2 years ago
September 12, 2023
काठमाडौं (हाम्रो खेलकुद)– नेपाल तेक्वान्दो संघले ११ औं कोरियन एम्बेसडर खुला अन्तर्राष्ट्रिय प्रतियोगिता आयोजना गर्न लागेको जानकारी दिएको भोली पल्ट तेक्वान्दोकै केहि खेलाडीले आफूहरुलाई खेल्नबाट बन्चित गराएको आरोप लगाएका छन् ।
संघले जारी गरेको सुचनाकै आधारमा भदौ ४ गते भन्दा अगाडि नै नाम दर्ता गर्न खोज्दा विभिन्न बहाना गरि नाम दर्ता गर्न नदिएको खेलाडीहरुले आरोप लगाएका छन् । सोमबार पत्रकार सम्मेलन गर्दै खेलाडीहरुले तेक्वान्दो संघले विभेद गरेको आरोप लगाएका हुन् । उनीहरुले खेल्न पाउने आफ्नो अधिकारलाई सम्बोधन नगरे न्यायिक लडाई लड्ने चेतावनी पनि दिएका छन् ।
नेपालस्थित दक्षिण कोरियाली दुताबास र नेपाल तेक्वान्दो संघको संयुक्त आयोजनामा भदौं २७ देखि ३१ गतेसम्म कोरियन एम्बेसडर तेक्वान्दो सन्चालन हुँदैछ । संघले खेलाडीमाथि निरंकुशता लाद्न खोजेको आजको परिस्थिति सृजना भएको उनीहरुको आरोप छ ।
पत्रकार सम्मेलनमा बोल्दै कोटेश्वर डोजाङ्गका खेलाडी एलिस ठकुरीले तेक्वान्दो संघका केहि पदाधिकारीहरुको आन्तरिक विवादकै कारण आफूहरुलाई खेल्नबाट बन्चित गरेको बताएका छन् । उनले संघले खेलाडीलाई समान व्यवहार गर्नुपर्नेमा जोड दिएका छन् ।
‘तेक्वान्दो संघ सबैको साझा संघ हो, संघ आफैमा खराब होइन, संघ चलाउने व्यक्तिहरुको निरंकुशता हाबी हुँदै जाँदा संघ नै बदनाम बनेको छ, उनले भने, यो गलत हो्,‘यो प्रवृत्तिको अन्त्य हुनुपर्छ र हामी खेलाडीले रुपले खेल्न पाउनु पर्छ ।’
June 15, 2025
काठमाडौं (हाम्रो खेलकुद) – छ वर्ष अघि स्वदेश मै भएको १३औं दक्षिण एसियाली खेलकुद (साग) का रजत विजेता कराते खेलाडी दिवस श्रेष्ठले अस्ट्रेलियामा न्यु साउथ वेल्स (एनएसडब्लु) कपमा स्वर्ण पदक जितेका छन् । अस्ट्रेलियाको सिड्नीमा भएको प्रतियोगितामा दिवसले पुरुष सिनियर १८ वर्षमाथि उमेर समूहको ७५ केजीमाथि एलिट समूहमा स्वर्ण जितेको कराते प्रशिक्षक कुशल श्रेष्ठले जनाएका […]
June 6, 2025
काठमाडौं (हाम्रो खेलकुद)- लुम्बिनी प्रदेश स्तरीय दोश्रो रामनगर तेक्वान्दो प्रतियोगिता पश्चिम नवलपरासीको भुमहीमा हुने भएको छ। सामाजिक विकास डिभिजन कार्यालय भैरहवाको आयोजना तथा सुनवल नगरपालिका शिक्षा युवा तथा खेलकुद शाखाको समन्वयमा प्रतियोगिताजेठ २९ देखि ३१ गते सम्म हुने बताइएको छ। रामनगर तेक्वान्दो एकेडमीको व्यवस्थापन र योङ गोर्खालिज क्लबको सहयोग हुने प्रतियोगिताको च्याम्पियन टोलीले ट्रफी प्राप्त […]
June 4, 2025
काठमाडौं (हाम्रो खेलकुद) – कराते खेलाडी एरिका गुरुङ विश्व वरीयतामा व्यापक सुधार गर्दै २७ औं स्थानमा उक्लिएकी छिन् । यसै साता कराते-१ प्रिमियर लिगमा ऐतिहासिक पदक जितेपछि एरिकाको वरीयतामा सुधार आएको हो । महिला ६८ केजी माथिको तौल समूहमा प्रतिस्पर्धा गर्दै आएकी एरिकाको यसअघि वरीयताको ५७ औं स्थानमा थिइन् । कराते प्रिमियर लिगमा विश्वको उत्कृष्ट […]