default_image

1 year ago

February 13, 2023

महिला भलिबल टोलीको प्रशिक्षकमा बेल्जियमका ब्रान्ट नियुक्त

172 views

0 Bookmark

काठमाडौं (हाम्रो खेलकुद) – बेल्जियन प्रशिक्षक जान डे ब्रान्ट नेपाली महिला राष्ट्रिय भलिबल टोलीको प्रशिक्षकमा नियुक्त भएका छन् । नेपाल भलिबल संघलाई प्राविधिक सहयोग गर्ने क्रममा अन्तर्राष्ट्रिय भलिबल महासंघले डे ब्रान्टलाई ६ महिनाका लागि नियुक्त गरेको संघका अध्यक्ष जितेन्द्रबहादुर चन्दले जानकारी दिए ।

‘सबै प्रक्रिया पूरा भएर डे ब्रान्ट नियुक्त हुनु भएको छ । उहाँ फागुनको दोस्रो सातासम्म आइपुग्ने सम्भावना छ,’ चन्दले भने,‘अहिलेको स्तरमा बृद्धि हुन्छ भन्ने अपेक्षाका साथ लामो समयका लागि प्रशिक्षक नियुक्त गर्ने हाम्रो उद्देश्य हो । त्यसै अनुसार महासंघलाई आग्रह गरेका थियौं, त्यहि अनुसार ६ महिनाको नियुक्त भएको छ ।’ पारिश्रमिक महासंघले तथा आन्तरिक खर्च भने संघले बेर्होने चन्दले बताए ।

संघको आयोजनामा २०८० जेठमा काभा महिला च्यालेन्ज कप भलिबल प्रतियोगिता आयोजना हुँदैछ । त्यसका लागि अर्को साताबाट नेपाली टोलीको प्रशिक्षण सुरु हुने भएको छ । यो ६ महिनाको अवधिमा ग्रान्टले महिला टोलीसँगै पुरुष टोलीलाई पनि प्रशिक्षण दिनेछ ।

६४ वर्षीय प्रशिक्षकले यसअघि युरोपमा विभिन्न क्लब टोलीको जिम्मेवारी सम्हालेका छन् । उनले पछिल्लो पटक सन् २०१८ मा टर्किस क्लब फेनेरबाचेको जिम्मेवारी सम्हालेका थिए । सन् २०१५ मा उनले हंगेरीलाई महिला युरोपेली भलिबल लिगको उपाधि दिलाएका थिए । त्यसबाहेक उनले टर्कीको घरेलु भलिबलमा पनि सफलता हासिल गरेका छन् ।

झन्डै २ दशक सक्रिय खेलाडीको रुपमा बिताएका ब्रान्ट त्यसयता भने प्रशिक्षणमा होमिएका थिए । उनले बेल्जियमको राष्ट्रिय महिला टोलीलाई पनि हेरेका थिए ।

June 14, 2024

सुटिङकी सुष्मिताले पेरिस ओलम्पिक खेल्ने

काठमाडौं (हाम्रो खेलकुद)– सुटिङ खेलाडी सुष्मिता नेपालले पेरिस ओलम्पिक २०२४ मा भाग लिने निश्चित भएको छ । नेपाल ओलम्पिक कमिटी (एनओसी) का अनुसार पेरिस ओलम्पिकका लागि सुष्मिताको वाल्र्ड कार्डमार्फत खेल्ने भएकी हुन् । छनोट चरण पार गर्न नसक्ने देशका खेलाडीका लागि वाल्र्ड कार्डमार्फत सहभागी गराइन्छ । योसँगै यसपटक पेरिस ओलम्पिकमा भाग लिने नेपाली खेलाडीको संख्या […]

June 11, 2024

अन्नपूर्ण फ्रेण्डसिप बुद्धिचाल सम्पन्न

काठमाडौं (हाम्रो खेलकुद)- अन्नपूर्ण माध्यामिक विद्यालयको आयोजनामा १९ औं अन्नपूर्ण फ्रेण्डसिप बुद्धिचाल प्रतियोगिता सम्पन्न भएको छ। प्रतिस्पर्धामा २५ वटा विद्यालयका कूल ३ सय ५४ जना विद्यार्थीहरुको सहभागिता रहेको छ। बृहत् विद्यालय स्तरीय बुद्धिचाल प्रतियोगितामा युवा-९, युवा -११, युवा-१३ र युवा -१३ वर्ष माथिका खेलाडीहरुले उ खेल प्रदर्शन गरेका छन्। छात्र तथा छात्रा खेलाडीबीच ८ विधामा […]

June 10, 2024

अष्ट्रेलियामा स्यान्टुलाई टेबल टेनिस उपाधि

काठमाडौं (हाम्रो खेलकुद)- पेरिस ओलम्पिकका लागि छनोट भइसकेका टेबल टेनिस खेलाडी स्यान्टु श्रेष्ठले अष्ट्रेलियामा मेलवर्न मेट्रोपोलिटियन ओपन च्याम्पियनसिपको उपाधि जितेका छन् । कोवर्ग टेबल टेनिस बाट खेलेका स्यान्टुले सोमबार भएको फाइनलमा चाइ हङ एलेक्सलाई ४-२ ले हराएका छन् । स्यान्टु ४-११,११-६,८-११,१२-१०,११-५,११-७ ले खेल जितेका हुन्। त्यसअघि सेमिफाइनलमा उनले एन्स्टी जाचेरीलाई ३-० ले हराएको थिए। त्यसअघि […]

Success

Thank you for your time.