default_image

2 months ago

January 10, 2024

आर्मीविरुद्ध सानदार जित निकाल्दै पुलिस फाइनलमा

सुर्खेत (हाम्रो खेलकुद)-  नेपाल पुलिस क्लब कर्णाली प्रदेशको राजधानी सुर्खेतमा जारी ३४ औं राष्ट्रिय पुरुष भलिबल प्रतियोगिताको फाइनलमा पुगेको छ । वीरेन्द्रनगरस्थित खुलामञ्चको कोर्टमा बुधबार भएको दोस्रो सेमिफाइनलमा त्रिभुवन आर्मीलाई ३-० ले हराँउदै पुलिस उपाधिको नजिक पुगेको हो । पुलिसले बिहीबार हुने फाइनलमा साविक विजेता एपिएफ को सामना गर्नेछ। विभागिय डर्बीमा पुलिसले आर्मीमाथि २५-२१, २५-२३ […]

5346 views

0 Bookmark

सुर्खेत (हाम्रो खेलकुद)-  नेपाल पुलिस क्लब कर्णाली प्रदेशको राजधानी सुर्खेतमा जारी ३४ औं राष्ट्रिय पुरुष भलिबल प्रतियोगिताको फाइनलमा पुगेको छ ।

वीरेन्द्रनगरस्थित खुलामञ्चको कोर्टमा बुधबार भएको दोस्रो सेमिफाइनलमा त्रिभुवन आर्मीलाई ३-० ले हराँउदै पुलिस उपाधिको नजिक पुगेको हो । पुलिसले बिहीबार हुने फाइनलमा साविक विजेता एपिएफ को सामना गर्नेछ।

विभागिय डर्बीमा पुलिसले आर्मीमाथि २५-२१, २५-२३ र २५-१९ ले हराएको थियो। यो सँगै पुलिसले १० दिन अघि बाग्लुङ गल्कोटमा बुकी कपको फाइनलमा भोगेको हारको बदला लिएको छ । त्यो फाइनलमा आर्मीले पुलिसलाई २७–२५, २२–२५, २१–२५, २७-२५ र १५-६ ले हराएको थियो।

पहिलो सेटमा १८-१२ को पुलिसको‌ फराकिलो अग्रता बनाउँदै खेलमा पकड बनाइएको थियो। त्यसपछि एक‌ समय २२-१९ को अवस्था आएपनि कम्तीमा ३ अंकको अग्रतालाई‌ भने पुलिसले अधिकांश कायम गर्न सफल रह्यो।

सुरुवातमा केहिपछि परेपनि खेलमा सुधार पुलिसले दोस्रो सेट आफ्नो पक्षमा पारेको थियो। ७-५ ले पुलिस पछि परेको खेलमा एक पटक ८-८, को त्यसपछि १६-१६ र अर्को पटक १९-१९ को बराबरी पनि पुगेको थियो। त्यसपछि भने पुलिसले अग्रता बनाएको थियो।

त्यसपछि पुलिसले लगातार अंक जोडे २३-१९ बनायो ।  खेलमा फर्कने क्रममा आर्मीले २४-२२ को अवस्था पुर्यायो। त्यसपछि १‍‍-१ अंक जोडेपनि अन्तिममा २ अंक बटुल्दै पुलिसले सेट जितेको थियो।

तेस्रो सेटमा ४-४ को बराबरीबाट लगातार ९ अंक जोड्दै अघि बढेको पुलिसले सहजै आफ्नो पक्षमा पारेको थियो। त्यसपछि पुलिसले ५ अंकको अन्तरलाई अन्तिम सम्म कायम राखेको थियो।

त्यसअघि पहिलो सेमिफाइनलमा एपिएफले गण्डकीलाई २५-२३,२५-२० र २५-१५ ले पराजित गरेको थियो। पहिलो सेटमा एक‌ समय १०-९ को अग्रता बनाएको गण्डकीले त्यसलाई जोगाउन सकेन । यद्दपी टोलीले सेटको अन्त्यतिर कडा चुनौती पेश गरेको थियो।

