2 years ago
March 21, 2022
काठमाडौं (हाम्रो खेलकुद) – साविक विजेता समेत रहेको विभागीय टोली नेपाल एपिएफ क्लबले नेपालगन्जमा यसै साता सुरु हुने सगरमाथा सिमेन्ट प्रधानमन्त्री कप आमन्त्रण महिला भलिबल प्रतियोगितामा भाग नलिने भएको छ । नेपालगन्जको कभर्ड हलमा प्रधानमन्त्री कपको आठौं संस्करण बिहीबार सुरु हुँदैछ ।
मुख्य खेलाडी चोटका कारण टोली बाहिर र केही खेलाडी सशस्त्र प्रहरी बल (एपिएफ) कै आन्तरिक प्रशिक्षणमा रहनुपर्ने भएपनि यसपटक सहभागिता नजाउने एपिएफको भलिबल टोलीका व्यवस्थापक विजय केसीले हाम्रो खेलकुदलाई जानकारी गराए । एपिएफले सर्वाधिक ३ पटक प्रधानमन्त्री कप जितेको छ ।
टोलीकी महत्वपूर्ण खेलाडी सरस्वती चौधरीको गत माघमा बायाँ घुडाको शल्यक्रिया गरेको हुँदा ९ महिना कोर्ट बाहिर रहनेछिन् । गत पुसमा बंगलादेशमा सम्पन्न एभिसी सेन्ट्रल जोनको फाइनलका खेल्ने क्रममा चोट लागेका सरस्वतीलाई त्यसपछि २६ पुसदेखि माघ १ सम्म पोखरामा सम्पन्न टाइगर कप दौरान चोट बल्झिएपनि शल्यक्रिया नै गर्नुपरेको थियो ।
त्यस्तै टोलीकी महत्वपूर्ण मिडल ब्लकर उषा कुमारी विष्ट इन्ज्युरीका टाइगर कपपछि टोलीमा रहेका छैनन् । उनले गत फागुनमा झापाको दमकमा प्रतियोगिता खेल्न जानुअघि उषालाई चोट लागेको थियो । टोलीककी अर्को महत्वपुर्ण सदस्य निरुता ठगुन्ना पनि चोटबाट पूर्णरुपमा फिट छैनन् ।
यसवर्षको भोटेकोशी अध्यक्ष कप र टाइगर कप च्याम्पियन एपिएफले सरस्वती र उषाविना झापा र चितवनमा राष्ट्रिय स्तरको प्रतियोगिता खेल्दा दुवै प्रतियोगितामा चौथो भएको थियो । जुन महिला भलिबलमा एपिएफको दशकयताकै खराब प्रदर्शन थियो । बाँके जिल्ला भलिबल संघको आयोजनामा हुने प्रधानमन्त्री कप आमन्त्रण महिला भलिबल प्रतियोगिता चैत १० देखि १४ गते सम्म हुनेछ ।
गतवर्ष प्रतियोगितामा ५ टोलीको सहभागिता रहेको थियो । यसपटक आयोजकले सहभागी टोलीबारे कुनै जानकारी गराएको छैन । सातौं संस्करण सकिदा एपिएफले सर्वाधिक तीन तथा नेपाल पुलिस क्लब र भारतको रेलवे इण्डियाले समान दुईपटक उपाधि जितेका छन् ।
पहिलो संस्करण पुलिस, दोस्रोमा एपिएफ, तेस्रो र चौथोमा रेलवे इण्डिया, पाँचौमा एपिएफ, छैटौमा पुलिस र सातौंमा पुनः एपिएफ च्याम्पियन बनेको थियो ।प्रतियोगिताको किट पार्टनरको रुपमा अन्तर्राष्ट्रिय खेलकुद पोशाक ब्रान्ड युक्यानको नेपालस्थित आधिकारिक विक्रेता सिटिएल रहेको छ ।
यो पनि पढ्नुहोस् ।
May 6, 2024
हिमाल खरेल, बिर्तामोड प्रदेश खेलकुद विकास बोर्ड कोशीको सदस्य सचिवमा अदालतमार्फत पुनर्वहाली भएका कृष्ण बस्नेत (पर्शुराम) सँग मुख्यमन्त्री कार्यालयले स्पष्टीकरण माग गरेको छ । कोशीका मुख्यमन्त्री तथा सामाजिक विकासमन्त्री केदार कार्कीले बैशाख २३ गते बस्नेतलाई पत्र लेख्दै २४ घण्टाभित्र स्पष्टीकरण पेश गर्न आदेश दिएका छन् । बस्नेतलाई तत्कालीन भीम आचार्यको सरकारले २०७८ असोज २४ गते […]
May 6, 2024
पोखरा (हाम्रो खेलकुद) – सहारा क्लब पोखराले उत्कृष्ट खेलकुद संघ संस्था वा क्लबतर्फको अवार्ड पाउने भएको छ । नेपाल खेलकुद पत्रकार मन्च गण्डकीले आठौं पोखरा स्पोर्टस अवार्ड २०८० मा सहारालाई अवार्ड दिने निर्णय गरेको बताइएको छ । अवार्ड शुक्रबार हुँदैछ । अवार्डको छैटौं सस्करणसम्म यो विधामा खेल संघलाई मात्र प्रदान गरिदै आएकोमा सातौँ संस्करणबाट खेल […]
May 6, 2024
सुर्खेत (हाम्रो खेलकुद) – यसै साता आयोजना हुने प्रथम कर्णाली हाफ म्याराथनलाई केएल दुगड ग्रुपको उत्पादन ज्ञान खाद्यान्नले मुख्य प्रायोजन गर्ने भएको छ । हाफ म्याराथन शनिबार आयोजना हुँदैछ । केएल दुगड ग्रुपको सहकार्यसँगै अब ज्ञान कर्णाली हाफ म्याराथन नामाकरण हुने बताइएको छ । केएल दुगड ग्रुपको उत्पादन धारा तेल लामो समयदेखि नेपालगन्ज म्याराथनमा मुख्य […]