2 years ago
August 25, 2022
काठमाडौं (हाम्रो खेलकुद)– नेपाल भलिबल संघका सचिव मनबिर छन्त्यालले झण्डै दुई सातापछि हुने निर्वाचनमा महासचिवमा उम्मेदवारी दिने घोषणा गरेका छन् । सदस्य हुँदै बागमती प्रदेश सचिवको जिम्मेवारी सम्हालिरहेका छन्त्याल महासचिवमा उम्मेदवारी घोषणा गर्ने पहिलो बनेका छन् । केहि साता अघि उपाध्यक्ष निरोज मास्केले उम्मेदवारी घोषणा गर्दा छन्त्याल कार्यक्रम सञ्चालक थिए । त्यसका आधारमा पनि मास्के […]
काठमाडौं (हाम्रो खेलकुद)– नेपाल भलिबल संघका सचिव मनबिर छन्त्यालले झण्डै दुई सातापछि हुने निर्वाचनमा महासचिवमा उम्मेदवारी दिने घोषणा गरेका छन् ।
सदस्य हुँदै बागमती प्रदेश सचिवको जिम्मेवारी सम्हालिरहेका छन्त्याल महासचिवमा उम्मेदवारी घोषणा गर्ने पहिलो बनेका छन् । केहि साता अघि उपाध्यक्ष निरोज मास्केले उम्मेदवारी घोषणा गर्दा छन्त्याल कार्यक्रम सञ्चालक थिए । त्यसका आधारमा पनि मास्के र छन्त्याल एउटै प्यानलबाट निर्वाचन लड्ने तयारीमा रहेको धेरैको अनुमान छ ।
बिहीबार पत्रकार सम्मेलनमार्फत छन्त्यालले उम्मेदवारीको घोषणा गर्ने क्रममा भने, ‘एक पद एक ग्राउण्ड, एक रेफी एक प्रतियोगिता एक कोच एक टीम, भलिबलमा विगतका राम्रा हरेक गतिबिधिलाइ समेटदै पारदर्शिता निश्पक्ष, संस्थागत विकास, व्यवस्थापकीय सुधार, खेलको ब्याबशायीकरण विगतका दिनदेखि आजसम्म आइपुग्दा मेरो आज भलिबल सँग नङ्ग र मासुको सम्बन्ध जति छ त्यति नै सम्बन्ध रहेको छ ।’
ढोरपाटन महिला लिगका संस्थापक अध्यक्ष समेत रहेका छन्त्यालले आफू सानै उमेरदेखि भलिबल खेल्न थालेको स्मरण गर्दै अगाडि भनेका छने, त्यति बेला देखि नै ग्राउड बनाउने खेल आयोजना गर्न एवम हाइ स्कुल हुदै क्याम्पस पछि क्बल र त्यस पश्चात संघको सदस्य, सचिव सम्म आयपुग्दा भलिबल खेलको बारेमा कण कण अनुभव छ ।’
भलिबल खेललाई कसरी विकास गर्न सकिन्छ भन्ने बारे आफूसँग अनुभव रहेको जनाउँदै उनले भने, भलिबलले जुन तरिकाले गति लिइ राखेको छ त्यसमा मेरो पनि मिहिनेत परेको छ । जसमा टिकट सिस्टम, ब्याबसायिक ग्राउण्ड लिग सिस्टम, भलिबलमा नगद पुरस्कारको व्यवस्था मैले नै शुरु गरेको हो ।’
भलिबल संघको निर्वाचन भदौ २२ गते काठमाडौंमा हुँदैछ । अध्यक्षमा मास्के र महासचिवमा छन्त्यालबाहेकले अन्य कुनै व्यक्तिले औपचारिक रुपमा उम्मेदवारी घोषणा गरेका छैनन् । महिला भलिबल लिगमा ४५ वटा स्कुटीबाट खेलाडीलाई पुरस्कृत गरेको सम्झना गराउँदै छन्त्यालले आफूले खेल जीवनमा एउटा पुरुष बीच भलिबल २ वटा अन्तर्राष्ट्रिय पुरुष भलिबल प्रतियोगितामा भाग लिएको बताएका छन् । खेलाडी, रेफ्री, प्रशिक्षक, आयोजकसँगै भलिबलमा व्यवस्थापनको पनि आफूसँग अनुभव रहेको उनको दाबी छ ।
May 2, 2024
हिमाल खरेल,इटहरीतेस्रो ओलम्पियन्स रियुनियन (पुनर्मिलन) तथा सेलिब्रेटी खेलाडी भेट कार्यक्रमअन्तर्गत सुनसरीको इटहरीमा वाकाथन (पैदल यात्रा) सँगै स्वागत कार्यक्रम सम्पन्न भएको छ । कोशी प्रदेशको खेलकुदसँगै आन्तरिक पर्यटन प्रवर्धनका लागि ओलम्पिकमा सहभागिता जनाएका खेलाडी तथा खेलकुदका चर्चित अनुहारलाई पुनर्मिलन गराउने कार्यक्रमको सुरुवात कोशी प्रदेशका उद्योग, कृषि तथा सहकारीमन्त्री रामकुमार मन्त्री खत्रीले गरेका थिए । आज बिहीबार […]
May 1, 2024
ललितपुर (हाम्रो खेलकुद)- नेपाल च्याम्पियन फिडे मास्टर रुपेश जैसवालले नवौं गणेशमान सिंह स्मृति राष्ट्रिय रेटिङ बुद्धिचाल प्रतियोगिताको उपाधि जितेका छन्। रुपेशले बुधबार फाइनलमा क्याण्डिडेट मास्टर मिलन लामासंगको क्लासिकलतर्फको पहिलो र दोस्रो खेल बराबरी खेलेका थिए। क्लासिकलमा १/१ को बराबरीले नतिजा नआएपछि खेल ट्राइबेकरमा धकेलिएको थियो। द्रुतगतिको ५/५ मिनेटको खेलमा सेतो र कालो गोटीको दुबै खेलका […]
May 1, 2024
हिमाल खरेल,मोरङ ओलम्पियन रियुनियन (पुनर्मिलन) तथा सेलिब्रेटी खेलाडी भेटमा सहभागी हुन ओलम्पिक खेलाडीहरू मोरङको विराटचोक आइपुगेका छन् । कोशी प्रदेशका विभिन्न सहरमा हुने चार दिने ओलम्पियन पुनर्मिलन कार्यक्रममा सहभागी जनाउन अस्ट्रिया, मलेसियाका साथै नेपालका खेलाडीहरु ओलम्पियन कार्यक्रमस्थल आइपुगेका हुन् । विराटनगर विमानस्थलमा बुधबार दिउँसो कोशी प्रदेश खेलकुद विकास बोर्डकी उपाध्यक्ष बिन्दिया कार्कीले ८ जना ओलम्पियनलाई […]