काठमाडौं (हाम्रो खेलकुद) – रजनी फुटसलले सफलता प्राप्त गरेको दिन बुधबार रेडबुल फुटसल लिगमा हाइवे र बिजी ब्रदर्श फुटसलले बराबरी खेलेका छन् । हाइवे फुटसलले होम ग्राउन्डमा बीजी ब्रदर्शसंग २–२ गोल खेलेको थियो । हाइवेका लागि विज्ञान कटवाल र रमेश घिसिङले समान १ गोल गरे । बिजीका सुमन गुरुङ र आकाश लामाले १/१ गोल गरे । हाइवेका विज्ञान म्यान अफ दी म्याच भए ।
समूह एको खेलमा रजनी फुटसलले आदर्श फुटसललाई ७–२ ले हरायो । अवे खेलमा रजनीका लागि रुसन केसीले एक्लैले ५ गोल गरे । २ गोल म्यान अफ द म्याच घोषित सुमन कार्कीले गरे । होम टोलीका लागि अविरल रिजाल र संमजय बानियाँले समान १ गोल गरे । नेपाली फुटसलमा सर्वाधिक पुरस्का रहेको लिगको समूह बीमा ९ अंकसहित शीर्ष स्थान छ । १२ अंकसहित किकअफ फुटसल समूह एको शीर्षस्थानमा छ ।
एएमए इभेन्टको आयोजनामा होम एन्ड अवेको आधारमा २८ मंसिरसम्म सञ्चालन हुने प्रतियोगितामा राजधानीका १६ टोलीको सहभागिता छ । समूह एमा चौर रिक्रिएसन, ढुकु , रजनी , इम्पेरियल , ह्वाइट हर्स , बानेश्वर रिक्रिएसन, आदर्श र किक अफ छन् । हरिसिद्धि , सामाखुसी , कुमारी , हाइवे , कीर्तिपुर, शंखमुल , ताहाचल र बिजी ब्रदर्श समूह बीमा छन् । प्रतियोगिताको विजेता टोलीले १० लाख र दोस्रो हुने टोलीले ५ लाख रुपैयाँ प्राप्त गर्नेछ । प्रतियोगिताको उत्कृष्ट खेलाडी र उत्कृष्ट गोलरक्षकले समान ५० हजार रुपैयाँ पाउनेछन् ।
रेडबुल फुटसल लिगमा भोलिको खेल
बानेश्वर रिक्रियसन सेन्टरविरुद्ध इम्पेरियल फुटसल
समय – दिउँसो १२ः३० बजे
स्थान – बानेश्वर रिक्रियसन सेन्टर, मध्यबानेश्वर
कुमारी फुटसलविरुद्ध कीर्तिपुर फुटसल
समय – दिउँसो ३ः३० बजे
स्थान – कुमारी फुटसल, पकनाजोल