दोस्रो सेटमा पनि गण्डकीले १०-७ को अग्रतालाई जोगाउन सकेन । एपिएफले लगातार ३ अंक जोड्दै १०-१० को बराबरी गरेको थियो। त्यसपछि सेटमा एपिएफले पकड बनाउँदै लगेको थियो। रेफ्रीको‌ निर्णयप्रति भने गण्डकीका खेलाडी, प्रशिक्षक र व्यवस्थापकले आपत्ति जनाएका थिए।

तेस्रो सेटको सुरु मै एपिएफका लिबेरो चोटका कारण कोर्ट छाडेका थिए। बल रिसिभ गर्ने क्रममा विनोदले बायाँ तिघ्राको पछाडि भागमा असहज महसुस गरेका थिए। विनोद विना पनि एपिएफले खेलमा पकड बनाउँदै सेट जितेर अन्तिम दुईमा स्थान‌ बनाएको थियो।

अपराजित एपिएफ समूह ‘ए’ को विजेताका रुपमा सेमिफाइनल पुगेको थियो। त्रिभुवन आर्मी क्लब  विजेता रहेको समूह ‘बी’ बाट उपविजेताका रुपमा गण्डकी अन्तिम ४ मा पुगेको थियो। समूह ए बाट दोस्रो हुँदै पुलिस सेमिफाइनल पुगेको थियो।

नेपाल भलिबल संघको आयोजना र कर्णाली प्रदेश भलिबल संघको व्यवस्थापनमा भइरहेको प्रतियोगिताको
समूह चरण एउटैमा रहेका एपिएफ र पुलिसबीच बिहीबार फाइनल र आर्मी र गण्डकीबीच तेस्रो स्थानको‌ खेल हुनेछ।

गत वर्ष गण्डकीमा सम्पन्न नवौं राष्ट्रिय खेलकुद अन्तर्गत ३३ औं राष्ट्रिय पुरुष भलिबल प्रतियोगिताको फाइनलमा आर्मीलाई हराउँदै एपिएफले उपाधि जितेको थियो।

February 25, 2024

बागलुङलाई सन्तोष थापा स्मृति कप भलिबल उपाधि

काठमाडौं (हाम्रो खेलकुद) – जिल्ला भलिबल संघ बागलुङले सन्तोष थापा स्मृति कप आमन्त्रित जिल्ला स्तरीय पुरुष भलिबल प्रतियोगिताको उपाधि जितेको छ । आइतबार भएको फाइनलमा जिल्ला भलिबल संघ स्याङ्जालाई ३–१ को सेटमा पराजित गर्दै उपाधि जित्न सफल भएको हो । बागलुङले सुरुवाती सेट गुमाएपनि त्यसपछिको तीन सेट आफ्नो पक्षमा पार्दै उपाधि हत्याउन सफल भयो । […]

February 25, 2024

खुल्ला राष्ट्रिय पुरुष हेटौंडा रन यसै साता

हेटौंडा (हाम्रो खेलकुद)- हेटौंडामा पहिलो पटक खुल्ला राष्ट्रिय पुरुष हेटौंडा रन प्रतियोगिता हुने भएको छ । गत वर्षहरुमा जिल्ला स्तरमा आयोजना हुने प्रतियोगिता यस पटक राष्ट्रिय स्तरका रुपमा सञ्चालन गर्न लागिएको बताइएको छ। हेटौंडा उपमहानगरापालिकाको सहयोग र नगर खेलकुद बिकास समितिको समन्वय तथा व्यवस्थापनमा सञ्चालन फागुन १८ गते हेटौंडा रन हुने आइतबार पालिकामा आयोजित पत्रकार […]

February 25, 2024

राष्ट्रिय महिला हक्की च्याम्पियनसिप- कोशी टोलीको बिदाइ

बिर्तामोड (हाम्रो खेलकुद)- मधेश प्रदेशको धनुषामा हुने राष्ट्रिय महिला हक्की च्याम्पियनसिपमा भाग लिने कोशी प्रदेशका खेलाडीलाई बिदाइ गरिएको छ । झापाको बिर्तामोडमा एक कार्यक्रमका बीच झापा जिल्ला हक्की संघले आज महिला खेलाडीहरुलाई बिदाइ गरेको हो । प्रथम मदन भण्डारी राष्ट्रिय महिला हक्की च्याम्पियनसिप २०८० मा सहभागी हुने कोशी प्रदेशको टिममा प्रतिनिधित्व गर्ने सबै खेलाडी झापा […]

Success

Thank you for your time.