एजेन्सी – इंग्ल्यान्डका पाँच खेलाडीले पाकिस्तानविरुद्ध पहिलो ओडिआई खेलमा डेब्यू गरेका छन् । कार्डिफमा इंग्ल्यान्डका कप्तान बेन स्टोक्सले टस जितेर पहिला बलिङ गर्ने निर्णय लिएका छन् । इंग्ल्यान्डले पाँच खेलाडीलाई डेब्यू दिएको छ ।

ओपनर फिलिप साल्ट, ज्याक क्रली, विकेटकिपर जोन सिम्पसन, अलराउन्डर लुईस ग्रेगरी र तीव्र गतिका बलर ब्रायडन क्रसले ओडिआईमा डेब्यू गरेका छन् । घरेलु टोली इंग्ल्यान्ड नयाँ स्वरुप रहेको छ । ओईन मोर्गनको कप्तानीमा घोषणा टोली मध्य तीन सदस्य खेलाडीमा कोरोना देखिएपछि पहिलो रोजाई १६ खेलाडीनै सेल्फ आइसेलेसनमा बसेका छन् । जसको कारण इंग्ल्यान्डले बेन स्टोक्सको कप्तानीमा १८ सदस्य नयाँ टोली घोषणा गरेको थियो । नौ अनक्याप्ड खेलाडी थिए । पाकिस्तानले अलराउन्डर साउद शकिललाई डेब्यू दिएको छ ।

हेड टु हेड :
पाकिस्तान र इंग्ल्यान्डबीच हालसम्म ८८ ओडिआई खेल भएको छ । पाकिस्तान ३२ खेलमा विजयी हुँदा ५३ खेल गुमाएको छ । पछिल्ला पाँच भेटमा इंग्ल्यान्ड चार खेलमा विजयी हुँदा एक खेलमा पराजित भएको छ ।

इंग्ल्यान्डको प्लेइङ ११ : फिलिप साल्ट, डेविड मलान, ज्याक क्रली, जेम्स भिन्स, बेन स्टोक्स (कप्तान), जोन सिम्पसन (विकेटकिपर), लुईस ग्रेगरी, क्रेग ओभरटन, ब्रायडनक्रस, सकिब मोहम्मद, म्याथ्यु पार्किसन ।

पाकिस्तानको प्लेइङ ११ : इमाम उल हक, फखर जमान, बाबर आजम (कप्तान), मोहम्मद रिजवान, साउद शकिल, सोहिल मकसूद, शादब खान, फहिम अशरफ, हसन अली, शाहिन अफ्रिदी र हरिस रौफ