default_image

3 years ago

June 14, 2021

एसियन च्याम्पियनसिपको तयारी भोलिदेखि

काठमाडौं (हाम्रो खेलकुद) – आसन्न भदौमा फिलिपिन्समा आयोजना हुने एसियन भलिबल च्याम्पियनसिपको लागि नेपाली महिला रााष्ट्रिय भलिबल टोलीले भोलि (मंगलबार) देखि प्रशिक्षण थाल्ने भएको छ । नेपाल भलिबल संघ (एनभिए) ले गत २१ जेठबाटै टोलीको प्रशिक्षण शुरु गर्ने तयारी गरेपनि निषेधाज्ञा र विविध कारणले टोलीको प्रशिक्षण जेठ महिनाभरको लागि स्थगित गरिएको थियो । नेपाल भलिबल […]

67 views

0 Bookmark

काठमाडौं (हाम्रो खेलकुद) – आसन्न भदौमा फिलिपिन्समा आयोजना हुने एसियन भलिबल च्याम्पियनसिपको लागि नेपाली महिला रााष्ट्रिय भलिबल टोलीले भोलि (मंगलबार) देखि प्रशिक्षण थाल्ने भएको छ ।

नेपाल भलिबल संघ (एनभिए) ले गत २१ जेठबाटै टोलीको प्रशिक्षण शुरु गर्ने तयारी गरेपनि निषेधाज्ञा र विविध कारणले टोलीको प्रशिक्षण जेठ महिनाभरको लागि स्थगित गरिएको थियो । नेपाल भलिबल संघका सचिव मनवीर छन्त्यालले प्रशिक्षणको लागि तयारी पुरा भएको जानकारी गराए । उनले शुक्रबारदेखि प्रशिक्षण हुने स्थल राखेप कभर्डहल सफा र हललाई डिसइन्फेक्सन गर्ने काम, खेलाडी, प्रशिक्षक तथा अफिसियलको पीसीआर परिक्षण गर्ने काम भएको बताएका छन् ।

उनका अनुसार प्रारम्भिक सुचीमा डाकिएका मध्ये २७ खेलाडीको पीसीआर परिक्षण भएको छ । पुलिसका तीन खेलाडी कामना विष्ट, पुनम चन्द र शान्तिकला तामाङ पुलिसकै आन्तरिक तालिममा रहँदा पीसीआर परिक्षणमा उपस्थित भएका छैनन् ।

संघले तीन दिन शुक्रबार, आइतबार र सोमबार खेलाडी तथा अफिसियलको पीसीआर परिक्षण गरेको थियो । त्यसमध्ये आइतबारसम्मको पीसीआर परिक्षणमा सबैको नेगेटिभ आएको छ । सोमबार गरिएको परिक्षणको नतिजा आइनसकेको र मंगलबार बिहानसम्म आइसकेको खण्डमा उनीहरु पनि प्रशिक्षणमा सामेल हुनेछन् ।

खेलाडी तथा अफिसियलहरुलाई प्रशिक्षण अवधिभर त्रिपुरेश्वरस्थित युनाइटेड विजनेस होटेलमा बस्नेछन् । मुख्य प्रशिक्षक जगदिश प्रसाद भट्ट उपत्यका बाहिर रहेकाले पहिलो दिन सामान्य प्रशिक्षण मात्रै हुने सम्भावना छ । प्रशिक्षक भट्टले कागजपत्र मिलाएर एक दुई दिनमै काठमाडौं आउने बताएका छन् ।

संघले गत १४ जेठमा एसियन च्याम्पियनसिपको तयारीलाई लक्षित गर्दै चैत्र तेस्रो आयोजना भएको पाँचौ आरबिबी एनभीए राष्ट्रिय महिला तथा पुरुष क्लब भलिबल च्याम्पियनसिप २०७७ को प्रदर्शनलाई आधार मान्दै संघकी उपाध्यक्ष निरोज मास्के संयोजक तथा राखेप मुख्य प्रशिक्षक प्रज्वल बहादुर सिंह र महिला टोलीका मुख्य प्रशिक्षक जगदीश भट्ट सदस्य रहेको तीन सदस्यीय छनोट समितिले ३० सदस्यीय प्रारम्भिक टोली घोषणा गरेको थियो ।

