3 years ago
April 21, 2021
काठमाडौं (हाम्रो खेलकुद) – त्रिकोणात्मक टि२० आई सिरिज अन्तर्गत पाँचौं खेलमा नेदरल्यान्ड्सविरुद्ध मलेसियाले पहिला बलिङ गर्ने भएको छ । टियु क्रिकेट मैदानमा मलेसिया कप्तान अहमद फाइजले टस जितेर पहिला बलिङ गर्ने निर्णय लिएका हुन् । आजको खेलमा मलेसिया पराजित भएमा नेपाल र नेदरल्यान्ड्स फाइनलमा पुग्ने छन् । आजको खेलमा मलेसिया विजयी भएमा पनि अन्तिम खेल […]
काठमाडौं (हाम्रो खेलकुद) – त्रिकोणात्मक टि२० आई सिरिज अन्तर्गत पाँचौं खेलमा नेदरल्यान्ड्सविरुद्ध मलेसियाले पहिला बलिङ गर्ने भएको छ । टियु क्रिकेट मैदानमा मलेसिया कप्तान अहमद फाइजले टस जितेर पहिला बलिङ गर्ने निर्णय लिएका हुन् ।
आजको खेलमा मलेसिया पराजित भएमा नेपाल र नेदरल्यान्ड्स फाइनलमा पुग्ने छन् । आजको खेलमा मलेसिया विजयी भएमा पनि अन्तिम खेल विहिबार नेपालसँग खेल्ने छ । उक्त खेलमा नेपाल पराजित भएपनि नेट रनरनरेटको आधारमा फाइनलमा पुग्ने सम्भावना छ । मलेसियालाई फाइनलमा पुग्न अन्तिम दुबै खेलमा विशाल जित निकाल्नुपर्ने हुन्छ । अन्यथा सामान्य जितले भने फाइनलमा पुग्ने समिकरण देखिदैन ।
नेदरल्यान्ड्सले नेपाललाई ३ विकेटले हराउँदा मलेसियालाई १५ रनले पराजित गरेको थियो । नेदरल्यान्ड्सले नेपालले प्रस्तुत गरेको २ सय ७ रनको विशाल लक्ष्य ३ बल अगाडिनै ७ विकेटको क्षतिमा पूरा गरेको थियो । नेदरल्यान्ड्सका बास डी लिडेले ८१ रनको उत्कृष्ट इनिङ खेलेका थिए । बेन कुपर र कप्तान पिटर शिलारको प्रदर्शन पनि उच्च थियो । पहिलो खेलमा मलेसियालाई हराउन म्याक्स ओडाउडले १ सय ३३ रनको उत्कृष्ट अविजित इनिङ खेलेका थिए । म्याक्स ओडाउड, बास डी लिडे र पिटर शिलार नेदरल्यान्ड्सका प्रमुख हतियार हुन् ।
मलेसियाका युवा ब्याट्सम्यान सायद अजिज, विरानदीपसिंह, कप्तान फाइज अहमद प्रमुख हतियार हुन् । यी तीन खेलाडीको प्रदर्शन निकै महत्वपूर्ण हुने छ । नेदरल्यान्ड्सलाई कडा चुनौती दिन विरानदीपले ८७ रनको इनिङ खेलेका थिए । नेपालविरुद्ध भने मलेसियाले कमजोर ब्याटिङ गरेको थियो ।
अंक तालिका :
नेपाल ३ खेलमा २ मा जित र १ मा हार सहित ४ अंकका साथ नेटरनरेटका आधारमा शीर्ष स्थानमा छ । नेदरल्यान्ड्स ३ खेलमा २ मा जित र १ मा हार सहित ४ अंकका साथ दोस्रो स्थानमा छ । मलेसिया २ खेलमा अंक विहिन हुँदै पुछारमा छ ।
मलेसियाको टोली : अहमद फाइज(कप्तान), विरानदिप सिंह, अमिनुदीन राम्ली, अनवर अरुदीन, अनवर रहमान, खिजार हायत, मुहमद वाफिक, शर्विन मुनींदी, पवनदीप सिंह, शफिक सरिफ, सायद अजिज, स्याजारुल इद्रस, दिभेन्द्रन मोगन, फिट्री शाम, ऐनूल हाफिज
नेदरल्यान्ड्सको टोली : पिटर सीलार (कप्तान), टोबियस भिसे, बेन कुपर, म्याक्स ओडिवड, बास डी लीडे, विक्रमजित सिंह, स्कर्ट एडवार्डस, आर्यन दत्त, फिलिपे बोइससेवेन, पल पान मीकेरन, भिभिन किंगमा, टोनी स्टल, सेबस्टियान ब्राट र जुलियन डी मे
March 19, 2024
काठमाडौं (हाम्रो खेलकुद) – विभागीय नेपाल एपिएफ क्लबले आठौं आरबीबी एनभिए महिला तथा पुरुष भलिबल च्याम्पियनसिपको पुरुषतर्फ तीन भारतीय खेलाडी सम्मिलित सुदुरपश्चिम प्रदेशमाथि सानदार पूनरागमन जित दर्ता गरेको छ । त्रिपुरेश्वरस्थित राष्ट्रिय खेलकुद परिषद (राखेप) को कभर्डहलमा मंगलबार सुरुवाती दुई सेट गुमाएको एपिएफले त्यसपछिको सबै तीन सेट आफ्नो पक्षमा पार्दै सानदार पूनरागमन जित निकाल्दै समूह […]
March 19, 2024
काठमाडौं (हाम्रो खेलकुद) – साविक विजेता टिप टप हेल्प नेपाल स्पोर्ट्स क्लब समूह ‘ए’ को विजेता बन्दै आठौं आरबीबी एनभिए महिला तथा पुरुष भलिबल च्याम्पियनसिपको पुरुषतर्फ क्वाटरफाइनलमा प्रवेश गरेको छ । समूह चरणको अन्तिम खेलमा ढोरपाटन स्पोर्ट्स क्लबलाई ३–० को सोझो सेटमा पराजित गर्दै हेल्प नेपाल समूह विजेता बन्दै अन्तिम आठमा स्थान पक्का गर्न सफल […]
March 18, 2024
काठमाडौं (हाम्रो खेलकुद) – गण्डकी प्रदेशले आठौं आरबीबी एनभिए महिला तथा पुरुष भलिबल च्याम्पियनसिपको पुरुषतर्फ पहिलो जित दर्ता गरेको छ । पहिलो खेलमा विभागीय त्रिभुवन आर्मी क्लबसँग सोझो सेटमा पराजित भएको गण्डकीले मणि मुकुन्द भलिबल क्लब बुटवललाई ३–१ को सेटमा पराजित गर्दै पहिलो जित दर्ता गरेको हो । त्रिपुरेश्वरस्थित राष्ट्रिय खेलकुद परिषद (राखेप) को कभर्डहलमा […]