काठमाडौं (हाम्रो खेलकुद) – श्रीलंकामा आयोजना हुने काभा पुरुष भलिबल च्यालेनज कप २०२३ मा भाग लिन नेपाली पुरुष भलिबल टोलीलाई विदाई गरिएको छ ।

राष्ट्रिय खेलकुद परिषद् (राखेप) का निमित्त सदस्य सचिव प्रकाश कुमार कुसारीले शुक्रबार टोलकिो विदाई गरे । असोज २२ देखि २८ गते सम्म हुने च्याम्यिनसिपमा भाग लिन नेपाली टोली आइतबार त्यसतर्फ जानेछ ।

नक्सालस्थित क्राउन प्लाजामा आयोजित कार्यक्रममा निमित्त सदस्य सचिव कुसारीले खेलाडीहरुको खेलस्तर उच्च स्तरको रहेको भन्दै प्रतियोगितमा सफलताका लागि शुभकामना दिए ।

विदाई कार्यक्रमका दौरान नेपाली भलिबलको खेल स्तर अभिबृद्धि गर्न पु¥याएको योगदानको कदर गर्दै नेपाली टिमका मुख्य प्रशिक्षक हान आविङ्गलाई प्रशंसापत्र प्रदान गरिएको थियो । आविङ्ग अन्तर्राष्ट्रिय भलिबल महासंघको सहयोगमा नेपाली टोलीको प्रशिक्षणका लागि नेपालमा छन्।

प्रतियोगितामा ६ टोलीको सहगिता रहेको छ । राउन्ड रोविन लिगपछि अंकतालिकाका शीर्ष २ टोलीले फाइनल तथा त्यसपछिका दुई टोलीले तेस्रो स्थानका लागि प्रतिस्पर्धा गर्नेछन् । नेपालले असोज २२ गते बंलादेशसँग खेल्दै च्यालेन्ज कपको सुरुवात गर्नेछ ।

नेपालले दोस्रो खेल असोज २३ गते श्रीलंकासँग, तेस्रो खेल असोज २४ गते अफगानिस्तानसँग खेल्नेछ । असोज २५ गते आराम दिइएको च्यालेन्ज कपमा नेपालले असोज २६ गते साउदीसँग र असोज २७ गते उज्वेकिस्तानसँग खेल्नेछ ।

फाइनल र तेस्रो स्थानको खेल असोजज २८ गते हुनेछ । चीनमा जारी १९ औं एसियाली खेलकुदमा भाग लिएर फर्केको नेपाली टोली त्यसपछि नियमित प्रशिक्षणमा रहेको छ ।