2 years ago
December 20, 2021
काठमाडौं (हाम्रो खेलकुद) – बंगलादेशमा आयोजना हुन लागेको एभिसी एसियन सेन्ट्रल जोन महिला तथा पुरुष भलिबल च्याम्पियनसिपको खेल तालिका सार्वजनिक भएको छ । बंगलादेश भलिबल फेडेरेसनले आइतबार महिला तथा पुरुष टोलीको खेल तालिका सार्वजनिक गरेको हो । सार्वजनिक भएको खेल तालिका अनुसार नेपाली महिला टोलीले २३ डिसेम्वरमा श्रीलंकासँग खेल्दै च्याम्पियनसिपको सुरुवात गर्नेछ । सोही दिन […]
काठमाडौं (हाम्रो खेलकुद) – बंगलादेशमा आयोजना हुन लागेको एभिसी एसियन सेन्ट्रल जोन महिला तथा पुरुष भलिबल च्याम्पियनसिपको खेल तालिका सार्वजनिक भएको छ ।
बंगलादेश भलिबल फेडेरेसनले आइतबार महिला तथा पुरुष टोलीको खेल तालिका सार्वजनिक गरेको हो । सार्वजनिक भएको खेल तालिका अनुसार नेपाली महिला टोलीले २३ डिसेम्वरमा श्रीलंकासँग खेल्दै च्याम्पियनसिपको सुरुवात गर्नेछ । सोही दिन पुरुष टोलीले उज्वेकिस्तानसँग खेल्दै च्याम्पियनसिपको सुरुवात गर्नेछ । २४ डिसेम्वरमा महिला टोलीले माल्दिभ्ससँग खेल्नेछ । सोही दिन पुरुष टोलीले बंगलादेशसँग खेल्नेछ ।
२५ डिसेम्वरमा महिला टोलीले बंगलादेशसँग तथा पुरुष टोलीले माल्दिभ्ससँग खेल्नेछ । २६ डिसेम्वरमा महिला टोलीले उज्वेकिस्तानसँग प्रतिस्पर्धा गर्दा पुरुष टोलीले लिग चरणको अन्तिम खेलमा श्रीलंकासँग खेल्नेछ । महिला टोलीले लिग चरणको अन्तिम खेलमा २७ डिसेम्वरमा किर्गिस्तानसँग खेल्नेछ ।
लिगकम नकआउट चरणपछि पुरुष र महिलामा शीर्ष दुई टोलीले फाइनल खेल्नेछ । तेस्रो र चौथोले २८ डिसेम्वरमा तेस्रो र चौथो स्थानको लागि खेल्नेछ । पुरुष र महिलाको फाइनल २९ डिसेम्वरमा हुनेछ ।
च्याम्पियनसिपमा महिलातर्फ आयोजक बंगलादेश र नेपालसँगै श्रीलंका, किर्गिस्तान, उज्वेकिस्तान र माल्दिभ्सको सहभागिता रहेको छ । पुरुषतर्फ आयोजक बंगलादेशसँगै उज्वेकिस्तान, श्रीलंका, माल्दिभ्स र नेपालको सहभागिता रहेको छ ।
सेन्ट्रल जोनको लागि नेपाल भलिबल संघले आइतबार महिला तथा पुरुष दुवै टोलीलाई बिदाई गरेको छ । टोली सोमबार त्यसतर्फ प्रस्थान गर्नेछ । टोलीमा नेपालबाट निर्णायकमा छनोट भएका एसियन रेफ्री क्यान्डिडेट विजय केसी र पुर्ण प्रसाद चौलागाई पनि त्यसतर्फ प्रस्थान गर्नेछ ।
यसअघि नेपाल भलिबल संघले गत साता महिला र पुरुषको अन्तिम १२ सदस्यीय टोली घोषणा गरेको थियो । पुरुष टोलीमा मानबहादुर श्रेष्ठ, भैरव बम र विनोद चन्दले पूनरागमन गरेका छन् । महिला टोलीमा कृपा अधिकारी र मनिषा चौधरीले पूनरागमन गर्दा कामना विष्ट, शान्ति थारु र लक्ष्मी चन्दले पहिलोपटक टोलीमा स्थान बनाएका छन् ।
१२ सदस्यीय पुरुष टोलीः
इम बहादुर राना, हरि हजुर थापा, मानबहादुर श्रेष्ठ, धनबहादुर भट्ट क्षेत्री, राजेन्द्र विष्ट, टेकराज अवस्थी, हरि बहादुर अधिकारी, दुर्गा बहादुर खड्का, भैरव बम, विशाल विक, सरन सामरी क्षेत्री र विनोद चन्द
महिला भलिबलको अन्तिम टोली
प्रतिभा माली, सरस्वती चौधरी, शान्ति थारु, उषा भण्डारी, साफिया पुन, सुनिता खड्का, मनिषा चौधरी, कामना विष्ट, लक्ष्मी चन्द, सलिना श्रेष्ठ, अरुणा शाही र कृपा अधिकारी
May 1, 2024
ललितपुर (हाम्रो खेलकुद)- नेपाल च्याम्पियन फिडे मास्टर रुपेश जैसवालले नवौं गणेशमान सिंह स्मृति राष्ट्रिय रेटिङ बुद्धिचाल प्रतियोगिताको उपाधि जितेका छन्। रुपेशले बुधबार फाइनलमा क्याण्डिडेट मास्टर मिलन लामासंगको क्लासिकलतर्फको पहिलो र दोस्रो खेल बराबरी खेलेका थिए। क्लासिकलमा १/१ को बराबरीले नतिजा नआएपछि खेल ट्राइबेकरमा धकेलिएको थियो। द्रुतगतिको ५/५ मिनेटको खेलमा सेतो र कालो गोटीको दुबै खेलका […]
May 1, 2024
हिमाल खरेल,मोरङ ओलम्पियन रियुनियन (पुनर्मिलन) तथा सेलिब्रेटी खेलाडी भेटमा सहभागी हुन ओलम्पिक खेलाडीहरू मोरङको विराटचोक आइपुगेका छन् । कोशी प्रदेशका विभिन्न सहरमा हुने चार दिने ओलम्पियन पुनर्मिलन कार्यक्रममा सहभागी जनाउन अस्ट्रिया, मलेसियाका साथै नेपालका खेलाडीहरु ओलम्पियन कार्यक्रमस्थल आइपुगेका हुन् । विराटनगर विमानस्थलमा बुधबार दिउँसो कोशी प्रदेश खेलकुद विकास बोर्डकी उपाध्यक्ष बिन्दिया कार्कीले ८ जना ओलम्पियनलाई […]
April 30, 2024
काठमाडौं (हाम्रो खेलकुद)– एनआरएस स्पोर्टस फाउन्डेसनको आयोजनामा दोस्रो योर पेस किप फिट सक्र्रिट यसै साताबाट सुरु हुने भएको छ । एनआरएस फाउन्डेसनका अध्यक्ष निलेन्द्रराज श्रेष्ठले स्वस्थ रहनका लागि दौड आवश्यक रहेको निष्कर्ष निकाल्दै नयाँ पुस्तालाई प्रेरित गर्न प्रशिक्षण सुरु गरिएको बताइएको छ । बिहीबारबाट सुरु हुने प्रशिक्षण जेठ १४ गते सम्म सन्चालन हुने मंगलबार पत्रकार […]