default_image

2 years ago

August 16, 2022

आयशा अब लेभल २ पारा तेक्वान्दो प्रशिक्षक

196 views

0 Bookmark

काठमाडौं (हाम्रो खेलकुद) – १३ औं दक्षिण एसियाली खेलकुद (साग) की दोहोरो स्वर्ण पदक विजेता आयशा शाक्यले पारा तेक्वान्दोको लेभल २ प्रशिक्षण कोर्स उर्तिण गरेकी छन् । आयशाले विश्व पारा तेक्वान्दोको आयोजनामा मंगलबार सम्पन्न १८ औं विश्व पारा तेक्वान्दो प्रशिक्षक सर्टिफिकेट कोर्ष लेभलको उर्तिण गरेकी हुन् ।

प्रशिक्षण तीन दिन सम्म अनलाइन माध्यबाट भएको थियो । पारा तेक्वान्दोको लेभल–२ कोर्स पूरा गर्ने आयशा दोस्रो नेपाली तथा पहिलो नेपाली महिला प्रशिक्षक हुन् । यसअघि गत वर्ष कविराज नेगी लामाले उक्त कोर्ष उर्तिण गरेका थिए । त्यसअघि लामा, आयशा र विकेश बिडारीले लेभल–१ कोर्ष उर्तिण गरेका थिए ।

लेभल–२ कोर्समा सहभागी हुन विश्व तेक्वान्दोले जारी गरेको गाल लाइसेन्स, राष्ट्रिय प्रशिक्षकमा कम्तीमा एक वर्षको अनुभव र विश्व तेक्वान्दोले आयोजना गरेको कुनै एक प्रतियोगितामा प्रशिक्षकको भूमिका निर्वाह गरेको हुनुपर्ने छ । लेभल २ उर्तिण प्रशिक्षकले एसियन गेम्सलगायतका अन्य महादेशीय प्रतियोगिताको टोलीलाई प्रशिक्षण दिन सक्नेछन् । लेभल २ कोर्षका लागि मौका दिएकोमा नेपाल तेक्वान्दो संघलाई धन्यवाद दिदै आयशाले पारा तेक्वान्दोको खेलाडी उत्पादन र प्रशिक्षणका लागि अब जति बेला पनि उपलब्ध रहने समेत बताइन् ।

झण्डै तीन वर्षअघि स्वदेशमा भएको १३ औं सागको तेक्वान्दोको पुम्सेमा आयशाले दुई वटा स्वर्ण पदक जितेकी थिइन् । सागमा त्यसअघि नै उनले एक स्वर्ण र एक रजत पदक जितेकी थिइन् । उनले सन् २००६ को एसियाली खेलकुदमा तेक्वान्दोमा कास्य पदक जितेकी थिइन् ।

June 30, 2024

तेक्वान्दोका मुख्य प्रशिक्षक श्रेष्ठलाई सातौं डान

काठमाडौं (हाम्रो खेलकुद)- तेक्वान्दोका मुख्य प्रशिक्षक नवीनकुमार श्रेष्ठले सातौं डान प्राप्त गरेका छन् । दक्षिण कोरियामा भएको ग्रेडिङमा उत्तीर्ण हुँदै श्रेष्ठले सातौं डानको प्रमाण पत्र प्राप्त गरेका हुन् । श्रेष्ठले दक्षिण कोरियामै सन् २०२३ को जुलाई ५ देखि ११ तारिखमा भएको सेकेन्ड क्लास इन्टरनेसनल मास्टर्स कोर्ष र जुलाई ११ देखि १४ तारिखसम्म भएको सेकेन्ड क्लास […]

June 29, 2024

छात्राका लागि आत्मरक्षा तालिम सुरु

हिमाल खरेल,दमकझापाको दमकमा महिला सेल्फ डिफेन्स (आत्मरक्षा) तथा योगासम्बन्धी तीन दिने प्रशिक्षण कार्यक्रम सुरु भएको छ । दमकको हिमालय माविमा आज कोशी प्रदेशका सामाजिक विकासमन्त्री पाँचकर्ण राईले एक कार्यक्रमका बीच प्रशिक्षणको उद्घाटन गरे । प्रदेश खेलकुद विकास बोर्ड कोशीको आयोजनामा सुरु भएको तालिममा कक्षा ९ देखि १२ मा पढ्ने दमकका एक सय छात्रा सहभागी रहेका […]

June 17, 2024

क्रिकेट टोलीसहित अन्तर्राष्ट्रिय पदक विजेता खेलाडी पुरस्कृत

काठमाडौं (काठमाडौं)- विभिन्न अन्तर्राष्ट्रिय प्रतियोगितामा पदक जित्न सफल खेलाडीलाई युवा तथा खेलकुद मन्त्रालयले आइतबार नगदसहित पुरस्कृत गरेको छ । युवा तथा खेलकुद मन्त्री विराजभक्त श्रेष्ठ, राष्ट्रिय खेलकुद परिषद् (राखेप) का सदस्य–सचिव टंकलाल घिसिङ र खेलकुद मन्त्रालयका सचिव सुमनराज अर्यालले विभिन्न ४ अन्तर्राष्ट्रिय प्रतियोगितामा पदक जित्न सफल खेलाडीसहितको टोलीलाई प्रशंसा पत्र र नगदसहित पुरस्कृत गरे । […]

Success

Thank you for your time.