default_image

8 months ago

October 13, 2023

काठमाडौं म्याराथनको १५ औं संस्करण भोली

278 views

0 Bookmark

काठमाडौं (हाम्रो खेलकुद) – काठमाडौं म्याराथनको १५औं संस्करण शनिबार आयोजना हुँदैछ । आयोजक एनआरएस फाउन्डेसनले म्याराथनको सबै तयारी पूरा भएको जनाएको छ ।

पछिल्लो १७ वर्ष कोरोनाका कारण दुई वर्षबाहेक हरेक वर्ष आयोजना भइरहेको छ । त्रिुपरेश्वरस्थित दशरथ रंगशाालाबाट सुरु हुने यसपटकको काठमाडौं म्याराथनमा म्याराथन (४२.१९५ किमी), हाफ म्याराथन, ५ किमी दौड खुल्ला, स्कुल, फ्यामीली रन गरी विभिन्न विधामा प्रतिस्पर्धा हुनेछ । आमन्त्रित हिडाइ समेत राखिएको छ ।

सबै दौडमा गरि १ हजार ५ सय भन्दा बढीको सहभागिता रहने आयोजकको अनुमान छ । ३० भन्दा बढी विदेशी खेलाडीले यसपटक विभिन्न विधामा प्रतिस्पर्धा गर्नेछन् । म्याराथन तर्फ पुरुष र महिला विजेताले समान १ लाख, दोस्रो हुनेले ५० हजार र तेस्रो हुने २५ हजार रुपैयाँ प्राप्त गर्नेछन् ।

यो वर्ष स्वास्थ्य मन्त्रालयको सहकार्यमा ‘नेपाल रन्स फर डिजिटल हेल्थ’ राखिएको छ । स्वास्थ्य मन्त्रालयको ९० दिन देश भरका पालिका हरुमा गर्ने कार्यक्रमको सुरुवात पनि यसै काठमाडौं म्याराथन बाट सुरुवात गरिएको छ । काठमाडौं म्याराथनमा इनड्राइभ, सफल दुध, टोयोटा र क्याथे प्यासिफिक प्रायोजकका रुपमा रहेका छन् ।

ग्रान्डी अस्पतालमा सम्पूर्ण खेलाडीको लागि मेडिकल सेवा प्रदान गर्नेछ । यस्तै सम्पूर्ण खेलाडीहरूको एक दिने बीमा गरी, इन्सुरेन्स पार्टनरको रूपमा नेको इन्सुरेन्स रहेको छ । काठमाडौं उपत्यकाबासीलाई म्याराथन सन्चालनको सहयोगका लागि दौडको समयमा प्रयोग हुने रुटमा सवारी साधन नचलाइदिन समेत अनुरोध गरेको छ ।

त्रिपुरेश्वर स्थित दशरथ रंगशाला बाट सुरु म्याराथन थापाथली, कुपण्डोल, पुल्चोक, जावलाखेल, तिब्वेतन क्याम्प, सातदोबाटो, कोटेश्वर, ठिमी, सूर्यविनायक चोक, भक्तपुर दरबार स्क्वायर, पुरानो ठिमी , पेप्सीकोला, जडिबुटी, कोटेश्वर, तीनकुने, गौशाला, नारायण गोपाल चोक, लैनचौर, रानीपोखरी, भद्रकाली,सहिदगेट हुँदै दशरथ रंगशालामा एक चक्कर लगाएर पूरा हुनेछ ।

हाफ म्याराथन त्रिपुरेश्वरबाट सुरु भई थापाथली, कुपण्डोल, पुल्चोक, ग्वार्को, कोटेश्वर, तीनकुने, गौशाला, नारायण गोपाल चोक, लैनचौर, रानीपोखरी, भद्रकाली, सहिदगेट हुँदै दशरथ रंगशाला पुगेर टुंगिनेछ । त्यस्तै ५ किमी दौडका लागि त्रिपुरेश्वर, थापाथली, माइतीघर, हनुमानस्थान, अनामनगर, पुतलीसडक, प्रदर्शनी मार्ग, भद्रकाली, सहिदगेट हुँदै दशरथ रंगशालाको रुट तय गरिएको छ ।

May 27, 2024

एनभिए भलिबलको हाम्रो खेलकुदले प्रत्यक्ष प्रसारण गर्ने

काठमाडौं (हाम्रो खेलकुद) – नेपाल भलिबल संघको आयोजनामा शनिबार सुरु हुने आठौं प्रधानमन्त्री कप–एनभिए महिला तथा पुरुष भलिबल लिगको हाम्रो खेलकुदले प्रत्यक्ष प्रसारण गर्ने भएको छ । प्रत्यक्ष प्रसारणका लागि गत साता भलिबल संघका अध्यक्ष जीतेन्द्रबहादुर चन्द र हाम्रो खेलकुदका सम्पादक प्रकाश तिमल्सिनाले सम्झौता पत्रमा हस्ताक्षर गरेका थिए । गत चैतमा सम्पन्न आठौं आरबिबिएभिए भलिबल […]

May 26, 2024

जापानमा पर्वत कप पुरुष भलिबल च्याम्पियनसिप हुने

काठमाडौं । पर्वत समाज जापानकाे आयाेजनामा जापानमा आगामी साउन तेस्राे साता प्रथम पर्वत कप पुरुष भलिबल च्याम्पियनसिप २०२४ आयोजना हुने भएकाे छ । पर्वत समाज जापानले आगामी साउन १९ गते शनिबार (३ अगस्ट २०२४) प्रथम पर्वत कप पुरुष भलिबल च्याम्पियनसिप आयोजना गर्न लागेको जानकारी गराएको छ । प्रतियोगिता तोडा सिटी स्पोर्टस् सेन्टरमा हुनेछ । जापानमा […]

May 25, 2024

खानीखोलालाई बेथानचोक कप भलिबलको उपाधि

काभ्रेपलाञ्चोक (हाम्रो खेलकुद)- खानीखोला गाँउपालिकाले पाँचौं बेथानचोक कप जिल्ला स्तरीय आमन्त्रण पुरुष भलिबल प्रतियोगिताको उपाधि जितेको छ । बेथानचोक गाउँपालिका खेलकुद विकास समितिको आयोजनामा भएको प्रतियोगिताको शनिबार मण्डनदेउपुर नगरपालिकालाई हराउँदै खानी खोलाले उपाधि जितेको हो । खानीखोलालर ८० हजार, मण्डनले ५० हजार र संयुक्त रुपमा समान २० हजार रुपैयाँ प्राप्त गरे । ढुंखर्कस्थित पार्वती मा.वि.को […]

Success

Thank you for your time.