लिगमा च्याम्पियन बन्न सफल होंगान्जी न्यू डायमन्डबाट ७ खेलाडी टोलीमा परेका छन् । यस्तै विभागीय टोली एपिएफ र पुलिसबाट ७–७ तथा आर्मीबाट ८ खेलाडी टोलीमा परेका छन् । भरतपुर मेट्रोबाट सरस्वती कट्टेल बन्द प्रशिक्षणमा अटाएकी छिन् ।

यसपटक घोषणा गरिएको टोलीमा ९ खेलाडीले पहिलोपटक राष्ट्रिय टोलीको बन्द प्रशिक्षणमा सहभागी हुने अवसर पाएका छन् । सरस्वती जैशी, लक्ष्मी चन्द, सृष्टि खड्गी, रिया कुँवर, रिमा कुँवर, कामना विष्ट, पुजा चौधरी, झरना श्रेष्ठ र वालमिका आचार्य पहिलोपटक राष्ट्रिय टोलीमा बोलाइएका हुन् ।

जगदीश भट्ट नै टोलीको मुख्य प्रशिक्षक रहनेछ । ट्रेनरमा महिला भलिबल टोलीकी पुर्व कप्तान अन्जु श्रेष्ठ तथा व्यवस्थापकका निरोज मास्के रहने छिन् । प्रशिक्षक भट्टकै नेतृत्वमा नेपालले एभिसी सेन्ट्रल जोनमा स्वर्ण तथा १३औं सागमा रजत पदक जितेको थियो ।

March 24, 2024

दोस्रो गल्कोट कप भलिबल अर्काे साता

सिड्नी (हाम्रो खेलकुद) – अस्ट्रेलियाको सिड्नीमा अर्काे साता दोस्रो गल्कोट कप भलिबल प्रतियोगिता आयोजना हुने भएको छ । अस्ट्रेलियामा रहेका बागलुङस्थित गल्कोटबासीको सक्रियतामा स्थापना भएको गल्कोट समाज अस्ट्रेलिया (जिएसए) को आयोजनामा अर्काे साता अर्थात मार्च ३१ तारिखमा एकदिने पुरुष भलिबल प्रतियोगिता आयोजना हुन लागेको हो । एक दिने प्रतियोगिता सिड्नीको ओवर्नस्थित ओवर्न बास्केटबल सेन्टरमा हुनेछ […]

March 23, 2024

फखरउद्दिन र केपी अनुश्री सर्वाेत्कृष्ट

काठमाडौं (हाम्रो खेलकुद) – च्याम्पियन टिप टप हेल्प नेपाल स्पोर्ट्स क्लबका पाकिस्तानी स्पाइकर फखरउद्दिन र एभरेस्ट भलिबल क्लबकी भारतीय स्पाइकर केपी अनुश्री आठौं आरबीबी एनभिए महिला तथा पुरुष भलिबल च्याम्पियनसिपको सर्वोत्कृष्ट खेलाडी चुनिएका छन् । फखरउद्दिन र केपी अनुश्रीले आ–आफ्नो टोलीलाई च्याम्पियन बनाउन महत्वपूर्ण भुमिका निभाएका थिए । फाइनलमा आफ्ना सहयात्री उस्मान फरयाद अलीले प्रदर्शन […]

March 23, 2024

आर्मीमाथि राेमाञ्चक जित निकाल्दै हेल्प नेपाल च्याम्पियन

काठमाडौं (हाम्रो खेलकुद) – विभागीय त्रिभुवन आर्मी क्लबमाथि रोमाञ्चक र प्रतिस्पर्धात्मक जित निकाल्दै टिप टप हेल्प नेपाल आठौं आरबीबी एनभिए महिला तथा पुरुष भलिबल च्याम्पियनसिपको पुरुषतर्फ च्याम्पियन बनेको छ । तीन पाकिस्तानी र घरेलु भलिबलका चर्चित खेलाडीसम्मिलित हेल्प नेपालले आर्मीमाथि ३–२ को रोमाञ्चक र प्रतिस्पर्धात्मक जित निकाल्दै लगातार च्याम्पियन बन्न सफल भएको हो । त्रिपुरेश्वरस्थित […]

Success

Thank you for your time.