काठमाडौं (हाम्रो खेलकुद) – कुमारी फुटबलले रेडबुल फुटसल लिगअन्तर्गत समूह बीको शीर्षस्थानमा पुग्ने मौका गुमाएको छ । सामाखुसी फुटसलसँग बिहीबार ५–५ बराबरी खेलेपछि सामाखुसी शीर्षस्थानमा पुग्नबाट बञ्चित भयो । बिहीबारकै अर्को खेलमा होम ग्राउन्डमा ढुकु फुटसल हवले बानेश्वर रिक्रियसन सेन्टरलाई ८–४ ले हरायो । पराजित ग¥यो ।
ढुकुलाई जिताउन सुरज राउतले ह्याट्रिक गरे भने म्यान अफ दी म्याच सविन केसी र प्रवेश अधिकारीले २÷२ गोल गरे तथा अंशु कार्कीले १ गोल गरे । बानेश्वरका लागि सुनिल तामाङले २, मानसाजन राजभण्डारी र सञ्जय श्रेष्ठले समान १ गोल गरे ।
होम ग्राउन्डमा कुमारीले सामाखुसीसँग अंक बाड्यो । कुमारीका अभिषेक रिजाल एक्लैले ५ गोल गरे । सामाखुसीका नविन लामाले २, रवि थापा, देवचन्द्र थापा र श्याम नेपालीले समान १ गोल गरे । कुमारीका अर्पण कार्की म्यान अफ दी म्याच बने । भए ।
समूह बीको शीर्ष टोली हरिसिद्ध फुटसल र कुमारीको समान ११ अंक छ । गोलअन्तरमा कुमारी पछाडी छ । समूह एमा ५ खेलमा अपराजित रहेको किकअफ फुटसल (१५ अंक) शीर्षस्थानमा छ । बानेश्वर ६ खेलबाट १० अंक सहित दोस्रो स्थानमा छ । एएमए इभेन्टको आयोजनामा होम एन्ड अवेको आधारमा २८ मंसिरसम्म सञ्चालन हुने लिगमा १६ टोलीको सहभागिता छ । प्रतियोगिताको विजेताले १० लाख र उपविजेताले ५ लाख रुपैयाँ प्राप्त गर्नेछ ।
शुक्रबारका खेलहरु
ताहाचल फुटसलविरुद्ध हाइवे फुटसल
समय – दिउँसो १२ः३० बजे
स्थान – ताहाचल फुटसल, ताहाचल
ह्वाइट हर्स फुटसलविरुद्ध आदर्श फुटसल
समय – दिउँसो ३ः३० बजे
स्थान – ह्वाइट हर्स फुटसल, सुकेधारा
