default_image

3 years ago

December 1, 2020

करातेका गुरुचेलीबीच विवाहको तयारी

काठमाडौं (हाम्रो खेलकुद) – १३ औं दक्षिण एसियाली खेलकुद (साग) की स्वर्ण पदक विजेता करातेकी अनुपमा मगर बैवाहिक बन्धनमा बाधिने भएकी छिन् । अनुपमा र उनकै कराते प्रशिक्षक ध्रुबविक्रम मल्लको बुधबार विवाह हुन लागेको हो । लामो प्रेम सम्बन्धपछि परिवार, साथीभाई र शुभेच्छुकहरुको सल्लाहमा विवाह गर्न लागिएको मल्लले बताए । ‘धेरै वर्षसम्म पनि विवाह नगर्ने […]

75 views

0 Bookmark


काठमाडौं (हाम्रो खेलकुद) – १३ औं दक्षिण एसियाली खेलकुद (साग) की स्वर्ण पदक विजेता करातेकी अनुपमा मगर बैवाहिक बन्धनमा बाधिने भएकी छिन् । अनुपमा र उनकै कराते प्रशिक्षक ध्रुबविक्रम मल्लको बुधबार विवाह हुन लागेको हो ।

लामो प्रेम सम्बन्धपछि परिवार, साथीभाई र शुभेच्छुकहरुको सल्लाहमा विवाह गर्न लागिएको मल्लले बताए । ‘धेरै वर्षसम्म पनि विवाह नगर्ने विचारमा थिए । पछि परिस्थिति त्यस्तै बन्दै गयो,’ ५१ वर्षे मल्लले भने,‘धेरैलाई सफल खेलाडी बनाइस्। सहारा बनिस् अब आफ्नो पनि कोहि सहारा हुनुपर्छ भन्ने सल्लाह मलाई ठीकै लाग्यो । अनि हामी विवाह गर्ने निर्णयमा पुग्यौं ।’

सोमबार मेहन्दी कार्यक्रम भएको जनाउँदै मल्लले कारोनाका कारण सिमित व्यक्तिहरुको उपस्थितिमा हिन्दु परम्परा अनुसार विवाह गर्ने तयारी भएको जानकारी दिए । ३० वर्षे अनुपमा मल्ल अध्यक्ष रहेको बालाजु कराते डो एकेडेमीकी उत्पादन हुन् । सात वर्षदेखि उनी एकेडेमीकै होस्टलमा बस्दै आएकी छिन् ।

अनुपमा र चर्चित अल्ट्रा धाविका मिरा राई तत्कालिन माओवादी जन सेनाको क्यान्टोमेन्टबाट छनोट गरेर मल्लले काठमाडौं ल्याएका थिए । जन सेनाको सातै डिभिजनमा गएर खेलाडी खोज्ने क्रममा सिन्धुली क्याम्पबाट मैले अनुपमा र मिरालाई छनोट गरेको थिए, मल्लले स्मरण गरे,‘ अहिले दुवै आ आफ्नो क्षेत्रमा सफल भएका छन् । खुसी लाग्छ ।’

अनुपमा र मिराले सुरुमा एकेडेमीमा कराते प्रशिक्षण गरेका थिए । अनुपमाले करातेमै निरन्तरता दिइन भने मिरा अल्ट्राको सफल खेलाडी बनिन् । अहिले पनि अनुपमा, मिरा, अल्ट्रा धाविका सुनमाया बुढासहित ११ खेलाडी एकेडेमीमा नै बस्दै आएको मल्लले जानकारी दिए ।

अनुपमाले गत वर्ष नेपालमा भएको १ ३औं सागमा ६८ केजीमुनि इन्डोनेसियामा २०१८ मा भएको एसियाली खेलकुदकी कास्य पदक विजेता पाकिस्तानकी नर्गिसलाई ६–३ ले हराउँदै स्वर्णपदक जितेकी थिइन् ।

मल्ल २०१४ को इन्चोन एसियाड गेम्सका कास्य विजेता विमला तामाङकी समेत प्रशिक्षक हुन् । विमला पनि बालाजु कराते डो एकेडेमीकै उत्पादित खेलाडी हुन् । मल्ल २०६२÷६३ को जन आन्दोलनपछि गठन भएको गणतान्त्रिक खेलकुद महासंघका संस्थापक अध्यक्ष हुन् ।

तत्कालिन माओवादीको भातृ संगठनमा रुपमा रहेको उक्त महासंघले प्रथम राष्ट्रिय खेलकुद प्रतियोगिता समेत आयोजना गरेको थियो । पिएलएल स्पोर्टस क्लबको स्थापनाका लागि महत्वपूर्ण भूमिका खेलेका राष्ट्रिय खेलकुद परिषद् (राखेप) पूर्व कराते प्रशिक्षक अहिले भने राजनीति भन्दा टाढा छन् । उनले भने,‘ म अहिले बालाजु कराते एकेडेमीमा मात्र आबद्ध छु ।’

March 17, 2024

पलेसा प्यारालम्पिक गेम्सका लागि छनोट

काठमाडौं (हाम्रो खेलकुद)- पारा तेक्वान्दो खेलाडी पलेसा गोवर्धन यसै वर्ष फ्रान्समा हुने पेरिस प्यारालम्पिक गेम्सका लागि छनोट भएकी छन् । योसँगै पलेसाले लगातार दोस्रो पटक प्यारालम्पिक गेम्स खेल्ने भएकी छन्। चीनमा जारी पारा ओलम्पिकको एसियन छनोटमा पलेसाले के ४४ अन्तर्गत महिला ५७ केजीमुनी तौल समूहमा सोमबार स्वर्ण जित्दै प्यारालम्पिक गेम्समा स्थान पक्का गरेकी हुन् । […]

March 16, 2024

‘कराते उपलब्धि उदाहरणीय’ – सदस्य सचिव घिसिङ

काठमाडौं (हाम्रो खेलकुद)- राष्ट्रिय खेलकुद परिषद् (राखेप) का सदस्य सचिव टंकलाल घिसिङले निर्वाचन भएको एक वर्षको अवधिमा करातेले हासिल गरेको उपलब्धि खेल क्षेत्रका निम्ति उदाहरणीय भएको बताएका छन् । शुक्रबारदेखि मधेश प्रदेशको निजगढ सरु भएको भएको साधारण सभाको शनिबार उद्घाटन घिसिङले लामो समयदेखि विवादित करातेलाई गत वर्ष एकिकृत बनाउन आफूले निर्वाह गरेको भूमिकाप्रति करातेले न्याय […]

March 3, 2024

ओलम्पिक छनोटमा चन्द्रको जित

काठमाडौं (हाम्रो खेलकुद) – नेपाली बक्सर चन्द्रबहादुर थापाले ओलम्पिक छनोटमा विजयी सुरुवात गरेका छन् । इटालीको मिलानमा जारी छनोटको पुरुष ५१ केजीमा चन्द्रले ताजकिस्तानका साफिएभ मेहरोनलाई ३–२ को स्पिलिट डिसिजनको आधारमा हराउँदै अगाडि बढेका छन् । अर्को चरणमा चन्द्र्रले क्यानडाका खेलाडीसँग प्रतिस्पर्धा गर्ने नेपाल बक्सिङ संघका उपाध्यक्ष श्याम अवालेले जानकारी दिए । महिला छनोटको ५४ […]

Success

Thank you for your time.