6 years ago
July 30, 2019
काठमाडौं (हाम्रो खेलकुद)– नेपाल तेक्वान्दो संघले दोलखाको शैलुङ गाँउपालिकामा हाइ अल्टिच्युड ट्रेनिङ सेन्टर निर्माण गर्ने भएको छ । शैलुङ गाँउपालिकाकाले भोग चलनका लागि ५ रोपनी जग्गा उपलब्ध गराएसँगै तेक्वान्दो संघले अब ट्रेनिङ सेन्टरको गुरुयोजनमा जुट्ने जनाएको छ ।

बर्षायाम सकेपछि कामलाई तीब्रता दिने उल्लेख गर्दै तेक्वान्दो संघका महासचिव दीपराज गुरुङले निर्माण सुरु गरको तीन वर्षमा योजना सम्पन्न गर्ने लक्ष्य राखेको बताएका छन् । अग्लो भूमागको वातावरणमा प्रशिक्षण लिएका खेलाडीहरुको उर्जा शक्ति औसत खेलाडीको भन्दो उच्चे र उत्कृष्ट हुने भएकोले यस्ता तालिम केन्द्र आवश्यक रहेको औल्याउँदै तेक्वान्दो संघले यो प्रयास थालेको जनाएको छ ।
शैलुङ गाँउपालिकाका अध्यक्ष भरतप्रसाद दुलालले राजधानीमा मंगलबार आयोजित कार्यक्रममा तेक्वान्दो संघका अध्यक्ष प्रकाश शम्सेर राणालाई गाँउपालिकाका तर्फबाट भोग चलनका लागि चिठ्ठी हस्तान्तरण गरेका थिए । गाँउपालिकाको असार १० गते बसेको पाँचौं गाँउ सभाबाट सर्वसम्मतले तेक्वान्दो खेलको विकासका लागि ट्रेनिङ सेन्टर बनाउन जग्गा दिने निर्णय पास भएको अध्यक्ष दुलालले जानकारी दिए ।
शैलुङको वडा नं १ र ६ मा रहेको ५ रोपनी जग्गा तेक्वान्दो संघले भोग चलन गर्ने दुलालले जानकारी दिए । ‘स्थानिय निकायले जग्गा दिदा लालपूर्जा दिन नसकेपनि भोग चलनको लागि दिने अधिकार छ,’ अध्यक्ष दुलालले भने,‘ हामीले त्यसैका आधारमा जग्गा तेक्वान्दो संघलाई दिएका हौं ।’
संघले प्राप्त गरेको जग्गा समुन्द्री सतहबाट ३ हजार मिटर राष्ट्रिय खेलाडीहरुको विशेष तालिमका लागि ट्रेनिङ सेन्टर उपयेगी हुने विश्वास लिएको तेक्वान्दो संघले त्यहाँ उदीयमान खेलाडीलाई विशेष प्रशिक्षण, अन्य देशका खेलाडीका लागि पनि तालिम दिन सकिने, अन्तर्राष्ट्रिय स्तरको ट्रेनिङ सृन्टर बनाउन सक्ने लक्ष्य लिएको छ ।
तेक्वान्दो संघका महासचिव गुरुङले ट्रेनिङ सेन्टरका अलवा त्यस ठाँउमा होस्टल निर्माणको पनि लक्ष्य रहेको उल्लेख गर्दै भने,‘ त्यहाँ अन्य खेल कराते, बक्सिङ वा अन्य खेलको प्रशिक्षण गर्न पनि सकिनेछ ।’
ट्रेनिङ सेन्टर निर्माणका लागि आवश्यक श्रोत जुटाउने पहल तेक्वान्दो संघले लिने बताएको छ । त्यसका लागि संघले सरकार, स्थानिय निकाय, दातृ संस्था र अन्य सम्बन्धित निकायसँग समन्वय गर्ने बताएको छ ।
November 28, 2025
काठमाडौं (हाम्रो खेलकुद)- एसियाली खेलकुदकी रजत पदक विजेता एरिका गुरुङ इजिप्टमा जारी डब्लुकेएफ २७ औं कराते विश्व च्याम्पियनसिपको अन्तिम १६ मा प्रवेश गर्न सफल भएकी छिन्। महिला ६८ केजी माथि तौल समूहको पुल-७ मा रहेकी एरिका समूह उपविजेता बनेर प्रि-क्वाटरफाइनलमा प्रवेश गर्न सफल भएकी हुन्। उनले चिल्लीकी गोन्जालेज लाभिनलाई ५-१ को अन्तरमा पराजित गरिन्। त्यसअघिको […]
November 28, 2025
काठमाडौं (हाम्रो खेलकुद )- न्युजिल्यान्डमा भएको ‘उसु हिरोज’ प्रथम अन्तर्राष्ट्रिय आमन्त्रण उसु प्रतियोगितामा नेपालले ४ स्वर्ण जितेको छ । विजय सिन्जाली, पासाङ शेर्पा, निमा घर्ती मगर र जुनु स्याङ्बो लामाले स्वर्ण जितेको नेपाल उसु महासंघका उप–महासचिव राजीव महर्जनले जनाएका छन् ।
November 27, 2025
काठमाडौं (हाम्रो खेलकुद)- करातेकी खेलाडी सानुमाया थिङले इजिप्टमा आज सुरु हुने डब्लुकेएफ २७ औं कराते विश्व च्याम्पियनसिपमा एकल कातामा खेलेका सबै ३ प्रतिस्पर्धामा हार बेहोरेकी छिन् । पहिलो खेलमा सानुमाया कोलम्बियाकी खेलाडी मचादो भ्यालेन्टिना जापातासँग हारिन् । सानुमायाले ३६.१ र मचादोले ३८.८ स्कोर गरिन् । अर्को खेलमा सानुमाया आयोजक इजिप्टकी आया हेस्मामसँग ३९.४-३५.६ ले पराजित भइन् […]