default_image

1 year ago

January 23, 2023

टाइगर कपमा श्रीलंकन क्लबमाथि आर्मीको जित

112 views

0 Bookmark

पोखरा (हाम्रो खेलकुद)– तेस्रो टाइगर कप भलिबलको पुरुषतर्फ त्रिभुवन आर्मी क्लबले पहिलो जित निकालेको छ । साविक विजेता समेत रहेको आर्मीले श्रीलंकाको सेन्ट जोसेफ वाज स्पोर्टस क्लबलाई सोमबार ३–० ले हराउँदै प्रतियोगिताको पहिलो जित दर्ता गरेको हो ।

त्रिभुवन आर्मी क्लबको भलिबल टोली । फाइल तस्बिर

पोखरा रंगशालाको हाता भित्र रहेको भलिबल कोर्टमा आर्मीले सेन्ट जोसेफलाई २५–२०,२५–१७,२५–१० को सोझो सेटमा हराएको हो । गत साता एनभिए क्लब च्याम्पियनसिपमा दोस्रो स्थान हासिल गरेको आर्मी पहिलो दिन टाइगर कपमा अर्को विभागिय टोली नेपाल एपिएफ क्लबसँग ३–० को सोझो सेटमा पराजित भएको थियो ।

महिलातर्फ सोमबार भएको खेलमा घरेलु टोली गण्डकी प्रदेशमाथि ३–० को सोझो सेटमा जित निकाल्दै एपिएफले उपाधि रक्षाको यात्रा सुरु गरेको थियो । एकपक्षीय खेलमा एपिएफले गण्डकीलाई २५–११, २५–१९ र २५–१६ को जित हासिल गरेको थियो ।

टाइगर ग्रुप अफ पोखरा नेपालको आयोजनामा आइतबारदेखि सुरु भएको प्रतियोगितामा महिलातर्फ ४ र पुरुषतर्फ ५ टोलीको सहभागिता रहेको छ । महिलातर्फ एपिएफ, आर्मी, न्यु डायमण्ड र गण्डकी प्रदेश रहेका छन् ।

पुरुषतर्फ आर्मी, सेन्ट जोसेफ, एपिएफसहित नेपाल पुलिस क्लब, र गण्डकी प्रदेश छन् । पहिलो संस्करणमा पुरुषतर्फ गण्डकी र महिलामा पुलिस च्याम्पियन बनेको थियो । दोस्रो संस्करणमा महिलातर्फ एपिएफ र पुरुषतर्फ आर्मी च्याम्पियन टोली हो । महिलातर्फको साविक विजेता र पुरुषतर्फको उपविजेता टिप टप हेल्प नेपाल क्लबको यसपटक सहभागिता छैन ।

महिला–पुरुष दुवैतर्फ उपाधि विजेताले ५ लाख र उपविजेताले २ लाख ५० हजार प्राप्त गर्नेछन् । तेस्रोले १ लाख २५ हजार र सान्त्वना हुनेले ६५ हजार प्राप्त गर्नेछन् । हरेक दिनको खेलमा उत्कृष्ट खेलाडीले ५ हजार र ३ हजार रुपैयाँ बराबरको स्वास्थ्य परीक्षण सुविधा पाउने छन् । दुवै इभेन्ट्समा सर्वोत्कृष्ट खेलाडीले जनही २५ हजार तथा विधागततर्फका उत्कृष्टले समान १० हजार प्राप्त गर्नेछन् ।

May 27, 2024

एनभिए भलिबलको हाम्रो खेलकुदले प्रत्यक्ष प्रसारण गर्ने

काठमाडौं (हाम्रो खेलकुद) – नेपाल भलिबल संघको आयोजनामा शनिबार सुरु हुने आठौं प्रधानमन्त्री कप–एनभिए महिला तथा पुरुष भलिबल लिगको हाम्रो खेलकुदले प्रत्यक्ष प्रसारण गर्ने भएको छ । प्रत्यक्ष प्रसारणका लागि गत साता भलिबल संघका अध्यक्ष जीतेन्द्रबहादुर चन्द र हाम्रो खेलकुदका सम्पादक प्रकाश तिमल्सिनाले सम्झौता पत्रमा हस्ताक्षर गरेका थिए । गत चैतमा सम्पन्न आठौं आरबिबिएभिए भलिबल […]

May 26, 2024

जापानमा पर्वत कप पुरुष भलिबल च्याम्पियनसिप हुने

काठमाडौं । पर्वत समाज जापानकाे आयाेजनामा जापानमा आगामी साउन तेस्राे साता प्रथम पर्वत कप पुरुष भलिबल च्याम्पियनसिप २०२४ आयोजना हुने भएकाे छ । पर्वत समाज जापानले आगामी साउन १९ गते शनिबार (३ अगस्ट २०२४) प्रथम पर्वत कप पुरुष भलिबल च्याम्पियनसिप आयोजना गर्न लागेको जानकारी गराएको छ । प्रतियोगिता तोडा सिटी स्पोर्टस् सेन्टरमा हुनेछ । जापानमा […]

May 25, 2024

खानीखोलालाई बेथानचोक कप भलिबलको उपाधि

काभ्रेपलाञ्चोक (हाम्रो खेलकुद)- खानीखोला गाँउपालिकाले पाँचौं बेथानचोक कप जिल्ला स्तरीय आमन्त्रण पुरुष भलिबल प्रतियोगिताको उपाधि जितेको छ । बेथानचोक गाउँपालिका खेलकुद विकास समितिको आयोजनामा भएको प्रतियोगिताको शनिबार मण्डनदेउपुर नगरपालिकालाई हराउँदै खानी खोलाले उपाधि जितेको हो । खानीखोलालर ८० हजार, मण्डनले ५० हजार र संयुक्त रुपमा समान २० हजार रुपैयाँ प्राप्त गरे । ढुंखर्कस्थित पार्वती मा.वि.को […]

Success

Thank you for your time.