काठमाडौं (हाम्रो खेलकुद) – प्रशिक्षक लक्ष्मण बहादुर ऐरले पारा तेक्वान्दोको इन्टरनेसनल कोच सर्टिफिकेट लाइसेन्स प्राप्त गरेका छन् ।
विश्व तेक्वान्दो महासंघको आयोजनामा माघ ३० देखि फागुन २ गते सम्म सञ्चालन भएको दसौं पारा तेक्वान्दो अनलाइनस इन्टरेसनल कोच सर्टिफिकेसन कोर्स (लेभव वान) मा ऐर लाइसेन्स लिन सफल भएका हुन् । नेपालमा लेभल वान कोर्ष पूरा गर्ने ऐर चौथो प्रशिक्षक हुन् ।
यसअघि असोजमा कविराज नेगी लामा, आयशा शाक्य र विकेश विडारीले लेभव वान उर्तिण गरेका थिए । केहि महिना अघि लामाले भने लेभव टु उर्तिण गरेका थिए ।
ऐरका अनुसार ३ दिनसम्म हरेक दिन ३ घन्टाको कोर्षपछि १०० पुर्णाङ्क परिक्षा लिइएको थियो । जसमा ७० अंक ल्याउनेमात्र उर्तिण हुन्छन् । लेभव वान कोर्ष पूरा गर्ने प्रशिक्षकले पारा तेक्वान्दोको जी टु प्रतियोगितामा प्रशिक्षण दिन पाउनेछन् ।
नेपाल पुलिस क्लबका खेलाडी तथा प्रशिक्षक समेत रहेका ऐरको नेतृत्वमा कोभिडका कारण दर्जन बढी अन्तर्राष्ट्रिय अनलाइन पुम्से च्याम्पिनसिप आयोजना हुँदा पुलिसका खेलाडीले पटक पटक सफलता हासिल गरेका थिए ।
