सातौं राष्ट्रिय खेलकुद तेस्रो पटक स्थगित

काठमाडौं (हाम्रो खेलकुद) – सातौं राष्ट्रिय खेलकुद प्रतियोगिता तेस्रो पटक स्थगित हुने भएको छ । आउँदो मंसिर ८ गतेदेखि विराटनगरसहित पूर्वका विभिन्न शहरमा गर्ने भनिएको सातौं राष्ट्रिय प्रतियोगिता यसअघि गत बर्ष मंसिर र फागुनमा स्थगित गरिएको थियो ।

सरकारले उपब्ध गराएको बजेट आर्थिक निर्देशिका पारित नहुँदासम्म निकासा नहुने कारण देखाउँदै प्रतियोगिता स्थगित भएको राष्ट्रिय खेलकुद परिषद् (राखेप) ले जनाएको छ । मंसिरको २० देखि २५ गतेसम्म प्रतियोगिता गर्नेगरी स्थगित गर्न लागिएको राखेपले जनाएको छ ।
‘विविध कारणले गर्दा मंसिर ८ गतेदेखि गर्ने भनिएको खेकुद प्रतियोगिता स्थगित हुने निश्चीत भयो’ उहाँले भन्नुभयो, ‘२५ गते बस्ने बोर्ड बैठकले अर्को मिति तय गर्नेछ ।’ खेलकुद प्रतियोगिताका लागि आउने बजेटको प्रक्रिया लामो भएको कारण समयमा नै आर्थिक निर्देशिका पारित हुन नसक्दा प्रतियोगिता नै स्थगित गर्नु परेको विष्टले बताए । हरेक पटक नयाँ नीति घोषणा गर्दा विष्टले अब कुनै पनि हालमा सातौं राष्ट्रिय खेलकुद रोकिदैन भन्ने गरेका छन् । तर, उनकै झन्डै डेढ बर्षे कार्यकालमा तेस्रो पटक स्थागित भइसकेको छ । यसअघि पनि बजेट अभाव, मधेस आन्दोलन लगायतका कारण देखाउँदै प्रतियोगिता स्थगित गरिएको थियो ।

सातौं राष्ट्रिय खेलकुद तेस्रो पटक स्थगित

Latest News

Popular News

General

इस्ट बंगालको विजयी सुरुवात

एनपिसी धरान र आयोजक निलो नकआउट चरणमा

एपिएफको सानदार सुरुवात

चर्चित खेलहरु:

उपयोगी लिङ्कहरू

सम्पर्क

सामाजिक संजाल