12 months ago
May 23, 2023
हिमाल खरेल, बिर्तामोड
सामाजिक मन्त्रालयले प्रदेश खेलकुद विकास बोर्डको बैंक खाता बन्द गरेपछि कोशीका खेलाडी, खेल संघ तथा पदाधिकारीहरुले सञ्चालनको माग गरेका छन् । आज विराटनगर पुगेर उनीहरुले मन्त्रालय पुगेर रोक्का रहेको खाता चाँडै सुरु गर्न माग गरेका हुन् ।
प्रदेश सरकारले बोर्डका सदस्य सचिव हंशराज वाग्लेलाई स्पष्टीकरण सोध्दै प्रभु बैंकमा रहेको बोर्डको खाता पनि रोक्का गरेको छ । वाग्लेलाई बर्खास्त गरिए पनि उच्च अदालत मोरङले पुनर्बहाली गर्न आदेश दिइसकेको छ ।
बोर्डको खाता रोक्का हुँदा बोर्डले यसअघि नै निर्णय गरेका एक दर्जन प्रतियोगिता अन्योलमा परेका छन् । सामाजिक विकास मन्त्रालयले खाता बन्द गर्दा गत फागुन १६ गते सम्पन्न भद्रपुर झापा गोल्डकपको रकम पनि उपलब्ध हुन सकेको छैन । त्यस्तै, हुन बाँकी प्रतियोगिता पनि अन्योलमा परेका छन् ।
खेलाडीलगायत विभिन्न खेलाडी आबद्ध संघसंस्थाका प्रतिनिधि सामाजिक विकास मन्त्रालय पुगेर घेराउ गरी तत्काल खाता सुरु गर्न माग गरेका हुन् । सदस्य सचिवले गल्ती गरेको बहानामा हुन बाँकी प्रतियोगिता अन्योलमा पार्न नहुने झापा जिल्ला खेलुकद विकास समितिका अध्यक्ष प्रशान्त भण्डारीले बताए ।
बैंक खाता बन्द भएपछि बैशाखदेखि असार पहिलो सातासम्म सञ्चालन हुने विभिन्न खेलका १३ वटा प्रतियोगिताका लागि विनियोजन भइसकेको रकम रोकिएको छ । बाँकी रहेको प्रतियोगिताका लागि झन्डै दुई करोड रुपैयाँ विनियोजन भइसकेको छ ।
May 12, 2024
काठमाडौं (हाम्रो खेलकुद)– दक्षिण एसियाली खेलकुद (साग) को १३ औं संस्करणका पदक विजेता ३ खेलाडीले भियतनाममा आयोजना हुने आठौं एसियन पुम्से तेक्वान्दोमा प्रतियोगितामा भाग लिने भएका छन् । एसियाली खेलकुदकी कास्य पदक विजेता समेत रहिसकेकी आयशा शाक्यले एसियन पुम्सेलमा ४० वर्ष मुनीको उमेर समूहको व्यक्तिगत पुम्सेमा प्रतिस्पर्धा गर्नेछिन् । विश्व तेक्वान्दो तथा एसियन तेक्वान्दो युनियनको […]
May 11, 2024
सुर्खेत (हाम्रो खेलकुद)- एपिएफकी पुष्पा भण्डारी र त्रिभुवन आर्मी क्लबका नरेन्द्रसिंह रावतले प्रथम ज्ञान खाद्यान्न कर्णाली हाफ म्याराथनको उपाधि जितेका छन् । शनिबार कर्णाली प्रदेशको राजधानी वीरेन्द्रनगर(सुर्खेत)मा आयोजित कर्णाली हाफ म्याराथनमा पुष्पाले १ घण्टा २८ मिनेट १७ सेकेन्डमा दुरी पूरा गरी प्रथम भएकी हुन् । नरेन्द्रले एक घण्टा ११ मिनेट २५ सेकेन्डमा निर्धारित २१.०९५ किलोमिटर […]
May 10, 2024
पोखरा (हाम्रो खेलकुद) – आइटिएफकी तेक्वान्दोकी सुष्मिता थापा मगर र क्रिकेटमा अर्जुन कुमाल पोखरा स्पोर्टस अवार्डको वर्ष खेलाडी घोषित भएका छन् । नेपाल खेलकुद पत्रकार मञ्च गण्डकीले आयोजना शुक्रबार भएको आठौं पोखरा स्पोर्ट्स अवार्ड २०८० मा सुष्मिता र अर्जुन वर्षको उ्रत्कृष्ट चुनिएका हुन् । उत्कृष्ट महिला विधामा आर्चरीकी अनुस्का शेरचन, भलिबलकी अरुणा शाही मनोनयनमा थिए […]