default_image

11 months ago

May 25, 2023

पोखरामा ओलम्पियन पूर्नमिलन र सम्मान हुने

काठमाडौं (हाम्रो खेलकुद) – नेपाल ओलम्पियन संघले अर्को साता पोखरामा दोस्रो ओलम्पियन पूर्नमिलन तथा ओलम्पियन सम्मान कार्यक्रम आयोजना गर्ने भएको छ । पोखरा महानगरपालिकाको खेलकद विकास समिति र राष्ट्रिय तथा अन्तर्राष्ट्रिय खेलाडी संघ, कास्कीको संयोजनमा जेठ १९ देखि २१ गते सम्म पूर्नमिलन तथा सम्मानलगायत विभिन्न कार्यक्रम आयोजना गर्ने संघका महासचिव राजेन्द्र भण्डारीले बिहीबार प्रेस विज्ञप्तीमार्फत […]

151 views

0 Bookmark

काठमाडौं (हाम्रो खेलकुद) – नेपाल ओलम्पियन संघले अर्को साता पोखरामा दोस्रो ओलम्पियन पूर्नमिलन तथा ओलम्पियन सम्मान कार्यक्रम आयोजना गर्ने भएको छ ।

पोखरा महानगरपालिकाको खेलकद विकास समिति र राष्ट्रिय तथा अन्तर्राष्ट्रिय खेलाडी संघ, कास्कीको संयोजनमा जेठ १९ देखि २१ गते सम्म पूर्नमिलन तथा सम्मानलगायत विभिन्न कार्यक्रम आयोजना गर्ने संघका महासचिव राजेन्द्र भण्डारीले बिहीबार प्रेस विज्ञप्तीमार्फत जानकारी गराएका छन् ।

संघको आयोजनामा पहिलो ओलम्पियन पूर्नमिलन तथा सम्मान कार्यक्रम गत वर्ष असारमा काठमाडौंमा भएको थियो । उपत्यका बाहिर पनि कार्यक्रम आयोजना गर्ने उद्देश्य अनुरुप यसपटक पोखरामा आयोजना गर्न लागिएको संघले जनाएको छ ।
जेठ १९ गते ओलम्पियनहरु पोखरा पुग्ने तथा जेठ २० गते बिहान प्रभात फेरी र सोही साँझ गण्डकी प्रदेशका मुख्यमन्त्री सुरेन्द्रराज पाण्डेको मुख्य आतिथ्यतामा पूर्नमिलन तथा सम्मान कार्यक्रम हुने बताइएको छ ।

जेठ २१ गते गण्डकी प्रदेशका खेलाडी, खेलकर्मी तथा खेलप्रेमीहरुसँग ओलम्पियनहरुको अन्तरक्रिया कार्यक्रम समेत राखिएको संघले जनाएको छ । सन् १९६४ देखि २०२० सम्म भएको ओलिम्पिकमा देशको प्रतिनिधित्व गर्ने ओलम्पियनहरुलाई एकै थलोमा सहभागी गराउन कार्यक्रम आयोजना गरिएको विज्ञप्तीमा उल्लेख छ ।

नेपालले पहिलो पटक सन् १९६४ मा जापानको टोकियो ओलम्पिकबाट औपचारिक रुपमा ओलम्पिकमा सहभागिताता जनाउन सुरु गरेको र झण्डै ६ दशकको अन्तरालमा ९० जना नेपाली खेलाडीले ग्रिष्म (८८ जना) र शितकालिन ओलम्पिक (२ जना) मा सहभागिता जनाएको जनाएको छ । त्यसमध्ये १० जना स्वर्गिय भइसकेको र केहि ओलम्पियन विदेशमा रहेकाले झन्डै ५० जना ओलम्पियनको यसपटक सहभागिता रहने विश्वास संघले राखेको छ ।

