10 years ago
August 21, 2015
काठमाडौं, भदौ ४ गते |
नेपाल तेक्वान्दो संघले आफ्ना २५ प्रशिक्षकहरुलाई छैटौं डान प्रदान गरेको छ । त्रिपुरेश्वरस्थित तेक्वान्दोको मेन डोजोमा आयोजित कार्यक्रममा राष्ट्रिय खेलकुद परिषदका सदस्य सचिव केशव कुमार विष्टले दिक्षीत २५ प्रशिक्षकहरुलाई प्रमाण पत्र प्रदान गरे ।
छैटौं डान प्राप्त गर्न सफल प्रशिक्षकहरु ।
१० दिन सम्म संचालित पाँचौ डानको परिक्षा उत्तीर्ण गरि छैटौ डान प्राप्त गर्न आवेदन दिएका २७ प्रशिक्षक मध्ये एक दीपक विष्ट बिदेशमा रहेका र अर्का एक भरत भण्डारीको परिक्षाको तयारी नभएका कारण परिक्षामा सहभागि नभएको तेक्वान्दो संघका महासचिव एवं प्रशिक्षक दीपराज गुरुङ्गले बताए । उनीहरुलाई निकट भविष्यमा आयोजना हुने परिक्षामा सामेल गराईने समेत प्रशिक्षक गुरुङ्गले बताएका छन् ।
प्रशिक्षक गुरुङ्गले छैटौं डान प्राप्त गर्नका लागि एक खेलाडीलाई करिव २२–२३ बर्ष लाग्ने समेत जानकारी गराए ।
अव नेपालमा छैटौं डान प्राप्त गर्नेको संख्या ६१ पुगेकोछ । उत्तीर्ण प्रशिक्षकहरु राष्ट्रिय खेलकुद परिषदमा कार्यरत रहेकाछन् ।
तेक्वान्दोमा सर्वोच्च ९ औं डान सम्मको ग्रेडिङ्ग रहेकोमा नेपालमा ८ औं डानका एक मात्र तेक्वान्दो संघका महासचिव दीपराज गुरुङ्ग रहेका छन् ।
प्रमाण पत्र वितरण कार्यक्रममा नेपाल तेक्वान्दो संघका अध्यक्ष प्रकाश शमसेर राणा र तेक्वान्दो संघका पदाधीकारीहरुको उपस्थिती रहेको थियो ।
November 28, 2025
काठमाडौं (हाम्रो खेलकुद)- एसियाली खेलकुदकी रजत पदक विजेता एरिका गुरुङ इजिप्टमा जारी डब्लुकेएफ २७ औं कराते विश्व च्याम्पियनसिपको अन्तिम १६ मा प्रवेश गर्न सफल भएकी छिन्। महिला ६८ केजी माथि तौल समूहको पुल-७ मा रहेकी एरिका समूह उपविजेता बनेर प्रि-क्वाटरफाइनलमा प्रवेश गर्न सफल भएकी हुन्। उनले चिल्लीकी गोन्जालेज लाभिनलाई ५-१ को अन्तरमा पराजित गरिन्। त्यसअघिको […]
November 28, 2025
काठमाडौं (हाम्रो खेलकुद )- न्युजिल्यान्डमा भएको ‘उसु हिरोज’ प्रथम अन्तर्राष्ट्रिय आमन्त्रण उसु प्रतियोगितामा नेपालले ४ स्वर्ण जितेको छ । विजय सिन्जाली, पासाङ शेर्पा, निमा घर्ती मगर र जुनु स्याङ्बो लामाले स्वर्ण जितेको नेपाल उसु महासंघका उप–महासचिव राजीव महर्जनले जनाएका छन् ।
November 27, 2025
काठमाडौं (हाम्रो खेलकुद)- करातेकी खेलाडी सानुमाया थिङले इजिप्टमा आज सुरु हुने डब्लुकेएफ २७ औं कराते विश्व च्याम्पियनसिपमा एकल कातामा खेलेका सबै ३ प्रतिस्पर्धामा हार बेहोरेकी छिन् । पहिलो खेलमा सानुमाया कोलम्बियाकी खेलाडी मचादो भ्यालेन्टिना जापातासँग हारिन् । सानुमायाले ३६.१ र मचादोले ३८.८ स्कोर गरिन् । अर्को खेलमा सानुमाया आयोजक इजिप्टकी आया हेस्मामसँग ३९.४-३५.६ ले पराजित भइन् […]
