default_image

9 months ago

February 18, 2023

एसियाली खेलकुदका लागि करातेको छनोट सुरु

काठमाडौं (हाम्रो खेलकुद)– एसियाली खेलकुद (एसियाड) का लागि करातेको प्रारम्भिक छनोट सुरु भएको छ । लतिलपुर सातदोबाटोस्थित कराते एकेडेमी हलमा दुई दिने छनोट प्रतियोगिता शनिबार सुरु भएको हो । महिला र पुरुषको समान ६ गरि १२ तौल समूहमा छनोट हुने कराते प्रशिक्षक दीपक श्रेष्ठले जानकारी दिए । पहिलो दिन महिला र पुरुष काता तथा कुमुते […]

155 views

0 Bookmark

काठमाडौं (हाम्रो खेलकुद)– एसियाली खेलकुद (एसियाड) का लागि करातेको प्रारम्भिक छनोट सुरु भएको छ । लतिलपुर सातदोबाटोस्थित कराते एकेडेमी हलमा दुई दिने छनोट प्रतियोगिता शनिबार सुरु भएको हो ।

महिला र पुरुषको समान ६ गरि १२ तौल समूहमा छनोट हुने कराते प्रशिक्षक दीपक श्रेष्ठले जानकारी दिए । पहिलो दिन महिला र पुरुष काता तथा कुमुते ६० केजी तौल समूहमा छनोट भएको छ । एकल कातामा महिलामा नेपाल पुलिस क्लबकी चन्चला दनुवार विजयी भइन् । उनीसँगै दोस्रो भएकी कर्णाली प्रदेशकी एसिला रस्ताकोटी मगर तथा तेस्रो भएका पुलिसकी सरु कार्की र त्रिभुवन आर्मी क्लबकी रिना श्रेष्ठ करातेको प्रारम्भिक छनोटमा परेका छन् ।

त्यस्तै पुरुष एकलमा एपिएफका स्वर्णिम मानन्धर विजयी भएका छन् । दोस्रो भएका आर्मीका प्रविण मानन्धर, तेस्रो भएका पुलिसका महसुस मोक्तान र बागमतीका रेहान जावेद पहिलो चरणको छनोटमा पर्न सफल भए । पुरुष कुमुते ६० केजीमा पुलिसका सोनम लामा विजयी भए । त्यसमा आर्मीका विजय रिमाल दोस्रो तथा एपिएफका सुविन खत्री र बागमतीका रिकेश भण्डारी संयुक्त रुपमा तेस्रो हुन्दै छनोटमा परे ।

आइतबार सम्म चल्ने छनोटमा हरेक तौल समूहबाट ४ खेलाडी प्रारम्भिक छनोटमा पर्नेछन् । कात्तिकमा सम्पन्न नवौं राष्ट्रिय खेलकुदमा सहभागी तथा अन्य राष्ट्रिय प्रतियोगिताका पदक विजेता गरि १ सय २५ खेलाडी छनोट प्रतियोगितामा प्रतिस्पर्धा गरिरहेका छन् ।

चरण चरणको छनोटपछि एसियाली खेलकुदको केहि अघि अन्तिम छनोट गरिने प्रशिक्षक श्रेष्ठले बताए । १९ औं एसियाड चीनको हान्जाउमा सेप्टेम्बर २३ देखि अक्टोबर ८ सम्म आयोजना हुनेछ । नेपाल कराते महासंघका अध्यक्ष युवराज लामाको सभापतित्वमा भएको कार्यक्रममा राष्ट्रिय खेलकुद परिषद्का सदस्य सचिव टंकलाल घिसिङले उद्घाटन गरे ।

November 18, 2023

एसियाड पदक विजेता सविता र किशोर सम्मानित

काठमाडौं (हाम्रो खेलकुद) – एसियाली खेलकुद (एसियाड) र दक्षिण एसियाली खेलकुद (साग) का पदक विजेता तेक्वान्दो खेलाडी सविता राजभण्डारी र कांस्य विजेता किशोर श्रेष्ठ शनिबार सम्मानित भएका छन् । नेपाल तेक्वान्दो संघ बागमती प्रदेशले उनीहरुको सफलताको कदर गर्दै सम्मान गरेको हो । दुबैले साढे दुई दशक अघि एसियाडमा सफलता प्राप्त गरेका थिए । श्रम, रोजगार […]

November 14, 2023

पारा तेक्वान्दो प्रशिक्षक लामा सम्मानित

काठमाडौं (हाम्रो खेलकुद) – राष्ट्रिय पारा तेक्वान्दो प्रशिक्षक कविराज नेगी लामा सम्मानित भएका छन् । दीपावली तथा नेपाल सम्वत् ११४४ को अवसरमा आयोजित शुभकामना आदान प्रदान कार्यक्रममा पशुपति देवपाटनको पशुपति सिर्जनशील युवा क्लबले लामालाई मंगलबार सम्मान गरेको हो । क्लबका अध्यक्ष एवं कार्यक्रम संयोजक सुमन डंगोल, काठमाडौं क्षेत्र नं. ४ का सांसद गगनकुमार थापा, बागमती […]

November 3, 2023

ऐतिहासिक पदक विजेता पलेशा नगदसहित सम्मानित

काठमाडौं (हाम्रो खेलकुद) – नेपाल तेक्वान्दो संघले चीनमा भएको चौथो एसियाली पारा खेलकुद अन्तरगत तेक्वान्दोमा ऐतिहासिक कांस्यपदक जितेकी पलेशा गोवर्धनलाई शुक्रबार नगदसहित सम्मान गरेको छ । नेपाल पारालिम्पिक कमिटीकी अध्यक्ष राधा घले र तेक्वान्दो संघका अध्यक्ष प्रकाश शमशेर राणाले पलेशालाई नगद ३ लाखसहित प्रशंसा पत्र प्रदान गरी सम्मान गरेका हुन् । सोही अवसरमा टोलीका प्रशिक्षक […]

Success

Thank you for your time.