सर्भिस टु सोसाइटी, सर्भिस टु ओलम्पियन भन्ने नाराका साथ विश्व ओलम्पियन महासंघको स्थापना भएको उल्लेख गर्दै विज्ञप्तीमा भनिएको छ, सोही महासंघमा आबद्ध रहि नेपालमा नेपाल ओलम्पियन्स संघको गठन भएको थियो । खेल जीवनपछि पनि विभिन्न कार्यक्रममार्फत सामाजिक काममा आबद्ध हुन ओलम्पियनहरुलाई अभिप्ररित गर्ने उद्देश्यका साथ पूर्नमिलनलगायत अन्य कार्यक्रमको आयोजना गर्न लागिएको हो ।

कार्यक्रममा विश्व ओलम्पियन महासंघका प्रतिनिधिको सहभागिता रहने बताइएको छ । कार्यक्रमको स्थानिय व्यवस्थापनका लागि पोखरा महानगरपालिका खेलकुद विकास समितिका अध्यक्ष दीपक गोदारको संयोजकत्वमा १३ सदस्यीय समन्वय समिति तथा ५ सदस्यीय सल्लाहकार समिति गरिसकिएको संघले जनाएको छ ।

April 16, 2024

हाइजम्पमा गणेशको राष्ट्रिय कीर्तिमान

काठमाडौं (हाम्रो खेलकुद)- १४ औं केन्द्रीयस्तरीय राष्ट्रपति रनिङ सिल्ड प्रतियोगितामा‌ गण्डकी प्रदेशका गणेश विकले १४औं केन्द्रीयस्तरीय राष्ट्रपति रनिङ शिल्ड अन्तर्गत हाइजम्पमा नयाँ जुनियर राष्ट्रिय कीर्तिमान सहित स्वर्ण पदक जितेका छन् । त्रिपुरेश्वरस्थित दशरथ रंगशालामा भएको स्पर्धामा गणेशले १ दशमलव ८१ मिटर जम्प गर्दै नयाँ रेकर्ड आफ्नो नाममा लेखाए। उनले २०७५ सालमा लुम्बिनीका प्रभु थारुले बनाएको […]

April 16, 2024

केएनपी नेरोलेक महिला भलिबल यसै महिना

काठमाडौं (हाम्रो खेलकुद)- शेरबहादुर खड्का स्मृति प्रतिष्ठानको‌ आयोजना यसै महिना राष्ट्रिय महिला भलिबल प्रतियोगिता हुने भएको छ । २०७० सालदेखि आयोजना भएको प्रतियोगिताको‌ यस अघि ६ संस्करण भइसकेको छ। सातौ संस्करण वैशाख १२ देखि १५ गतेसम्म त्रिपुरेश्वर स्थित राष्ट्रिय खेलकुद परिषदको‌ कभर्ड हलमा हुनेछ। प्रतियोगितालाई‌ केएनपी नेरोलेकको मुख्य प्रायोजन गरेको छ। केएनपिएका कन्ट्री‌ हेड मनोजकुमार […]

April 15, 2024

राष्ट्रपति रनिङ सिल्डमा पलेशाले दीप प्रज्ज्वलन गर्ने

काठमाडौं (हाम्रो खेलकुद) – १४ औं केन्द्रीयस्तरीय राष्ट्रपति रनिङ सिल्ड प्रतियोगिताको उद्घाटन समारोहमा पारा तेक्वान्दो खेलाडी ओलम्पियन पलेशा गोवर्धनले ओलम्पिक दीप प्रज्ज्वलन गर्ने भएकी छन् । राष्ट्रिय खेलकुद परिषद् (राखेप) को आयोजनामा मंगलबार हुने राष्ट्रपति रनिङ उद्घाटन कार्यक्रमका दौरान दीप प्रज्ज्वलन गर्नुअघि ओलम्पिक टर्चलाई ट्रयाकमा परिक्रमा गराइने । टर्च परिक्रमा कार्यक्रममा ओलम्पियन देवु थापा, कमलबहादुर […]

Success

Thank you for your time.