दीपक बोहोरा, पाँचथर

गण्डकी प्रदेशमा अर्को हुने नवौं राष्ट्रिय खेलकुदको तयारीका क्रममा प्रदेशस्तरीय छनोटमा पाँचथरले १६ खेलमा प्रतिस्पर्धा गर्ने भएको छ । जिल्ला खेलकुद विकास समिति पाँचथरका अनुसार प्रदेश छनोटमा १६ खेलमा २ सय ६६ खेलाडीले प्रतिस्पर्धा गर्नेछन् ।

प्रदेश खेलकुद बोर्डले दिएको कोटा अनुसार फुटबल, भलिबल, एथलेटिक्स, बक्सिङ, तेक्वान्दो, कराते, टेबल–टेनिस, कबड्डी , कुस्ती, ब्याडमिन्टन, उसु, जुडो, , बुद्धिचाल, आईटीएफ तेक्वान्दो, रग्बी खेलका लागि खेलाडी छनोट गरिएको जिल्ला खेलकुद विकास समिति पाँचथरका अध्यक्ष सन्तोष मोक्तानले जानकारी दिए ।

पाँचथरबाट पुरुष र महिला फुटबलको लागी समान १६ जना, पुरुष र महिला भलिबलको लागी समान ९ ,कबड्डी खेलका लागि महिला र पुरुषको टोलीका लागि समान ९ जना, कराते तर्फ पुरुष र महिला गरि २१ जना, तेक्वान्दाको महिला र पुरुषका समान ११ खेलाडीको कोटा दिएको छ ।

त्यस्तै उसु खेल तर्फ १० महिला र १३ पुरुष, एथलेटिक्स तर्फ १२ पुरुष र १० महिला, ब्याडमिन्टनमा ५ पुरुष र ३ महिला, टेबल–टेनिसमा ४ पुरुष र ३ महिला, बक्सिङमा महिला र पुरुष समान ८, चेसमा समान २, आईटीएफ तेक्वान्दोमा ११ पुरुष र १० महिला तथा जुडोमा २ पुरुष खेलाडी पठाउन भनिएको छ ।

कुस्तीमा महिला र पुरुषका समान १० खेलाडी, रग्बीमा समान १० खेलाडी तथा फुल कन्ट्याकमा ७ पुरुष र ५ महिला खेलाडी छनोट गरिएको खेलकुद विकास समिति पाँचथरका अध्यक्ष मोक्तानले जानकारी दिए । छनोटमा परेका खेलाडीलाई बन्द प्रशिक्षणमा राखिने अध्यक्ष मोक्तानले बताए । नवौं राष्ट्रिय खेलकुद गण्डकी प्रदेशमा असोज २८ देखि कात्तिक ३ सम्म सञ्चालन हुनेछ ।