2 years ago
July 17, 2022
काठमाडौँ (हाम्रो खेलकुद) – राष्ट्रिय खेलकुद परिषद् (राखेप) ले १९ औं एसियाली खेलकुदको तयारीमा राखेको २३ खेलको पहिलो चरणको प्रशिक्षण सम्पन्न भएको छ । राखेपले जेठ २४ गते प्रशिक्षणको उद्घाटन गरेको थियो । पहिलो चरणको प्रशिक्षण शनिबार सम्पन्न भएको थियो । राखेपले एसियाली खेलकुदको लागि कबड्डी, कुस्ती, उसु, ह्यान्डबल, भारोत्तोलन, एथलेटिक्स, भलिबल, कराते, टेकवान्दो, टेबलटेनिस, […]
काठमाडौँ (हाम्रो खेलकुद) – राष्ट्रिय खेलकुद परिषद् (राखेप) ले १९ औं एसियाली खेलकुदको तयारीमा राखेको २३ खेलको पहिलो चरणको प्रशिक्षण सम्पन्न भएको छ । राखेपले जेठ २४ गते प्रशिक्षणको उद्घाटन गरेको थियो । पहिलो चरणको प्रशिक्षण शनिबार सम्पन्न भएको थियो ।
राखेपले एसियाली खेलकुदको लागि कबड्डी, कुस्ती, उसु, ह्यान्डबल, भारोत्तोलन, एथलेटिक्स, भलिबल, कराते, टेकवान्दो, टेबलटेनिस, क्रिकेट, फेन्सिङ, पौडी, बास्केटबल, फुटबल, सुटिङ, जुडो, गल्फ, ब्याडमिन्टन, साइक्लिङ, बक्सिङ, त्रिलाथन, आर्चरी गरि २३ खेलको प्रशिक्षन सञ्चालन गरेको थियो ।
जसमध्ये तेक्वान्दो, बक्सिङ, फुटबल, पौडी, ट्रायथलन, कुस्ती र सुटिङको बन्द प्रशिक्षण सातदोबाटोमा भएको थियो । दशरथ रंगशालामा एथलेटिक्स, उसु, भारोत्तोलन र थ्री वाई थ्री बास्केटबलको प्रशिक्षण भएको थियो । त्यस्तै, भलिबल तालिम त्रिपुरेश्वरस्थित राखेपको कभर्ड हलमा भएको थियो ।
गल्फ गोकर्णमा र जुडोको तालिम नयाँबजारस्थित बहुउद्देश्यीय मार्सल आर्ट सेन्टरमा भएको थियो । त्यस्तै कीर्तिपुरमा फेन्सिङ, लगनखेलमा ह्यान्डबल, कञ्चनपुरमा कबड्डी, लैनचौर टेबलटेनिस, एनएससीमा ब्याडमिन्टन र क्रिकेट कीर्तिपुरमा पहिलो चरणको प्रशिक्षण सम्पन्न भएको हो ।
दोस्रो चरणको प्रशिक्षण मिति तय भइनसकेको राखेपका राष्ट्रिय टोली तयारी समितिका संयोजक महेन्द्र राइले बताएका छन् । ‘ पहिलो चरणको प्रशिक्षणका लागि हामीले ४० दिनको समय छुट्टाएका थियौं । त्यो सम्पन्न भएको छ,उनले भने,‘ दोस्रो चरणको प्रशिक्षण बारे भने राखेप सदस्य सचिव टङ्कलाल घिसिङ र हाइ पर्फमेन्स समितिसँगको छलफलपछि टुंगो लाग्नेछ ।’ १९ औं एसियाली खेलकुद सेप्टेम्बरमा चीनमा हुने भनिएको थियो तर आयोजक देशमा कोभिड–१९ को सङ्क्रमण बढेपछि प्रतियोगिता स्थगित भएको थियो । एसियाली खेलकुदको नयाँ मिति तय गरिएको छैन ।
April 26, 2024
काठमाडौं (हाम्रो खेलकुद )- केएनपी नेरोलेक सातौ राष्ट्रिय महिला भलिबल प्रतियोगिताको तेस्रो दिन शुक्रबार लिग चरणका अन्तिम दुई हुँदैछन्। नेपाल पुलिस क्लब र त्रिभुवन आर्मी क्लबबीच पहिलो खेल दिउँसो १ः०० बजे सुरु हुनेछ। साविक विजेता चन्द्रागिरी नगरपालिका न्यु डायमण्ड महिला टिम र एपिएफबीच ३:०० बजे खेल हुनेछ। पुलिसले बिहीबार न्यु डायमण्डलाई हराएपछि प्रतियोगिता रोचक बनेको […]
April 25, 2024
काठमाडौं (हाम्रो खेलकुद)- भुवन नगरकोटी समग्रमा ७-अन्डर १ सय ९७ सहित ६ स्ट्रोकको अग्रता सहित सूर्य नेपाल काठमाडौं ओपनको तेस्रो दिन शीर्षस्थानमा रहेका छन्। आज भुवनले ५-अन्डर ६३ को उत्कृष्ट प्रदर्शन गर्दा दिनेश प्रजापतिलाई ६ स्ट्रोकले पछि पार्दै एकल अग्रता सहित उपाधि जित्ने संभावनालाई बलियो बनाएका छन्। भुवनले उत्कृष्ट दिनको सुरूवात सानदार गरे। पहिलो, दोस्रो, […]
April 25, 2024
काठमाडौं (हाम्रो खेलकुद) – साविक उपविजेता विभागीय नेपाल एपिएफ क्लबले सातौं केएनपी नेरोलेक राष्ट्रिय महिला भलिबल प्रतियोगितामा अर्काे विभागीय टोली त्रिभुवन आर्मी क्लबमाथि रोमाञ्चक जित निकाल्दै फाइनल पुग्ने सम्भावना बलियो बनाएको छ । एपिएफले आर्मीलाई ३–२ को सेटमा पराजित गर्दै फाइनल पुग्ने सम्भावना बलियो बनाएको हो । सुरुवाती दुई सेट जितेको एपिएफले त्यसपछि लगातार दुई […]