2 years ago
January 31, 2022
काठमाडौं (हाम्रो खेलकुद) – राष्ट्रिय भलिबल टोली र एपिएफकी स्पाइकर सरस्वती चौधरीको बायाँ घुँडाको सोमबार शल्यक्रिया भएको छ । सशस्त्र प्रहरी बलको बलम्बुस्थित अस्पतालमा उनको घुँडाको शल्यक्रिया भएको हो । सर्जिकल अर्थोपेडिक विभागका डा. शैलेन्द्र श्रेष्ठ, डा. प्रविण नेपाल, डा. उमेश कार्की, डा. नेत्र कार्की, डा. समिर केसी तथा एनसथेसिया विभाग डा.सुरेन्द्रमान श्रेष्ठ , डा. […]
काठमाडौं (हाम्रो खेलकुद) – राष्ट्रिय भलिबल टोली र एपिएफकी स्पाइकर सरस्वती चौधरीको बायाँ घुँडाको सोमबार शल्यक्रिया भएको छ । सशस्त्र प्रहरी बलको बलम्बुस्थित अस्पतालमा उनको घुँडाको शल्यक्रिया भएको हो ।
सर्जिकल अर्थोपेडिक विभागका डा. शैलेन्द्र श्रेष्ठ, डा. प्रविण नेपाल, डा. उमेश कार्की, डा. नेत्र कार्की, डा. समिर केसी तथा एनसथेसिया विभाग डा.सुरेन्द्रमान श्रेष्ठ , डा. पुन्डु श्रेष्ठ, डा. शोभा डंगोलको चिकित्सक टोलीले उनको घुँडाको शल्यक्रियामा सामेल थिए ।
दुर्बिनबाट उनको घुँडाको शल्यक्रिया गर्न झण्डै एक घन्टा लागेको जानकारी दिदै डाक्टर शैलेन्द्र श्रेष्ठले भने,‘ शल्यक्रिया राम्रो भएको छ । पुरानो चोट रहेछ । २-३ महिना टेक्न मिल्दैन । कोर्टमै फर्कन भने ६ देखि ९ महिना लाग्न सक्छ ।’
सरस्वती घुँडाको फिजियो भने मंगलबारबाट सुरु हुने डा. श्रेष्ठले जानकारी दिए । ३ महिनापछि ग्राउन्ड रिहाब सुरु हुन्छ । पूरा ठिक हुन ९ महिना जति लाग्न सक्छ, चोट कसरी हिल हुन्छ त्यसमा पनि भरपर्छ, उनले भने, खेलाडी कोर्ट फर्कन सक्ने भएपछि मात्र त्यसलाई पूर्ण रुपमा शल्यक्रिया सफल भएको मान्नु ठिक होला ।’
गत महिना बंगलादेशमा भएको एभिसी सेन्ट्रल जोनको फाइनलका खेल्ने क्रममा चोट लागेको सरस्वतीले बताइएकी थिइन् । बंगलादेशबाट फर्केपछि उनले पुष २६ देखि माघ १ गते सम्म पोखरामा भएको टाइगर कप भलिबलमा भाग लिएकी थिइन् । एपिएफलाई टाइगर कपमा पहिलो पटक च्याम्पियन बनाउन महत्वपूर्ण भूमिका निर्वाह गरेकी उनी सर्वोत्कृष्ट खेलाडी समेत चुनिएकी थिइन् ।
सरस्वती राष्ट्रिय टोली र एपिएफकी महत्त्वपूर्ण खेलाडी मध्येकी एक हुन् । महिला टोलीले प्राप्त गरेको पछिल्ला सबै सफलतामा सरस्वती टोलीको सदस्य रहँदै आएकी छिन् । १२ औं दक्षिण एसियाली खेलकुद (साग) मा कास्य पदक जित्दा र दुई वर्षअघि स्वदेशमा भएको १३ औं सागमा रजत पदक जित्दा उनी टोलीको सदस्य थिइन् । त्यस्तै दुई वर्षअघि र गत महिना नेपालले सेन्ट्रल जोन जित्दा पनि सरस्वती त्यसको सदस्य थिइन् ।
May 5, 2024
दिल तामाङ,सिड्नी नेपाली पुरुष राष्ट्रिय भलिबल टोलीका सदस्य विशाल बहादुर बिकले अस्ट्रेलियाको सिड्नी भलिबल लिग (एसभिएल) खेल्ने भएका छन् । ओपन स्पाइकर विशाल प्रो भलिबल एकेडेमीमा आबद्ध भएका छन् । यससँगै विशाल एसभिएल खेल्ने पहिलो नेपाली खेलाडी बनेका छन् । उनी दक्षिण एसियाली मुलुक भन्दा बाहिरका देशबाट खेल्ने दोस्रो नेपाली पुरुष खेलाडी हुनेछन् । यसअघि […]
May 4, 2024
ललितपुर (हाम्रो खेलकुद)- काठमाडौं महानगरपालिका र मध्यपुर थिमि नगरपालिका गोदावरी उपत्यका व्यापी अन्तर पालिका खुल्ला मेयर कप फुटबल प्रतियोगिताको सेमिफाइनलमा प्रवेश गरेका छन् । प्रस्तावित गोदावरी बहुउद्देश्यीय रङ्गशालाको झ्यालुन्टार मैदानमा भएको क्वाटरफाइनलमा कीर्तिपुर नगरपालिकालाई ५–४ गोल हराउँदै मध्यपुरले अन्तिम चारको पुगेको हो । मध्यपुरका लागि दिपक बासानले २ गोल गर्दा कप्तान यमन राजबाहाक, रोहन खड्गी […]
May 3, 2024
काठमाडौं (हाम्रो खेलकुद)- नयाँ खेलकुद नीति निर्माण तथा राष्ट्रिय खेलकुद विकास ऐन २०७७ संशोधनको लागि युवा तथा खेलकुद मन्त्रालयले बृहत छलफल र सुझाव संकलन कार्यक्रमको सुरूवात गरेको छ। छलफलको सुरूवातमा आज मन्त्रालयले राष्ट्रिय खेल संघका अध्यक्ष र महासचिवसँग सुझाव संकलन गरेको छ। जहाँ खेलकुदमा सरोकार राख्ने प्रमुख कडी संघका पदाधिकारीहरुको सहभागिता उल्लेख्य रहयो। ५० भन्दा […]