3 years ago
April 8, 2021
काठमाडौं (हाम्रो खेलकुद) – पाँचौ संस्करणको आरबीबी एनभिए कप राष्ट्रिय महिला तथा पुरुष क्लब लिग भलिबलको महिलातर्फको उपाधिका लागि आज (बिहीबार) होङ्गान्जी न्यु डायमन्ड स्पोर्ट्स क्लब र नेपाल पुलिस क्लबबीच प्रतिस्पर्धा हुदैछ । खेल दिँउसो २ः३० बजेपछि त्रिपुरेश्वरस्थित राष्ट्रिय खेलकुद परिषद (राखेप) को कभर्डहलमा हुनेछ । न्यु डायमन्ड पुलिसलाई हराउँदै वर्षको पहिलो तथा २०७४ माघपछि […]
काठमाडौं (हाम्रो खेलकुद) – पाँचौ संस्करणको आरबीबी एनभिए कप राष्ट्रिय महिला तथा पुरुष क्लब लिग भलिबलको महिलातर्फको उपाधिका लागि आज (बिहीबार) होङ्गान्जी न्यु डायमन्ड स्पोर्ट्स क्लब र नेपाल पुलिस क्लबबीच प्रतिस्पर्धा हुदैछ ।
खेल दिँउसो २ः३० बजेपछि त्रिपुरेश्वरस्थित राष्ट्रिय खेलकुद परिषद (राखेप) को कभर्डहलमा हुनेछ । न्यु डायमन्ड पुलिसलाई हराउँदै वर्षको पहिलो तथा २०७४ माघपछि पहिलो उपाधि जित्ने लक्ष्यमा हुनेछ । न्यु डायमन्ड २०७४ माघमा आफैले आयोजना गरेको न्यु डायमन्ड कपको च्याम्पियन बनेयता दर्जन बढीपटक फाइनलमा पुगेपनि उपाधि जित्न सकेको छैन ।
यस्तै न्यु डायमन्ड लिग चरणमा पाएको जितलाई निरन्तरता दिदै तेस्रो संस्करणपछि एनभिए कपको च्याम्पियन बन्ने दाउमा हुनेछ । तेस्रो संस्करणमा डायमन्डले नेपाल पुलिसलाई पराजित गर्दै उपाधि जितेको थियो । डायमन्ड पहिलो संस्करणमा पनि च्याम्पियन बनेको थियो ।
टोलीसँग प्रतिभा माली, कप्तान ललितानाथ, राष्ट्रिय टोलीका कप्तान अरुणा शाही, सलिना श्रेष्ठ, वालमिका आचार्य, झरना श्रेष्ठ, रिमा कुँवर, प्रतिक्षा गुरुङ, रियाँ कुँवर, पनामिका राई, एन्जिला प्रधान र प्रगतिनाथको साथ रहेको छ ।
यता, विभागीय नेपाल पुलिस क्लब पनि लिग चरणमा भोगेको हारको बदला लिदै डायमन्डलाई हराउँदै वर्षको दोस्रो उपाधि जित्ने लक्ष्यमा हुनेछ । लिग चरणमा पुलिस डायमन्डसँग ३–० को सोझो सेटमा पराजित भएको थियो । यस वर्ष तीन प्रतियोगिताको फाइनलमा पुगेको पुलिस नेपालगन्जमा सम्पन्न सातौ प्रधानमन्त्री कपको फाइनलमा एपिएफसँग पराजित भएको थियो । त्यसअघि पोखरामा सम्पन्न टाइगर कपमा एपिएफलाई हराउँदै उपाधि जितेको थियो ।
टोलीसँग कप्तान कोपिला उप्रेती, कमला पुन, कोपिला राना, उषा भण्डारी, कामना विष्ट, शान्तिकला तामाङ, मनिषा चौधरी, पुनम चन्द, लक्ष्मी चन्द, सुशिला थापा, तिला चौधरी र पुष्पा चौधरीको साथ रहेको छ ।
