नेपालगन्ज (हाम्रो खेलकुद) – आठौं राष्ट्रिय खेलकुदअन्तर्गत १८ औं राष्ट्रिय हक्कीको पुरुषमा नेपाल पुलिस क्लब समूह ‘ए’ को विजेता हुँदै आइतबार सेमिफाइनलमा प्रवेश गरेका छ ।

हक्कीमा पहिलो पटक सहभागी पुलिसले डिफेन्डिङ च्याम्पियन नेपाल आर्मीलाई २–१ गोलले पराजित गर्यो । विजेताका मनोज चौधरी र सागर आचार्यले गोल गरे । आर्मीका दीपेन्द्र ऐरले १ गोल फर्काए ।

समूह ‘बी’ बाट प्रदेश ७ उपविजेताका हैसियतले सेमिफाइनलमा पुगेको छ । प्रदेश ७ ले प्रदेश १ लाई ३–१ गोलले हरायो । विजयी टिमका लागि दीपकराज जोशीले २ तथा सुमितकुमार कामीले १ गोल गरे । प्रदेश १ का मनीष मगरले १ गोल फर्काए । गण्डकी प्रदेशले प्रदेश ३ लाई २–० ले हराउदा प्रेम विक र प्रदीप नेपालीले १–१ गोल योगदान गरे । यो समूहबाट प्रदेश ५ विजेतका रुपमा सेमिफाइनलमा पुगिसकेको छ ।

महिलातर्फ सुदुरपश्चिम प्रदेश सेमिफाईनलमा प्रवेश गरेको छ । आईतवार भएको लिग खेलमा मिलिमा पाण्डे र तनु गुरुङको ह्याट्रिक गोलको मद्दतमा सुदुरपश्चिम प्रदेशले प्रदेश ३ माथी १०–० गोलको सहज जित निकाले पछि समूह ए बाट सुदुरपश्चिम र आर्मी सेमिफाईनलमा प्रवेश गरेका छन् । मिलिमाले १७औं,३४औं,३६औं र ५८औं मिनेटमा ४ गोल गरिन भने तनु गुरुङले २१औं,३१औं र ४५औं मिनेटमा गोल गदै ह्याट्रिक पुरा गरेकी थिईन् । दमरा भट्टले १२औ मिनेटमा गोल गदै टिमलाई अग्रता दिलाएकी थिईन् भने ३४ औं मिनेटमा दोश्रो गोल गरेकी थिईन् । खेलको ५५औं मिनेटमा सुनिता नेगीले पनि एक गोल थपेकी थिईन् ।

समूह ए मा रहेको प्रदेश ३ लिग चरणका दुवै खेलमा पराजित भएको पछि प्रतियोगिताबाट बाहिरिएको छ । सोमवार हुने सुदुरपश्चिम र आर्मीबीचको खेलबाट समूह बिजेताको छिनोफानो हुने छ । खजुराको सुक्रमावि मैदानमा भएको समूह बीको लिग खेलमा गण्डकी प्रदेशले बिजयी शुरुवात गरेको छ ।

मिना परियारको २ गोलको सहयोगले गण्डकीले प्रदेश १ लाई ४–० गोलले हरायो । गण्डकीका लागि मिनाले २९औं र ४३ औं मिनेटमा गोल गर्दा देविका बिक ४०औं मिनेट र कमला रानाले ४५औं मिनेटमा एक–एक गोलको योगदान दिए । सोमवार प्रदेश २ र गण्डकी प्रदेश तथा आर्मी र सुदूरपश्चिमबीच अन्तिम लिग खेल हुने छ ।