काठमाडौं (हाम्रो खेलकुद)– नेपाल कराते महासंघको व्यवस्थापनमा शनिबार सुरु हुने सातौं दक्षिण एसिया कराते च्याम्प्यिनसिप (क्याडेट, जुनियर, यू २१ र सिनियर) को सम्पूर्ण तयारी पूरा भएको महासंघले जनाएको छ ।

त्रिपुरेश्वरस्थित राखेप कभर्ड हलमा शनिबार र आइतबार दुई दिन हुने प्रतियोगिता नेपालसहित दक्षिण एसियाका ६ राष्ट्रका महिलातर्फ १ सय ३ र पुरुषतर्फ १ सय ३४ गरि २ सय ३७ खेलाडीले प्रतिस्पर्धा गर्ने महासंघका सदस्य तथा च्याम्पियनसिपका प्रचार प्रसार संयोजक रवि महर्जनद्वारा शुक्रबार जारी विज्ञप्तीमा जनाइएको छ ।

नेपाल कराते महासंघको व्यवस्थापन रहेको च्याम्पियनसिप दक्षिण एसियाली कराते महासंघ (एसएकेएफ) को आयोजना, एसियाली कराते महासंघको स्वकृती र विश्व कराते महासंघको मान्यता प्राप्त च्याम्पियनसिप रहेको बताइएको छ ।

च्याम्पियनसिपमा भारतबाट सबैभन्दा बढी ६४ खेलाडी, नेपालबाट ६२, श्रीलंकाबाट ४३, बंगलादेश र पाकिस्तानबाट समान ३३ र भुटानबाट २ खेलाडीले भाग लिदैछन् । एसियाली खेलकुदमा करातेबाट नेपाललाई कास्य पदक दिलाउने एरिकासहित छनोट चरण पार गरेरका अन्य खेलाडीले नेपालको प्रतिनिधित्व गर्नेछन् ।

६२ स्वर्ण पदकका लागि हुने प्रतिस्पर्धामा सिनियर कुमुतेमा महिलातर्फ ४५ केजी मुनी, ५० केजी मुनी, ५५ केजी मुनी, ६१ केजी मुनी, ६८ केजी मुनी र ६८ केजीमाथिमा तथा पुरुषतर्फ ५० केजी मुनी, ५५ केजी मुनी, ६० केजी मुनी, ६७ केजी मुनी, ७५ केजी मुनी, ८४ केजी मुनी र ८४ केजीमाथि प्रतिस्पर्धा हुनेछ । त्यस्तै टिम कुमुते महिला र पुरुषको प्रतिस्पर्धा पनि समावेश गरिएको छ । सिनियरको महिला र पुरुष एकल काता तथा टिम काताको पनि समावेश गरिने बताइएको छ ।

१४/१५ वर्ष महिला र पुरुषमा एकल काताका साथै कुमुतेमा महिलातर्फ ४० केजी मुनी, ४८ केजी मुनी, ५३ केजी मुनी, ५९ केजी मुनी र ५९ केजी माथि पुरुषतर्फ ५० केजी मुनी, ५५ केजी मुनी, ६१ केजी मुनी, ६८ केजी मुनी, ७६ केजी मुनी र ७६ केजीमाथिको तौल समूहमा प्रतिस्पर्धा हुनेछ ।

त्यस्तै १६/१७ वर्ष उमेर समूहमा एकल काताका साथै कुमुतेमा महिलातर्फ ४० केजी मुनी, ४८ केजी मुनी, ५३ केजी मुनी, ५९ केजी मुनी र ५९ केजी माथि पुरुषतर्फ ५० केजी मुनी, ५५ केजी मुनी, ६१ केजी मुनी, ७६ केजी मुनी र ७६ केजी माथि तौल समूहमा प्रतिस्पर्धा हुनेछ ।

यू २१ (१८देखि २० वर्ष) समूहमा एकल काताका साथै कुमुतेमा महिलातर्फ ४० केजी मुनी, ४५ केजी मुनी, ५० केजी मुनी, ५५ केजी मुनी, ६१ केजी मुनी, ६८ केजी मुनी र ६८ केजी माथि पुरुषतर्फ ५० केजी मुनी, ५५ केजी मुनी, ६० केजी मुनी, ६७ केजी मुनी, ७५ केजी मुनी, ८४ केजी मुनी र ८४ केजीमाथिको तौल समूहमा प्रतिस्पर्धा हुनेछ । १४ देखि १७ वर्ष उमेर समूहको महिला र पुरुषको टिम काता पनि हुनेछ ।

कराते महासंघको एकिकरणपछि नयाँ नेतृत्व आएयता नेपालमा हुन लागेको यो पहिलो अन्तर्राष्ट्रिय प्रतियोगिता हो । प्रतियोगिताको हाम्रो खेलकुदले प्रत्यक्ष प्रसारण गर्नेछ ।