त्यसअघि बिहान ११ः३० बजे पुरुषतर्फको फाइनलमा टिप टप हेल्प नेपाल स्पोर्ट्स क्लब र विभागीय नेपाल एपिएफ क्लबबीच प्रतिस्पर्धा हुनेछ । लिग चरणको अन्तिम खेलमा एपिएफले हेल्प नेपाललाई ३–० को सोझो सेटमा पराजित गर्दै फाइनलमा स्थान बनाएको थियो ।
हेल्प नेपालसँग तीन भारतीय खेलाडी विकास कुमार, विनित कुमार र विनित कुमारसँगै अमृत क्षेत्री, याम क्षेत्री, रुपेन्द्र गैरे, राजन दर्लामी मगर, विशाल शाही, सुरज चौधरी लगायतको खेलाडी रहेको छ । यता, एपिएफ पनि बलियो हेल्प नेपाललाई लिग चरणमा पाएको जितलाई निरन्तरदा दिदै उपाधि जित्ने दाउमा हुनेछ । टोलीसँग विजय थापा, लोकेन्द्र गिरी, रविन चन्द, महेन्द्र श्रेष्ठ, टेकराज अवस्थी, हेमन्त मल्ल, सुनिल घर्तीलगायतको खेलाडीको साथ रहेको छ ।
१९ चैतबाट शुरु भएको प्रतियोगितामा पुरुषतर्फ ७ र महिलातर्फ ६ टोलीले प्रतिस्पर्धा गरेका थिए । प्रतियोगिताको पुरुष र महिला दुवैतर्फको विजेताले ३ लाख रुपैयाँ हात पार्नेछन् । दोस्रो हुनेले १ लाख ७५ हजार, तेस्रोले ७५ हजार तथा चौथो हुने टोलीले ३७ हजार ५ सय प्राप्त गर्नेछन् । प्रतियोगिताको सर्वोत्कृष्ट पुरुष र महिला खेलाडीले समान २५–२५ हजार प्राप्त गर्नेछन् । व्यक्तिगत विधाका उत्कृष्ट लिवेरो, स्पाइकर, ब्लकर, सर्भर, सेटर र प्रशिक्षकले जनही १०–१० हजार हात पार्नेछन् ।
April 19, 2024
मस्कट (हाम्रो खेलकुद) – एसीसी मेन्स प्रिमियर कप २०२४ अन्तर्गत नेपालले पहिलो सेमिफाइनलमा यूएईलाई १ सय २० रनको सामान्य लक्ष्य दिएको छ । अल अमेरतस्थित ओमान क्रिकेट एकेडेमीको मैदानमा नेपालले टस हारेपछि ब्याटिङको निम्तो पाएको थियो । शीर्षक्रमले संघर्ष गर्दा नेपालले तल्लोक्रमका ब्याटरको सहयोगमा २० ओभरमा ९ विकेट गुमाएर १ सय १९ रन जोड्यो । […]
April 16, 2024
मस्कट (हाम्रो खेलकुद) – ओमनमा जारी एसिसि प्रिमियर कप अन्तर्गत बहराइनले पहिलो जित दर्ता गरेको छ । पहिलो जित दर्ता गर्ने क्रममा बहराइनले कम्बोडिया माथि ७ विकेटको सहज जित हासिल गरेको हो । कम्बोडियाले दिएको ८४ रनको झिनो लक्ष्य बहराइनले १३.१ ओभरमा ३ विकेट गुमाएर भेटायो । बहराइनका लागि हैदर बटले २७ बलमा ३ चौका […]
April 10, 2024
सुनिल गाउँले, सिमरा विभागीय टोली त्रिभुवन आर्मी क्लब विरुद्ध संघर्षपूर्ण जित निकाल्दै मच्छिन्द्र क्लब जगदम्बा स्टिल १४ औं जीतपुरसिमरा गोल्डकपको सेमिफाइनलमा प्रवेश गरेको छ । सिमरा रंगशालामा मंगलबार राति भएको प्रतिष्पर्धात्मक खेलमा मच्छिन्द्रले आर्मी १–० लाई हराउँदै अन्तिम चारको यात्रा तय गरेको हो । ६९ औं मिनटमा सौरभ लिम्बुले गरेको मच्छिन्द्रला लागि निर्णायक बनेको थियो […]