3 years ago
April 3, 2021
काठमाडौं (हाम्रो खेलकुद) – टिप टप हेल्प नेपाल स्पोर्ट्स क्लबले राजधानीमा जारी पाँचौ संस्करणको आरबीबी एनभिए कप राष्ट्रिय महिला तथा पुरुष क्लब लिग भलिबल च्याम्पियनसिपको पुरुषतर्फ लगातार दोस्रो जित निकालेको छ । त्रिपुरेश्वरस्थित राष्ट्रिय खेलकुद परिषद (राखेप) को कभर्डहलमा शनिबार भएको खेलमा हेल्प नेपालले मणि मुकुन्द भलिबल क्लबलाई ३–० को सोझो सेटमा पराजित गर्दै लिगमा […]
काठमाडौं (हाम्रो खेलकुद) – टिप टप हेल्प नेपाल स्पोर्ट्स क्लबले राजधानीमा जारी पाँचौ संस्करणको आरबीबी एनभिए कप राष्ट्रिय महिला तथा पुरुष क्लब लिग भलिबल च्याम्पियनसिपको पुरुषतर्फ लगातार दोस्रो जित निकालेको छ ।
त्रिपुरेश्वरस्थित राष्ट्रिय खेलकुद परिषद (राखेप) को कभर्डहलमा शनिबार भएको खेलमा हेल्प नेपालले मणि मुकुन्द भलिबल क्लबलाई ३–० को सोझो सेटमा पराजित गर्दै लिगमा लगातार दोस्रो जित निकालेको हो । हेल्प नेपालले पहिलो सेट २५–१५ ले सहजै आफ्नो पक्षमा पार्दा दोस्रो सेटमा २५–१६ को सहज जित निकालेको थियो ।
तेस्रो सेटमा शुरुवात देखि नै पछि परेको हेल्प नेपालले पूनरागमन गर्दै २९–२७ को जित निकाल्न सफल भएको थियो । तेस्रो सेटमा २०–२३ ले पछि परेको हेल्प नेपालले उत्कृष्ट प्रदर्शन गर्दै जित निकाल्न सफल भएको थियो । तीन भारतीय र भारतीय सेनामा कार्यरत तीन खेलाडी अमृत केसी, याम क्षेत्री र दीपक थापालाई समेटेको हेल्प नेपाललाई तेस्रो सेटमा मणि मुकुन्दले दवाव दिएपनि जित निकाल्न सफल भएन ।
लगातार दोस्रो जितसँगै हेल्प नेपालको २ खेलबाट ६ अंक पुगेको छ । मणि मुकुन्दले तीन खेल्दा अंकको खाता खोल्न सकेको छैन ।
यस्तै विभागीय नेपाल एपिएफ क्लबले नयाँ बजार सामाजिक युवा क्लबलाई ३–० को सोझो सेटमा हराउदै लिगमा लगातार तेस्रो जित निकालेको छ । एक पक्षीय खेलमा एपिएफले नयाँबजारलाई २५–१२, २५–१६ र २५–१६ को सहज जित निकालेको छ । लगातार तेस्रो जितसँगै एपिएफको ३ खेलबाट ९ अंक पुगेको छ । पराजित नयाँ बजारले तीन खेल खेल्दा अंकको खाता खोल्न सकेको छैन ।
April 26, 2024
काठमाडौं (हाम्रो खेलकुद) – विभागीय डर्वी भिडन्तमा त्रिभुवन आर्मी क्लबलाई पराजित गर्दै नेपाल पुलिस क्लब सातौं केएनपी नेरोलेक राष्ट्रिय महिला भलिबल प्रतियोगिताको फाइनलमा प्रवेश गरेको छ । राउन्ड रोविन लिगको अन्तिम खेलमा आर्मीलाई ३–१ को सेटमा पराजित गर्दै पुलिसले फाइनलमा स्थान सुरक्षित गरेको हो । पहिलो खेल गुमाएको पुलिसले त्यसपछि दोस्रो खेलमा चन्द्रागिरि नगरपालिका न्यु […]
April 25, 2024
काठमाडौं (हाम्रो खेलकुद) – साविक उपविजेता विभागीय नेपाल एपिएफ क्लबले सातौं केएनपी नेरोलेक राष्ट्रिय महिला भलिबल प्रतियोगितामा अर्काे विभागीय टोली त्रिभुवन आर्मी क्लबमाथि रोमाञ्चक जित निकाल्दै फाइनल पुग्ने सम्भावना बलियो बनाएको छ । एपिएफले आर्मीलाई ३–२ को सेटमा पराजित गर्दै फाइनल पुग्ने सम्भावना बलियो बनाएको हो । सुरुवाती दुई सेट जितेको एपिएफले त्यसपछि लगातार दुई […]
April 24, 2024
गोरखा (हाम्रो खेलकुद) – नवलपुरका मिडल ब्लकर हिमाल सुनारी र पर्वतकी स्पाइकर रिमा कुँवर गण्डकी प्रदेश स्तरीय महिला तथा पुरुष भलिबल प्रतियोगिताको सर्वाेत्कृष्ट खेलाडी घोषित भएका छन् । दुवैले आ–आफ्नो टोलीलाई च्याम्पियन बनाउन सानदार प्रदर्शन गरेका थिए । सर्वाेत्कृष्ट बनेसँगै उनले १० हजार रुपैयाँसँगै ट्रफी मेडल र प्रमाणपत्र प्राप्त गरेका छन् । गोरखाको बारपाक सुलिकोट […]