लन्डन (एजेन्सी)- आज प्रिमियर लिग अन्तर्गतको खेलहरुमा तीन ठुला टोलीहरुले खेल्दै छन्।  आज हुने पहिलो खेलमा म्यानचेस्टर युनाइटेडले स्वान्सीको सामाना गर्दै छ।  लिगको पहिलो खेलमा  युनाइटेडले वेस्टह्याम बिरुद्ध ४-० को सहज जित हात पारेको थियो भने स्वान्सी साउथ ह्याम्पटनसँग १-१ को बराबरीमा रोकिएको थियो।

आज हुने खेलमा युनाइटेडले पहिलो खेलमै उतारेको सुरुआती ११ उतार्ने प्रबल सम्भावना रहेको छ भने घरेलु टोलीका लागि रकी मेंसाले डेब्यु गर्ने प्रबल सम्भावना छ। आजको खेल स्वान्सीको लिबर्टी स्टेडीयममा नेपाली समय बेलुकी ५:१५ मा सुरु हुने  छ।

आजै हुने अर्को खेलमा लिभरपुलले आफ्नो गृह मैदान एनफिल्डमा क्रिस्टल प्यालेसको चुनौतिको सामाना गर्दै छ। पहिलो खेलमा वार्टफर्डसँग ३-३ को बराबरीमामा चोटका कारण टिममा नरहेका स्टरिज टिममा फर्किएका छन् भने कुटिन्होको बिषयमा अझै टुंगो लाग्न सकेको छैन।

प्यालेस भने खेलाडीको फर्म र चोटले पिरोलिएको छ। सिजनको सुरुआतमै आफ्नो मुख्य खेलाडी जाहालाई इन्जुरीका कारण गुमाएको   प्यालेसले लीगको पहिलो खेलमा यहि सिजन बढुवा भएको हडर्ल्सफिल्डसँग ३-० को पराजय बेहेरोको थियो। खेल नेपाली समय ७:४५ मा सुरु हुने छ।

त्यस्तै आजको अन्तिम खेलमा स्टोक सिटिले आर्सनललाई आफ्नो मैदानमा निम्त्याउदै छ। सिजनको उद्घाटन खेलमा लेस्टरलाई रोमान्चक खेलमा लेस्टरलाई ४-३ ले पराजित गरेको आर्सनलले अघिल्लो खेल चोटका कारण गुमाएका मार्टसाकार र मुस्ताफीलाई खेलाउने सम्भावना रहेको छ भने एलेकसीस स्यान्चेज खेल्ने नखेल्ने अन्योलमै छन्।

पहिलो खेलमा एभर्टनसँग १-० ले पराजित भएको घरेलु टोलीले पीएसजी बाट लोनमा भित्र्याएको जेसे रोड्रीगेजलाई सुरुआत गराउने छ।  खेल नेपाली समय अनुसार राति १०:१५ मा सुरु हुने छ।

आजै हुने अन्य खेल हरुमा बर्नमाउथले वार्टफर्ड, बर्नलेले वेस्ट ब्रम, लेस्टरले ब्राईटन तथा साउथ ह्याम्पटनले वेस्ट ह्यामको सामना गर्ने छ।