काठमाडौं – नेपाली राष्ट्रिय कराँतेखेलाडी सुनिल लामाले अमेरिकाको न्यूयोर्कमा सम्पन्न हिरोल्ड काई अन्तर्राष्ट्रिय च्याम्पियनसिपमा स्वर्णपदक जितेका छन् ।
अमेरिकी गोसिन रियु मार्सल आर्ट एण्ड फिटनेश स्टुडियो डोजोबाट खेल्ने पहिलो नेपाली खेलाडी बनेका सुनिलले खुल्ला तौल समूहमा अमेरिकाकै राष्ट्रिय खेलाडी बर्नाड कोलोनेललाई पराजित गर्दै स्वर्ण जितेको सुनिललाई उद्धत गर्दै राष्ट्रिय खेलकुद परिषद्ले जनाएको छ ।
राष्ट्रिय कराँतेखेलाडी सुनिल लामा
११ औं दक्षिण एसियाली खेलकुद (साग) का स्वर्ण पदक विजेता समेत रहेका सुनिलसँगै अर्का नेपाली जनक सिंह खड्काले पनि प्रतिस्पर्र्धा गरेका थिए । लामाले प्रतियोगिताकै लागि करिव दुई महिना अघिबाट सोही डोजोबाट प्रशिक्षण गरेका थिए । आगामी मे १४ मा क्यानडाको मोन्टेरियलमा आयोजाना हुने मोन्टेरियल खुला कराते च्याम्पियनसिपमा पनि सहभागिता जनाउने सुनिलले जानकारी दिए ।
