ३–१ को सेटमा तथा विमानले नेपाल एपिएफ क्लब ३–० को सोझो सेटमा पराजित गर्दै फाइनलमा स्थान बनाएका थिए । आर्मी समूह ‘ए’ को विजेता तथा विमान उपविजेताको रुपमा सेमिफाइनलमा प्रवेश गरेका थिए ।
समूह चरणमा आर्मीले विमानलाई ३–२ को सेटमा हराएको थियो । जारी प्रतियोगितामा आर्मी अपराजित रहँदै च्याम्पियन बन्ने दाउमा हुनेछ । आर्मीले लिग चरणको पहिलो खेलमा विमान ट्रेडर्स विर्तामोडलाई ३–२ ले पराजित गरेको थियो । दोस्रो खेलमा गौरादहलाई ३–२ र लिगको अन्तिम खेलमा साविक विजेता गण्डकी प्रदेशलाई ३–१ ले पराजित गरेको थियो ।
विमान पहिलो खेलमा आर्मीसँग पराजित भएपनि दोस्रो खेलमा साविक विजेता गण्डकी प्रदेशलाई ३–० ले पराजित गर्दा अन्तिम खेलमा गौरादहबाट वाकओभर पाएको थियो । विमानमा भारतीय टोलीबाट खेलिसकेका तीन खेलाडी मिडल ब्लकर सुभम चौधरी, सेटर रोहित कुमार र ओपन स्पाइकर प्रिन्सको साथ रहेको छ । त्यस्तै ब्याक स्पाइकर रेमन्त चौहान, मिडल ब्लकर विजय सिताराम राजु, विकाश चौहान, लिबरो विकाश, शिखर धिमन लगायतका खेलाडी विमानमै छन् ।
यता आर्मीमा ओपन स्पाइकर मानबहादुर श्रेष्ठ, धन बहादुर भट्ट क्षेत्री, मिडल ब्लकर दुर्गा खड्का, हरि अधिकारी, भैरव बम, सेटर तथा कप्तान हरिहजुर थापा, दुर्गा महतो, ब्याक स्पाइकर शरण सामरी क्षेत्री, राजेन्द्र विष्ट, लिबेरो ईश्वर थापा र हृदेश चौधरीको साथ रहेको छ ।
नेपाली घरेलु भलिबलको बलियो टोली आर्मी र विमानबीच कडा प्रतिस्पर्धाको आशा गरिएको छ । आर्मी समूह चरणको नजिताले उच्च मनोबलको साथ मैदान प्रवेश गर्ने छ । आर्मी समूह चरणको नतिजा दोहोराउँदै च्याम्पियन बन्न चाहन्छ । यता समूह चरणको बदला लिँदै विमान उपाधि जित्ने सोचका साथ कोर्ट प्रवेश गर्नेछ ।
विमानमा भारतीय र आर्मीमा नेपाली राष्ट्रिय भलिबल टोलीका खेलाडीको बाहुल्यता रहँदा फाइनलले नेपाल र भारतबीचको खेलको झल्को दिने अपेक्षा गरिएको छ । प्रतियोगिता विजेताले २ लाख र उप विजेताले १ लाख रुपैयाँ प्राप्त गर्ने छन् । ४ चैतबाट शुरु भएको प्रतियोगितामा विभिन्न ७ टोलीले प्रतिस्पर्धा गरेका थिए ।
May 16, 2024
काठमाडौं (हाम्रो खेलकुद) – ललितपुर मेयर्स कप २०८१ को आफ्नो अन्तिम खेलमा कोशी प्रदेशले सान्त्वना जित दर्ता गरेको छ । पहिलो जित दर्ता गर्ने क्रममा कोशीले आयोजक ललितपुर मेयर्स-११ लागि ६ विकेटले पराजित गरेको हो । ललितपुरले दिएको ८९ रनको लक्ष्य कोशीले १८औं ओभरको अन्तिम बलमा ४ विकेट गुमाएर भेटायो । कोशिका लागि ओपनर काजल […]
May 11, 2024
एजेन्सी – ओपनरद्वय शुभमन गिल र साई सुदर्शनको शतकीय इनिङको मद्दतमा गुजरात टाईटन्सले इन्डियन प्रिमियर लिग (आइपिएल) मा शुक्रबार चेन्नाई सुपर किंग्सलाई सहजै हराएको छ। गुजरातले चेन्नाई माथि ३५ रनको सहज जित दर्ता गर्यो । अहमदाबादमा टस हारेर पहिले ब्याटिङ गरेको गुजरातले दुई खेलाडीको शतकको मद्दतमा ३ विकेटको क्षतिमा २ सय ३१ रन जोड्यो । […]
May 9, 2024
एजेन्सी – खेलको अन्तिम समयमा उत्कृष्ट पुनरागमन गर्दै रियल म्याड्रिड युरोपेली च्याम्पियन्स लिगको फाइनलमा प्रवेश गरेको छ । बायर्न म्युनिखविरुद्ध घरेलु मैदानमा भएको सेमिफाइनलको दोस्रो लेगमा बुधबार २-१ र समग्रमा ४-३ को जित निकाल्दै रियल फाइनलमा पुगेको हो । एक गोलले पछि परेको अवस्थामा ८१औं मिनेटमा मैदान प्रवेश गरेका जोसेलुले केही मिनेटको अन्तरालमा २ गोल […]