3 years ago
September 23, 2021
काठमाडौं (हाम्रो खेलकुद) – गण्डकी प्रदेश पुरुष भलिबल टोलीका महत्वपुर्ण सदस्यद्वय मिडल ब्लकर रुपेन्द्र गैरे र स्पाइकर किरण गुरौ विभागीय नेपाल एपिएफ क्लबमा आबद्ध भएका छन् । यस्तै गण्डकी प्रदेशकै सन्तोष थापामगरले पनि एपिएफबाटै खेल्ने भएका छन् । अब उनीहरुले एपिएफको पुरुष भलिबल टोलीबाट नै घरेलु भलिबल खेल्नेछन् । तीनै जनासँग एपिएफले सम्झौता गरिसकेको छ […]
काठमाडौं (हाम्रो खेलकुद) – गण्डकी प्रदेश पुरुष भलिबल टोलीका महत्वपुर्ण सदस्यद्वय मिडल ब्लकर रुपेन्द्र गैरे र स्पाइकर किरण गुरौ विभागीय नेपाल एपिएफ क्लबमा आबद्ध भएका छन् ।
यस्तै गण्डकी प्रदेशकै सन्तोष थापामगरले पनि एपिएफबाटै खेल्ने भएका छन् । अब उनीहरुले एपिएफको पुरुष भलिबल टोलीबाट नै घरेलु भलिबल खेल्नेछन् । तीनै जनासँग एपिएफले सम्झौता गरिसकेको छ । उनीहरु सशस्त्र प्रहरी बल (एपिएफ) मा भर्ना हुने प्रक्रियामा रहेको छ ।
रुपेन्द्र, किरण र सन्तोष १० असोजदेखि सुरु हुने छैटौं संस्करणको एनभिए राष्ट्रिय महिला तथा पुरुष क्लब भलिबल च्याम्पियनसिपमा एपिएफको जर्सीमा देखिनेछन् । झन्डै तीन वर्षदेखि गण्डकी प्रदेशको भलिबल टोलीको सदस्य रहेका रुपेन्द्र र किरणले पछिल्लो समय उत्कृष्ट प्रदर्शन गर्दै आएका छन् ।
गण्डकीले गत वर्ष पोखरामा सम्पन्न प्रथम टाइगर कप आमन्त्रण पुरुष तथा महिला राष्ट्रिय भलिबल च्याम्पियनसिपको उपाधि जित्दा उनीहरुको प्रदर्शन उत्कृष्ट रहेको थियो । फाइनलमा गण्डकीले आर्मीलाई ३–२ को सेटमा हराउँदै उपाधि जितेको थियो ।
नेपालगन्जमा २०७५–७६ भएको आठौं राष्ट्रिय खेलकुदको लागि पोखरामा भएको छनोटमा पर्वत जिल्लाबाट खेल्दै २३ वर्षीय रुपेन्द्रले गण्डकीको टोलीमा स्थान बनाएका थिए । त्यसअघि नै उनले गण्डकीको प्रतिनिधित्व गरिसकेका थिए ।
यस्तै नवलपुरका २० वर्षीय किरणले साविकको पश्चिमाञ्चल विकास क्षेत्र हुदादेखि नै टोलीबाट खेलिसकेका थिए । रुपेन्द्र र किरणले गण्डकीको टोलीबाट गत वर्ष पोखरामा भएको टाइगर कपसँगै रामेछाप र इलाममा खुल्ला भलिबल प्रतियोगिता जित्न सफल भएका थिए ।
गत चैतमा सम्पन्न पाँचौ एनभिए राष्ट्रिय महिला तथा पुरुष क्लब लिग भलिबल च्याम्पियनसिपमा रुपेन्द्रले टिप टप हेल्प नेपाल स्पोर्ट्स क्लबबाट तथा किरणले बुलबुले रारा भलिबल क्लबबाट खेलेका थिए । त्यसअघिको च्याम्पियनसिपमा गण्डकी प्रदेशले भाग नलिएपछि गण्डकीका खेलाडीहरु अन्यत्र क्लबबाट खेलेका थिए ।
सन्तोष गत वर्षदेखि गण्डकीको टोलीमा रहेका छन् । गण्डकीले गत वर्ष टाइगर कप जित्दा उनी टोलीका सदस्य रहेका थिए । उनले इलामसँगै अन्य जिल्लामा भएको प्रतियोगितामा गण्डकीको प्रतिनिधित्व गरिसकेका छन् ।
April 16, 2024
मस्कट (हाम्रो खेलकुद) – ओमनमा जारी एसिसि प्रिमियर कप अन्तर्गत बहराइनले पहिलो जित दर्ता गरेको छ । पहिलो जित दर्ता गर्ने क्रममा बहराइनले कम्बोडिया माथि ७ विकेटको सहज जित हासिल गरेको हो । कम्बोडियाले दिएको ८४ रनको झिनो लक्ष्य बहराइनले १३.१ ओभरमा ३ विकेट गुमाएर भेटायो । बहराइनका लागि हैदर बटले २७ बलमा ३ चौका […]
April 10, 2024
सुनिल गाउँले, सिमरा विभागीय टोली त्रिभुवन आर्मी क्लब विरुद्ध संघर्षपूर्ण जित निकाल्दै मच्छिन्द्र क्लब जगदम्बा स्टिल १४ औं जीतपुरसिमरा गोल्डकपको सेमिफाइनलमा प्रवेश गरेको छ । सिमरा रंगशालामा मंगलबार राति भएको प्रतिष्पर्धात्मक खेलमा मच्छिन्द्रले आर्मी १–० लाई हराउँदै अन्तिम चारको यात्रा तय गरेको हो । ६९ औं मिनटमा सौरभ लिम्बुले गरेको मच्छिन्द्रला लागि निर्णायक बनेको थियो […]
April 6, 2024
काठमाडौं (हाम्रो खेलकुद) – नेपाली फुटबल टोलीका पूर्व कप्तान हरि खड्का टिप-टो स्पोर्ट्स एकेडेमीको ब्रान्ड एम्बासेडर र प्राविधिक सल्लाहकार (टेकनिकल एडभाईजर) नियुक्त भएका छन् । एन्फाका वर्तमान टेक्निकल डाइरेक्टर तथा नेपाली महिला फुटबल टोलीका पूर्व मुख्य प्रशिक्षक समेत रहेका खड्का हाल टिप-टो स्पोर्ट्स एकेडेमीसँग जोडिएका हुन् । नेपाली फुटसल टोलीका मुख्य प्रशिक्षक गौरव बस्नेतद्वारा संचालित […]