काठमाडौं, चैत ४
तेस्रो राष्ट्रिय खुल्ला रेन्वोकाई कराँते च्याम्पियनसिप शुक्रबारबार जोरपाटी नारायणटारस्थित हिम्स स्कुलमा सुरु हुदैछ ।

आयोजकले एक कार्यक्रम गर्दै प्रतियोगिता हुने बारे जानकारी गराएको हो । प्रतियोगितामा नेपालभरका सात प्रदेशबाट सात टिम र कराँतेसँग सम्वन्धित विभिन्न क्षेत्रबाट गरी १७ टिमको सहभागिता रहने आयोजकले जानकारी गराए । पुरुषतर्फ २० देखि ८० भन्दा माथिको तौल समूह तथा महिलामा २० देखि ६० केजीभन्दा माथिको तौल समूह राखिएको छ । खेलरु पुरुष एकल काता र महिला एकल कातामा हुनेछ ।
दुई दिनसम्म चल्ने प्रतियोगितामा २६ स्वर्ण, २६ रजत र ५२ कास्यपदको लागि करिव ४०० खेलाडीहरुले प्रतिस्पर्धा गर्ने आयोजकले जनाएको छ ।