दक्षिण कोरियालाई हराउँदै सर्विया तेस्रो

एजेन्सी – टोकियो ओलम्पिक २०२० अन्तरगतको महिला भलिबलमा सर्वियाले कास्यपदक हात पारेको छ । दक्षिण कोरियामाथि ३–० को सोझो सेटमा जित निकाल्दै सर्वियाले तेस्रो स्थान हासिल गरेको हो ।

एरिएक एरिनामा तेस्रो स्थानको लागि आइतबार भएको एकपक्षीय बनेको खेलमा सर्वियाले पहिलो सेट २५–१८ ले सहजै आफ्नो पक्षमा पारेको थियो । त्यसपछिको दुवै सेट २५–१५ र २५–१५ ले सहजै आफ्नो पक्षमा पार्दै सर्वियाले तेस्रो स्थान हासिल गर्न सफल भयो ।

सर्वियाको जितमा बोस्कोभिक एक्लैले सर्वाधिक ३३ अंकको योगदान दिइन् । सर्वियाले स्पाइकबाट ४४, ब्लक र सर्भिसबाट समान ७ अंक जोड्दा विपक्षीको गल्तीबाट १७ अंक पाएको थियो । सर्वियाविरुद्ध कमजोर प्रदर्शन गरेको कोरियाले स्पाइकबाट २५, ब्लकबाट २ र सर्भिसबाट ५ अंक जोड्दा विपक्षीको गल्तीबाट १६ अंक पाएको थियो ।